Job 27:19 - DAWAN BÎLA AISKA

¹⁹ Yuyakira ba kau aima kumi aitnikbia, ningkara kli bubia ba ra diara kumi sin âpu kabia.

Job 27:19 ပူးပေါင်းရင်းမြစ်များ

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

Job 14:10

Ban sakuna, upla ba lika prura saika âpu ban pruisa, pruya ba ra, ¿anira auya?

Job 20:5

upla watawikira liliaka ba, piu prahni baman sa; ai âuyapah lâka ba minit lupia kumi baman sa.

Job 21:30

Ani piua Gâd ai kupia sauhkuya ba ra ai lawanka ba blikisa, bara watawikira lika diara munras sa.

Job 24:24

Upla saurakira ba piua prahni lupia baman dukiara purara bukan sa, baha ningkara pat pali âpu takisa, srawi luisa twi daikan srawi ba baku, rais kiama lap tiwi ba baku.

Job 30:23

Yang pat tânka brisna prura ra ai brih waisma, baha tasbaya kum mâyara saki swiram ba upla bani dukia ba.

Job 7:21

¿Saurki ba ban sip swih tikras sma ki? ¿Watawi daukri ba sip pâtki swih tikras sma ki? Pat pali tasba yamhpuska tilara prawi kamna; ai plikma ba ra, âpu kamna.

Job 7:8

Upla kumi sin kli ai kaikbia apia; namkra ba yang kat mangki ai kaiks, bara yang kau ban raya kamna apia.

Job 8:22

Sakuna tani wala ra, waihlam nani ba witin mita swira lâka ni ai pura prakan kabia, bara saurakira nani watla ba lika sauhki tikan kabia.

Lawana Nani 58:9

Kiaya dusa nani aswi lap tiwi ba baku kabia, bara ai lawanka karna ba wal, twi kura sangni daiki saki baku daikbia.

Sins Lâka 23:4

Lalahkira takaia mata uya pali wînam ikpara; baha dukiara trabil taki lukpara.

Sins Lâka 23:5

Pain laki kaikma kaka, man kaikma yuya tara ba âpu sa, bara aihni pali auya, yakal baku ai tnawa pat takan baku.

Jirimaya 8:2

witin nani lapta, kati, slilma nani ra latwan kaikan, baha warkka daukan, nina blikan, baha nani ra aisi ai tânka pliki wali kan, bahara mayuni kan ba mawanra lulki swibia. Upla kumi sin baha dusa nani ba bikaia wisi alki bukbia apia. Tasba ra prawi kabia, daiwan kânka nani baku.

Matiu 23:37

“¡Jerusalem, Jerusalem, man sika prapit nani ba ikisma, bara Gâd bîla twatwilkra mai bliki nani ra walpa ni sabisma ba! ¡Aima ailal luhpiam nani asla dauki brin ai daukan, sim kalila ai luhpia nani ai tnawa munhtara asla dauki ba baku, sakuna man apia wiram!

Matiu 3:12

Witin ai mihta ra singbaia dukia pat ridi brisa, bamna plawar mâ ba klin dauki, taya ba sait ra sâkbia. Plawar mâ ba ai pata watla ra auhbia, sakuna taya ba pauta kum ban kaia ra dasras ba ra angkan kabia.”