Job 15:21 - DAWAN BÎLA AISKA

²¹ Ai kiama ra bin nani wali bara sirang iwisa kasak yukuwan sa luki, bara âimplikra nani mita bal dukia nani implikisa.

Job 15:21 ပူးပေါင်းရင်းမြစ်များ

2 King Nani 7:6

Dawan mita Siria uplika nani ra sirang ikan plapan takaski kan ba pliska wina, wagin nani binka walan, aras nani mina binka sin, bara aiklaklabra nani daknika tara pali aula binka baku walan; bara Siria uplika nani lukan, Israel kingka ba hitita kingka nani ra bara Idsip kingka nani ra aibapan ai mapara aiklabaia balbia.

Ester 7:6

—¡Wan waihla bara wan mapara saura ba sika, naha Amán watawikira na! —baku Ester aisin. Bara Amán ba sirang iwan, king bara kwin mairin ba wal mawanra, naha bîla walan ba ra.

Job 15:24

Tihmia tara mita sibrin lâka ni banhkan kabia, kupia sari lâka, trabil saura mita kutbi prak alkbia, king kum war aiklabaia ra bal aiklabi ba baku.

Job 18:11

Ani ani sut ra witin auya ba ra, tâ ikisa baku ai dahra walisa, ai mina lulki bani ba sut ra, witin nina bliki rausauhki baku ai dahra walisa.

Job 18:14

Ai watla bilara ai âuyapah kaia kan ba wina daiki sakisa, bara sibrin kingka mawanra raski brih auya.

Job 20:21

Ai gridika lâka wina diara kumi sin sip swakras kata, baha mita ai âuyapah lâka ba ban wihka wabia apia.

Job 22:10

Baha mita nanara pât mita mai kutbi mai brisa, bara tisku lika sibrin tara ni banhram sa.

Job 24:17

Yu ingnika ba witin nani mapa ra tihmia tara pali sa, kau yamni lukisa tihmia ra sibrinka ra.

Job 27:20

Kakna ra sibrin tara ba balbia, bara tihmia ra pâsa saura mita brih wan kabia.

Lawana Nani 92:7

Upla watawikira bara saura dadaukra nani ba, inta wahia baku pâwisa bara sin uya sahwi kaka, baha nani sut ba sauhki tikan kabia ban kaia ra.

Sins Lâka 10:24

Upla watawikira sibrin luki ba, sibrinka witin bri ba kat ai purara balbia, kasakkira nani brin dauki ba wina, witin nani ra diara yabia sa.

Sins Lâka 28:1

Watawikira ba plapisa upla ai nina blikras kabia sin, kuna kasakkira nani ba, layan baku sibrin luha bâra sa.

Jirimaya 6:26

¡Yang upliki nani, krukus prâka dimi sari tukinka ba; yamhpus ra aikarwi bas, kwala siksa dimi sari pali bri ini bas, luhpiam waitna kumi baman bri kapram pruan baku; kan wan sauhki tikaia uplika ba pat pali yawan ra balbia bamna!

Libait Lâka 26:36

“Man nani an kra waihlam nani tasbaya ra kau raya bâra kama ba, siarangkira mai daukamni bara dus wahia kauhi ba wali plapi kama. Man nani lukma waihlam ninam blikisa, kuna upla ninam blikras kabia;

1 Korint 10:10

Gâd mapara sin brukpara, wan damika tila nani brukwan ba baku, bara Prura Insalka ba mita baha nani iki tikan ba.

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.

Param Marikanka 9:11

Tristrisia nani ba ai wihtka kum bri kan, baha lika tihu tara insalka ba. Naha insalka nina lika Hibru bîla ra Abadón mâkisa, bara Grik bîla ra Apolión.