Job 20:15 - DAWAN BÎLA AISKA

¹⁵ Yuyaka nani langkan ba sut aikabi sakan kabia, Gâd mita sika klungka ba wina saki ba.

Job 20:15 ပူးပေါင်းရင်းမြစ်များ

Job 20:10

Umpira nani ra luhpia nani ba kli yan kabia, witin mita implikan ba.

Job 20:14

Sakuna ningkara, ai biara bilara puisin takuya, piuta saura puisinka ba baku.

Job 20:18

Dîa dîa yamnika brin ba sut lika kli laki yaban kabia, yuyaka bri ba wina tâ baikanka, apia kaka liliaka kum sin bribia apia.

Job 20:20

Pin dauki ba sip ai âuyapah takras, ailal bri ba aitani lukras.

Job 20:28

Gâd lawanka witin purara balbia ba ra, ai yuyaka nani ba sut tiwan kabia.

Lawana Nani 109:11

Upla ra lalah yabi mana saki ba bui dîa bri kata sut brih wabia, upla tringsar nani bui dîa saki brin ba mihta dakbi bribia.

Sins Lâka 21:20

Upla sinskira watla ra yuya bâra sa, bara isint sin; sakuna taniskira nani diara bri ba sut danh daukisa.

Sins Lâka 23:8

Aikuki sâkma plun pima ningkara, bara bîlam aisinka painkira nani aisatma ba sut, bahki man takbia.

Jirimaya 51:34

Jerusalem, Saion tawanka ba, aisisa: “Nabucodonosor, Babilon kingka ba, yuya sirpi ai dauki ai langkan; plit kum bîla man ba baku ai dauki swin. Kabu daiwra saura tarka tara kum baku taki, ai langkan; dîa want ba kat ai âuyapah ai pin; bara tâka ba swin lulkan. ¡Babilon bui saura ai munan mana ba aibapbia! ¡Caldea uplika nani bui aibapbia, upliki nani ikan ba mana!”

Jirimaya 51:44

“Bel, Babilon gâdka ba, klala yabamna, langkan yaba munrika aikabia, nisan nani witin ra kli plapbia apia. ¡Babilon kutbanka nani ba pat kauhan!

Abakuk 2:6

Sakuna nisan wala nani ra pura lui taiban ba, witin nani pana lawaska kikbia, baha ra lawana ulbi aiwani: “¡Man sarkam pali ai daukisa, upla wala dukia kukanka nani dakbi bri yuyakira takisma ba! ¿Ahkia kat man baha uplika nani ra ban taibi muni dukia nani mihta wina dakbi brih kau ban traska dimi kaisma ki?”