Job 21:16 - DAWAN BÎLA AISKA

¹⁶ (Sakuna upla watawikira nani ba ai rayaka bri ba witin nani apia sika dawanka ba. ¡Witin nani wal baku lukaia ba, yang wina laihura sa!)

Job 21:16 ပူးပေါင်းရင်းမြစ်များ

Blasi Sturka 49:6

Man nani asla aidrubi iwi lâ aisisma ba iwaikam ra, yu kumi sin iwaia brin ai daukras. Kupiam baiwi kan, bara man nani upla ikram, bara kupiam baiki bîp wainhka nani mina nani ba sin krikram.

Job 1:21

Bamna naku aisata: —Kwala luha tasba ra balri, bara kwala luha naha tasba wina wamna. Diara sut Dawan mita aikan, bara Dawan mita sin kli mihti dakban; ¡Dawan nina ba ban mayunan kabia!

Job 10:3

Man mita sika baku ai paskram ba, ¿bara baku aitani lukisma ki, swiri dauki baku ban ai sauhkaia bahki ai kulkaia, bara man mita upla saura nani, diara saura daukaia ai lukanka ra paski ba tâ baikram?

Job 22:18

(Ban sakuna, witin mita sika wan watla bilara yamnika nani banhki wankan ba. ¡Yang wina laihura sa, watawikira nani baku lukaia ba!)

Lawana Nani 1:1

Yamni pali sa baha uplika, upla watawi nani lâka ra taukras ba, saurakira nani yabalka bâk sin waras ba, Gâd lawaska kiki banhwi ba tilara, aikuki prawi kikras ba.

Sins Lâka 1:10

Yang luhpi waitna, upla saurakira nani kunin mai munaisa kaka, ¡yarka kunin mai munbiara!

Sins Lâka 5:8

Upla wala mairka lama wina laihura taks; ai watla durka lamara sin wapara.

Smasmalkra 8:8

Upla kumi sin âpu sa, rayaka purara karnika briaia, bara sin alki takaskaia ba, bara sin upla kumi âpu sa, prura mapara karnika briaia, upla âpu sa naha aiklabanka wina swak takaia, watawikira nani ra sip ai watawika lâka ba mita swaki sakan kabia apia.

Luk 16:2

Bamna wark uplika dawanka ba mita paiwi, win: ‘¿Man dukiamra upla nani ai wi na dîa sa ki? Man warkkam nani wauhkataya ba bri sal aik, kan man kli yang warkki dauki kama apia.’

Luk 16:25

Sakuna Ebraham bila: ‘Luhpi, luki kaiks raya katma piua nani ra diara sut ba man pain baman briram, sakuna Lasarus lika diara sut ra saura baman kan. Nanara lika witin ba maisa nihkan sa, sakuna man lika pât wahwisma.