Job 24:13 - DAWAN BÎLA AISKA

¹³ Upla kum kum bâra sa ingni ba misbara kaikisa, ai yabalka nani sut ra baha wina tnaya ra tawisa.

Job 24:13 ပူးပေါင်းရင်းမြစ်များ

1 King Nani 3:20

Bara tihmia wâl bakriki, witin mita yang albikam yapi kapri, luhpi raya kata ba tnaya wina saki witin ai tnaya ra laki swin, witin ai luhpia pruan kata ba yang tnaiya ra tnikan.

Job 24:12

Baha nani pât wahwisa tawan wina laihura, ini kira ai tikluka ba sakisa, sakuna Gâd lika ai pura sunra ba walras sa.

Job 24:14

Upla âikra ba, tihmia kau buisa umpira ba ikaia, bara tihmia iwuya taim, âimplikra takisa.

Job 24:16

Âimplikra ba tihmia ra utla nani ra dimisa, kakna lika utla ra dimi ai durka prakisa; ingni ba witin nani waihla sa.

Job 38:13

¿Bara ingni ba tasba purara ingbia, bara saurakira nani ba wih yukuwbia?

Job 38:15

Watawikira nani ingnika ba witin nani wina sakan kabia, bara baha klahkla purara bukan ba mâyara batakan kabia.

Job 5:14

¡Kakna yu ingnika pali ra, tihmia ra baku upla traika kaiki taukisa; kunin prâka siksa ba dimi, kakna ra tihmia baku wataukisa!

Sins Lâka 4:19

Sakuna upla watawikira nani yabalka ba lika tihmia tara ra sa; witin nani ai dahra walras, dîa mita ai mina prukisa sapa.

Jan 12:35

Bara Jisas bila baha nani ra: —Kaiks, piua wiria baman ingni ba kau man nani tilamra kabia. Bamna watauki bas kau baha ingnika brisma ba ra, tihmia kra mai alkbiara sîa; kan tihmia ra watauki uplika ba, witin kaikras sa anira auya sapa.

Jan 12:40

“Gâd mita baha uplika nani ba nakras bara kupia karna daukan, ai nakra nani ni kaikbiara sîa, bara ai sinska ni tânka bribiara, bara witin nani tawi yang ra balka rakamnara sîa.”

Jan 15:6

Bamna ani uplika yang wal ban asla apia ba, saki latara lulkan kabia, bara lâwbia sin dus tnawa kumi lâwan wahbi, pauta ra lulkan ami ba baku.

Jan 8:31

Ju nani kasak luki banhwan ba sut ra Jisas mita win: —Dîa mai wisna ba kat kasak kama kaka, man nani ba kasak yang disaipilki nani kama.

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

Roman 1:32

Witin nani pain kaikisa Gâd lâ mangkan sa, ya naha sât dukia nani dauki ba pruaia aitani sa; ban sakuna, witin nani mita ban daukisa, bara upla wala nani dauki ba sin pain lukisa.

Jems 4:17

Ya yamni daukaia kaiki si daukras kaka, witin saura daukisa.

1 Jan 2:19

Witin nani ba lika yawan wan tila wina takan sakuna kasak pali mai wisna, baha nani ba yawan nani wina apia sa, kan yawan wina kata, witin nani yawan wal ban kaia kan. Sakuna baha ba baku ban takan, upla nani mita param kaikbia dukiara, baha nani ba kasak pali yawan wan tila na wina apia sa.

Judas 1:6

Bara insal nani, ai pliska bri kan ba main kaiki briras, sakuna ai watla pali ba sin swin nani ba, baha nani ra Gâd mita ban kaia ra priski, silak watla tihmu ra brisa, lâ tara yua balbia ba kat.