Job 18:8 - DAWAN BÎLA AISKA

⁸ Ai yabalka ra ilis mangkan kabia, bara baha iliska ba bui witin kli alkan kabia.

Job 18:8 ပူးပေါင်းရင်းမြစ်များ

Ester 3:9

Bamna, king tara, man naha na aitani kulkisma kaka, lâmka adarka kumi laks wabia, baha nani ba sut pali iki tikbia. Bara yang wina warkkam uplika nani ra silbar 60,000 paun yabamna, king yuyaka nani dukia.

Ester 6:13

Bara Amán bui ai maya Zeres ra, bara ai pânika nani ra sin sut win dîa takan ba. Bara witin ai uplika nani sinskira ba wih ai maya Zeres aikuki naku win: —Naha Mardoqueo na, Ju nani kiamka sa kaka, bara sin man kauhankam pat witin ai mawanra tâ krikram, ba mita man sip kli witin pura luma apia; sakuna kasak mai wisna, man lika witin ai mawanra kauhram sa.

Ester 7:10

Bara Amán ba baku langki ikan, Mardoqueo ra langki ikaia wisi paskan kan ba dusa ra. Bâra lika king kupia sauhkanka ba lamni takan.

Ester 7:5

Bara king Asuero makabi walan: —¿Naha lukanka saura ai kupia ra bri uplika ba ya, bara anira sa ki?

Job 18:9

Ai mina plakura alkaia kiwka witin bui palkan kabia, bara baha kiwka wilkaia untika ba, witin ai mina ra kakauka mangki wilkbia.

Job 19:6

Sakuna luki bas, Gâd mita sika ai batakan na, witin mita sika mini alkaika kiwka nani ba mangkan.

Job 22:10

Baha mita nanara pât mita mai kutbi mai brisa, bara tisku lika sibrin tara ni banhram sa.

Job 5:5

Ai pata mâ nani kriki auhban ba plun wahwi nani ba mita bal pîsa, kiaya tila nani wina sin mâ sakisa, bara diran dauki nani ba mita ai yuyaka ba tâwan witin ra tumisa.

Lawana Nani 35:8

¡Sauhkaia pâtka witin nani ai dahra walras kaka, bal prak alkbia! ¡Mina alkaia nani paskan ba, ai mina nani kli bahara alkbia! ¡Sauhki tikaia pâtka kat, witin nani kli bahara kauhbia!

Lawana Nani 9:15

Idan nani ba, witin nani bui unta pakni salhkan ba, baha bilara kauhbia; mina nani ba alkbia, witin nani bui ilis paski yukuki swin ba ra.

Sins Lâka 29:6

Watawikira nani mina alkaika ba, witin nani un saurka lâka ra sa; kuna upla kasakkira ba lika aiwani lilia kabia.

Sins Lâka 5:22

Upla watawi ba, witin pali ai watawanka nani mita klauna bliki alkisa; witin ra prak alkan kabia, ai saurka mita sin kiwa ni baku.

Aiseya 24:17

Tasba ra upla nani ba daiwan baku kabia, âikra nani ba mita nina bliki kabia, unta kum bilara kauhbia, apia kaka mina alkaika ra alkbia.

Aiseya 24:18

Upla âikra wina swak takbia ba unta kum ra kauhbia, unta wina bal takbia ba mina alkaika ba ra alki priskan kabia. Pura wina windar nani ba kwâkan kabia, lisamra tara bal tasba ba nikban kabia.

Isikiel 32:3

‘Dawan ba naku wisa: Tawan ailalkira nani tilara kama sin, iliski ba man puramra mangkamna bara baha wal mai alkamna.

1 Timoti 3:7

Bara witin ra sin lalukra apia nani ba mita kulkan kaia sa, bara baku witin ba saura pali kulkan kabia apia, bara dibil mita mina alkaia dukia dauki ba ra kauhbiara sîa.

1 Timoti 6:9

Sakuna yuyakira takan dauki nani ba, traika kaikan ra kauhisa, bara brinka karna taniskira ailal alki priski brisa; baha nani sika upla nani ra saura muni ba, bara sauhki tikaia lâka ra bara tanis tiwaia lâka ra sin rungkisa.

2 Timoti 2:26

Bara baha ningkara, witin nani ai sinska ra kli tawbia, bara dibil mita priski bri ba wina pri takbia, witinka ra dîa want ba daukaia luki bamna.