Job 15:8 - DAWAN BÎLA AISKA

⁸ ¿Dîa man lukisma ki, man ba Gâd ra lâ tânka smasmalkrika sma? Apia kaka, ¿tasba ra man baman sinskira sma ki?

Job 15:8 ပူးပေါင်းရင်းမြစ်များ

Job 11:6

Witin sins lâka tânka yukuwan ra ba mamrikbia, baha ba uya pali karna sa tânka briaia. Baku lika kaikaia kapram Gâd mita man klala briaia kapram ba praiska sin kau maikras ba.

Job 29:4

Yang pat aitani pâwri kan ba piua ra, Gâd mita waitla ba aihwaki kaiki kan.

Lawana Nani 25:14

Dawan bui witin ra luki mayuni uplika nani ba, ai pânika pali kulkisa; witin ai lâka daukan ba marikisa.

Sins Lâka 3:32

Dawan watawikira nani ra waihla kaikisa, kuna pain nani ra ai kupia aiska kulkisa.

Jirimaya 23:18

¿Sakuna ya Dawan tânka bâra ba kaikisa? ¿Ya pat baha kaikan, apia kaka ai bîla aisin ba walata ki? ¿Ya pat witin ra aman pali walata ki?

Emus 3:7

Dawan ba diara kumi sin daukras sa, witin ai prapitka ra param sakras sa kaka.

Matiu 11:25

Baha piua ra, Jisas naku win: “Aisa, kasbrika purara ba bara tasba Dawanka, yang tingki mai wisna, kan sinskira nani ra bara diara lan nani ra naha dukia nani na yukukram, sakuna tuktan nani ra latan marikram.

Matiu 13:11

Witin bila: “Man nani ra lika Gâd mita kasbrika purara ba Kingka Lâka dahra yukukan nani ba param mamrikisa; sakuna witin nani ra lika apia.

Matiu 13:35

Naha na baku prapit aisan ba bîla kat aimakbia dukiara sa: “Maprika lilka bâk aisamna; Gâd tasba na paskan piua wina diara nani yukuwan ra ba wimna.”

Jan 15:15

Nanara man nani ba albiki nani mai wiras sni, kan alba ba ai dawanka dîa dauki ba kaikras. Bamna man nani ba upliki nani mai wisna, kan Aisiki dîa dîa ai win ba sut man nani ra param mamrikri bamna.

Roman 11:33

¡Nahki Gâd yuyaka lâka ba, ai sinska lâka ba, bara diara tânka kaikaia lâka bri ba tihu pali sa! Witin ai lâka ba tânka yawan mita sip tânka briras, bara ai yabalka nani tânka ba sin sip kaikras sa.

Roman 11:34

Bamna Ulbanka ba wisa: “¿Ya Dawan lukanka tânka ba brin ki? ¿Ya mita witin ra lâ smalkan ki?

1 Korint 2:16

Bamna Ulbanka ra wi ba baku: “¿Dawan kupia lukanka ba, ya tânka kaikan ki? ¿Ani uplika mita Gâd ra smalkaia sip sa ki?” Ban sakuna, yawan lika Kraist lukanka ba brisa.

Kli Smalkanka 29:29

“Diara nani bâra sa yawan tânka briras: baha nani ba Dawan Gâd dukia sa. Sakuna diara nani yawan ra marikan bara wan luhpia nani ra sin mariki ba, baha lika piu bani ra alki daukaia sa naha lâka nani na.