Job 22:12 - DAWAN BÎLA AISKA

¹² Gâd lika kasbrika kau purara pali ba ra sa, slilma nani kau purara pali ba lika ai mina munhtara sa.

Job 22:12 ပူးပေါင်းရင်းမြစ်များ

Job 11:7

¿Man lukisma ki, man ba sip sma Gâd tânka tihu ra ba kaikaia, bara witin ai tânka tihuka pali ba tânka sut pali ba man kaikaia?

Job 11:8

¿Dîa daukaia sip sma, kan Dawan sinska lâka ba kasbrika pura pali ba wal kau purara pali sa? ¿Man dîa nu sma, sinska lâka ba albangka kum wal prakan ba tara kau tihu sa?

Job 35:5

Kasbrika tani ra tawi kaiks, bara kaiks nahki kasbrika nani ba man wina laih puramra pali sa.

Lawana Nani 115:16

Kasbrika pura ba, Dawan dukia sa; bara tasbaya ba upla ra yaban.

Lawana Nani 115:3

Yawan wan Gâdka ba kasbrika purara sa; witin mita ai brinka ba kat daukan.

Smasmalkra 5:1

Gâd watla ra auma ba ra, man daukankam ba main kaiks; taniskira nani baku sakripais daukpara, witin nani sinskas lâka ra ai tânka briras sa saura dauki ba, lamara bal bîla wali dauks.

Smasmalkra 5:2

Aihni daukpara, bîlam wal sin apia, lukankam wal sin apia, Gâd ra pramis takaia wipara, kan witin ba kasbrika purara sa, man lika tasba ra sma bamna. Baha mita, man sturi wiria baman aisas, dîa sip sma ba kat.

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 66:1

Dawan aisisa: “Kasbrika pura ba, yang iwaiki watla bara tasba ba, yang mini nani kahbaika sa. ¿Anira sip sa utla kum mâki aikaia? ¿Anira sip sa ris briaia pliska kum dauki aikaia?