Job 2:12 - DAWAN BÎLA AISKA

¹² Bara witin nani ba Job ra sip kaikaia pliska ba kat wan, witin nani Job ra wiria kaikan ba ra ai bîla baikra karna saki ini banhwan. Bara uya pali ai kupia wirha wal, ai prâka kalki, tasba yamhpuska nani ai lal purara yakaban.

Job 2:12 ပူးပေါင်းရင်းမြစ်များ

Blasi Sturka 27:34

Isau ai aisika aisi ba wali bara mahka sarikira pali ini, ai bîla baikra tara karna winan: —Aisiki, yang ra sin yamnika kum aik.

2 Samuil 13:36

Witin aisi si takaskan wal baku, king luhpia nani ba bal diman bara witin nani sut sarkira pali aihwa kasak inan. King ba bara wihta tara nani ba sin ini banhwata.

Esdras 9:3

Baha sturka nani ba walri ba ra, yang prâika nani ba aubi kalkri, baku sin tâiwa, uni maya nani ba sut aubi daikri sari tukinka, bara kupi sin uba pali wirha takan.

Nihimaya 9:1

Baha sim katka ra lapta yua 24, Israel luhpia nani plun piras asla taki banhwan, ai kupia kriwan sari tukinka kwalka ba dimi, yamhpus ai purara yakaban;

Ester 4:1

Bara Mardoqueo ba naha diara nani sut takan na walan ningkara, ai kwalka kalkan bara sari kwalka kusni diman; baha wina yamhpus ai lal ra yakaban, bara tawan aiska bâk wapi wini taukan.

Job 1:20

Bara Job ba ai kupia wirhika wal ai mina ra buan bara ai prâka kalkan, ai tâwa klakan, bara bawan mayunra lâka dauki natka ra.

Job 19:14

Taiya nani bara upliki nani sut mita ai lulki ai swin sa; waitla ra dimi kan nani ba sin ai âuya ai tikan sa. Warkki tatakra mairin nani ba mita ai kakaira apia baku ai kaikisa, bara ai kakaira apia taki banhwan.

Inanka Nani 2:10

Saion pranakira almukka nani ba sâp taki tasba kat iwisa, krukus kwalka dimi tasba puknika ai lal ra yakabisa. Jerusalem tiarika nani lika, ai lal ba tasba kat makupisa.

Isikiel 27:30

Ai bîla saki winbia man dukiamra wirha tara wal inbia. Yamhpus ailal purara yakabia bara yamhpus ra aikarbia.

Jasua 7:6

Baha yua Jasua bara Israel almukka nani sut, ai prâka kalkan bara ai lal purara yamhpus yakabi sari bri tukinka ba daukan. Bara baha yua aiska witin nani Dawan lâka auhbaia watla ba lamara ai mawan tasba kat aimakupi bâra kan.

Param Marikanka 18:19

Ai lal nani purara yamhpus mangkan, bara ini sari taki, naku ai pura wini kan: “¡Alai, alai, tawan tara ba mapara saura pali sa! Ai yuyaka ni kabu ra slaup nani bri kan ba sut yuyakira takan; ¡bara aihni pali witin ba pat sauhki tikan sa!”

Wihta Nani 2:4

Dawan insalka ba aisi swin ba ra, Israel luhpia nani sut ba ai kârma kalki mahka inan.

1 Samuil 11:4

Bîla twatwilkra nani ba Guibeá ra wan king Saúl tawanka ra, bara sturka ba upla sut kiama ra aisin, upla nani baha walan ba ra, sarikira pali ai bîla baikra tara inan.

1 Samuil 30:4

bara witin nani ai bîla tara inan, ban wingka prawi kan, karnika sin âpu takan.

1 Samuil 4:12

Sakuna aiklaklabra kumi ba Benjamín kiamka wina, witin yakan yukuwi swak takan war ba wina. Waitna ba baha yua pali plapi Siló ra wan, ai prâka ba kalwan bara ai lal ra sin tasba banhki kan.