Job 21:31 - DAWAN BÎLA AISKA

³¹ Upla kumi bui sin ai daukanka mawanra mangkras, dîa ai mana briaia kan ba yaras.

Job 21:31 ပူးပေါင်းရင်းမြစ်များ

Job 21:19

Baku wisa Gâd bui papika nani saurka ba, luhpia nani ra ni kulkan sa, sakuna baha lika witin ai saurka pali, lawan tara wal munka aibapaia sa.

Job 21:30

Ani piua Gâd ai kupia sauhkuya ba ra ai lawanka ba blikisa, bara watawikira lika diara munras sa.

Job 21:32

Bamna mahka bikaia brih auya ba ra, upla nani asla witin wal aikuki auya sa, dakni kumi ba tâura auya, dakni wala ba ninara wapi auya, bara raiti ra lika sut ba mita aihwaki kaikisa, bara tasba ba witin mapa ra swapni baku sa.

Job 41:11

¿Yamna ai mawanra bubia, bara diara munras swak takbia? ¡Upla kumi sin âpu sa tasba aiska ra!

Lawana Nani 50:21

Man nani naha sut daukram, sakuna yang sâp kapri; ba mita kupiam ra lukram yang lika man wal baku sna. Sakuna yang bui man mamwan kat damhra kwahkaisna, dîa daukram klala maiki wapni daukaisna.

Aiseya 59:13

Yawan mapara babura takma, Dawan wal sin kasak apia kan. Yawan wan Gâdka ninara waia brin wan daukras kan, yawan aisin lâ nani ba krikaia, upla nani pât ra dingkaia, yawan upla nani ra kunin munaia lâka daukan.

Mark 6:18

Bara Jan mita Herod ra param win: “Man muihkam maya briaia ba lâ apia sa.”

Apastil Nani Sturka 24:25

Sakuna Pal aisin ai rayaka wapni bri kaia tânka dukiara, wan wîna alki takaskaia lâka bara naika lâ tara yua ra lâ tara ba dukiara sin. Bamna Félix sibrin taki, win: —Nanara man mahka was, sakuna ani piua yang sans bri kamna ba ra, kli mai paiwamna.

Roman 12:19

Muihki laitwankira nani, saura mai munan ba tâwan upla ra pana saura munpara, sakuna swis Gâd mita uplika ba ra klala yabia, kan Ulbanka ba wisa: “Yang mita lika klala yaia sna; bahamna Dawan bila: Swis yang baha ba kasakka lâka ra aibapamna.”

Galesha 2:11

Sakuna Pita Antíoco ra wan ba ra, mawan kat lawi daukri, witin swakwanka kum daukan ba tâwan.

Kli Smalkanka 7:10

sakuna witin ra misbara kaiki nani ra sauhki tikisa, pitka kat mana aitani yabisa. ¡Takaskras pitka kat yabisa witin ra misbara kaiki nani ra!

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.