Job 17:13 - DAWAN BÎLA AISKA

¹³ Diara kumi baman bîla kaikaia sip sna ba lika prura, bara tihmia tara ba tilara pruaia bara mahka yapamna.

Job 17:13 ပူးပေါင်းရင်းမြစ်များ

Job 14:14

Upla kumi ba prubia ba ra, ¿kli raya takaia sip sa ki? Piua bani ra yang lika bîla kaiki kamna, warkki ba ban bâra kabia, latwan wahwanki piua ba lubia, maisa nihkra balbia ba kat.

Job 17:1

Wingki puhbaia ba sin âpu takisna, rayaki ba sin ai yua tnata alkaia kitwi auya sa; raiti lika yu bani bîli kaikisa.

Job 17:12

Sakuna man nani lika tihmia ba kakna daukisma, tihmu ba tilara sma sakuna, ingni ba pat baila sa wisma.

Job 3:13

Yang ba pruri kata kaka, nanara yang âiyapah pali yapi kaia kapri, kupi kumi lâka ra sâp prawi kaia kapri,

Job 30:23

Yang pat tânka brisna prura ra ai brih waisma, baha tasbaya kum mâyara saki swiram ba upla bani dukia ba.

Job 6:11

Mapara buaia karnika âpu sna, bara aitani apia sna ban raya kaia.

Job 7:9

Kasbrika pihni lui wi lap tiwi ba, baku sa sika upla kumi raiti bilara aimaki ba: baha wina kli sin tawi balras sa, ai taya nani bui ai mawan ba kli sin kaikbia apia.

Lawana Nani 139:8

Yang kasbrika purara ba kat uli wamna sin, kaiks man bahara sma; yang tasba mununhta pali ra iwi wamna, man sin bahara sma;

Lawana Nani 27:14

¡Dawan kat luki bas! ¡Lukankam swapni takbiara! ¡Ban, Dawan ra baman bîla kaiki luki bas!

Smasmalkra 12:5

Purara ba mita sibrin daukbia, bara yabal ra ba pât nani bâra kabia. Amans dusa ba mahka tangnika baiwbia, tristrisia ba pât bribia, karnikam ba tiwbia, sip diara daukras kama. Bara upla ba lika ai watla ban kaia ra auya, bara yabal ra ini yahwi kabia pruan ba dukiara.

Aiseya 57:2

bara kupia kumi lâka ra dimbia. Yabal wapni kum nina bliki auya kan bara nanara ai raitika ra ris brisa.