Job 28:25 - DAWAN BÎLA AISKA

²⁵ Gâd mita pâsa karnika mangkaia lukan ba ra, lî ba sin aitani kat mangkan.

Job 28:25 ပူးပေါင်းရင်းမြစ်များ

Job 12:15

Witin mita lî ba alki takaskisa kaka, diara sut ba lâwisa; kuna witin lî auhaia ba ban swin auhisa ba ra, tasba ra lisamra dingkisa.

Job 37:15

¿Man nu sma ki, nahki Gâd naha diara nani sut ba baku kabia dauki ba, bara nahki kasbrika ra imyula lipisa?

Job 38:4

¿Man anira kapram, naha tasba yang paski kapri piua ra? ¡Bamna ai wis, man sins tânka aitani brisma ba!

Job 38:5

¿Man tânka brisma ki ya mita kulki kaikan ba, bara yamna papaskra kan paskan ba?

Job 38:8

Kabu ba tasba klukia munhta wina takan piua ra, ¿ya mita dur nani mangkan ki alki takaskaia dukiara?

Lawana Nani 135:7

Witin mukus nani yan uluya, wan tasba paskanka lâs ba wina; witin lî auhi ba dukiara, imyula nani yan maisa pakisa, witin ai dukia kukan nani bri ba wina, pâsa sakisa.

Aiseya 40:12

¿Kabu tara ba ya pat ai mihta ra alki kulki kaikan, apia kaka ai mihta sirpika nani ba ni kasbrika pura bîla yahpika ba pat wiria kulki kaikan? ¿Ya pat tasba yuya nani ba sut kâp kumi ra auhban, apia kaka, kiuhsi nani il nani ba sut paun ra mangki kaikan?