Job 22:13 - DAWAN BÎLA AISKA

¹³ ¿Nahki man sip sma wiaia, Gâd lika diara tânka briras sa, baha klaut nani ba mita munan sip lâ aisi daukras sa?

Job 22:13 ပူးပေါင်းရင်းမြစ်များ

Job 34:22

Tihmia tara, kau tihmu ba âpu sa saurakira kum ra yukukaia sip ba.

Lawana Nani 10:11

Watawikira ba lukisa, Gâd ba âuya tiwisa, ai mawan pura prakisa bara sip diara kaikras sa.

Lawana Nani 139:11

Tihmia tara ra dimi yukuwaia sip katna kaka, apia kaka ingni kir ai bri ba tihmia daukaia sip katna kaka,

Lawana Nani 139:7

¿Yang ansara wamna man spiritkam âpu kabia ki? ¿Ansara sin yang plapamni, bahara man ai kaikras kama ba?

Lawana Nani 59:7

Ai bîla wina ukata baman sakisa, wan aisi ba wan insauhkisa: “¡Baha sika upla kumi sin wan walan daukras!”

Lawana Nani 64:5

Witin nani ai tila kat sin saura daukaia lukisa; witin nani mini alkaia wisi, yukuwan ra daukisa bara sin lukisa, upla sip witin nani ra kaikras.

Lawana Nani 73:11

Witin nani makabi walisa: “¿Baha ba Dawan nu takbia ki? ¿Laih Purara iwi Dawanka ba ai dahra walbia ki?”

Aiseya 29:15

¡Saura pali kabia baha nani ra, Dawan wina yukuwi ba witin nani dîa daukaia aisi ba yukukisa, ai watawika nani yukuwi dauki ba bara witin nani wisa: “Upla wan kaikras. Upla wala nu âpu sa”!

Jirimaya 23:24

¿Ya sip sa yang kaikisna ba wina yukuwaia? Kasbrika purara tasba ani anira ra sin yang bâra sna. Yang, Dawan, kasak aisisna.

Isikiel 8:12

Bara yang ra ai win: “¿Kaikisma ki, Israel almukka nani yukuwan ra diara dauki ba, kumi bani witin bâra ba lilka nani ulbi daukan ba? Kan witin nani lukisa yang ba kaikras, bara kuntri ba sin lulki swiri.”

Isikiel 9:9

Dawan ba pana yang ra ai win: “Israel bara Juda uplika nani saurka ba tara pali sa. Kuntrika ba upla ikan lâka ni banhwan sa; bara tawan ba tanis lâka ni banhki takan sa; witin nani lukisa yang kuntrika ba lulki swiri bara yang ba kaikras sna witin nani dîa dauki ba.

Emus 9:2

Witin nani tasba mununhtara salhki dimbia sin, yang baha wina alki sakamna, kasbrika purara uli wabia sin, baha wina batakamna.

Emus 9:3

Witin nani Carmelo ilka bahna ra uli yukuwi kabia kra sin, yang wih bâra ban pliki saki alkamna; kabu tihuka mununhtara dimi wabia yang kaikamna apia wisi, bara bahara yukuwi kabia sin, bahara kabu daiwra tara blikrika, witin nani ra langki pibia.

Sofonías 1:12

“Baha yua ra, yang lamp kum brih, Jerusalem uplika nani ba tilara pliki kaikamni. Baha uplika nani ai âuyapah pali taki ba klala yabamna, bara witin nani luki aisisa: ‘Dawan diara daukbia apia; ¡yamni sin apia, saura sin apia!’