Job 18:7 - DAWAN BÎLA AISKA

⁷ Ai mina lulkanka ba ai kanra wapi kabia apia, swapni takan kabia, ai bîla aisinka nani ba mita kli witin ra tawi alkbia.

Job 18:7 ပူးပေါင်းရင်းမြစ်များ

2 Samuil 15:31

Upla nani wina kumika Debit ra win, Ahitófel ba sin kumika Absalón wal prawi ai mapara buisa. Debit bui Dawan ra ai pura sunan, Ahitófel daukaia luki ba sut yaka bahki ra tawbia.

2 Samuil 17:14

Israel luhpia nani sut bara Absalón sin, Husai lukanka ba kau aitani kulkan, Ahitófel lukanka ba baku apia. (Baha sika Dawan bui baha lukanka ba yan Ahitófel daukaia lukan ba bahki ra lakaia, bara Absalón purara pâtka ba kauhaia.)

2 King Nani 6:11

Bara naha tâwan Siria kingka ba ai kupia tanis takan, bara ai wihtka tara nani ra winan balan, bara win: —¡Man nani param ai wis, yawan nani wan tilara yaba Israel kingka ba wal ai uplika sa sapa!

Job 15:6

Yang mita dahra kwahkamna kaka aitani apia sa, man bîlam aisaram pali ba mita pât ra mai lakisa.

Job 20:22

Diara ban pali ailal bri kabia sin, ban kau lilia lâka âpu kabia, upla saurakira nani mihta ba witin purara kauhan kabia.

Job 36:16

Man sin pât nani wina swaki mai sakan, bara pri lâka uya pali maikan sa, tibilkam ba lika plun auhni ni banhkan sa.

Lawana Nani 18:36

Man mita yabalki ra isi wamna daukram, mini nani sin swakswaka mangkras.

Lawana Nani 33:10

Dawan ra lukras uplika diara daukaia luki ai lâka nani dauki ba, witin mita baha lâka nani ba sut pali batakisa,

Sins Lâka 11:5

Kasak lâka ba mita kasakkira ra yabalka wapni daukisa, sakuna upla watawikira ba ai lâka watawi ba mita kauhbia.

Sins Lâka 29:6

Watawikira nani mina alkaika ba, witin nani un saurka lâka ra sa; kuna upla kasakkira ba lika aiwani lilia kabia.

Sins Lâka 4:12

Man tauki kama ba ra, wapankam nani bilara trabil kumi sin âpu kabia; kan ba plapma bara minam ra lalahbra mita mai munka kauhma apia.

Oseas 10:6

Bîpka pali ba sin Asiria ra brih wabia king tara ba ra prisant yabaia. Baku Efraín ba ai swira pali takbia: Israel sin aidul bri ba swira daukan kabia.

1 Korint 3:19

Kan naha tasba sinska lâka ba Gâd mapa ra sins âpu dukia baku sa. Ulbanka ra wi ba baku: “Gâd mita sinskira nani ba ai âuyama lâka kat prak alkbia.”