Job 14:5 - DAWAN BÎLA AISKA

⁵ Upla ba mani an raya kaia piua ba, man mita sika mangkisma ba; man piua mangkram ba wina witin kau sip lui waras.

Job 14:5 ပူးပေါင်းရင်းမြစ်များ

Job 12:10

Rayaka bri bani bara rayaka ba sut, ai mihta ra brisa.

Job 14:14

Upla kumi ba prubia ba ra, ¿kli raya takaia sip sa ki? Piua bani ra yang lika bîla kaiki kamna, warkki ba ban bâra kabia, latwan wahwanki piua ba lubia, maisa nihkra balbia ba kat.

Job 16:22

Rayaki yua nani brisna ba sin mahka lui auya sa, bara tisku lika mahka impaki wamna kli balaia apia yabalka ra.

Job 21:21

¿Dîa lukbia ki ai watla uplika mapara diara takbia sin, pat witin ba pruan sa kaka?

Job 7:1

Upla rayaka naha tasba ra ba lika suldiar kum rayaka baku sa, dîa daukaia win ba dauki tnata alkaia sa.

Lawana Nani 104:29

Man mamwan ba yukukisma bara sirang iwi banhwisa, man bui witin wingka puhbra sakisma, witin nani mahka pruisa, bara kli tasba yuya ra tawisa.

Lawana Nani 104:9

tasba piarkika luaia apia adarka yabatma, tasba ba kli lî bui bikbia apia dukiara.

Lawana Nani 139:16

Man namkra nani ba ai kaikan yang ai paski kan piua ra, baha sut ba man wauhkamtaya ra ulban sa, yang rayaki yua nani sin man pat kulki kaikram baha nani kumi sin kau bal takras kan ba ra.

Lawana Nani 31:15

Rayaki ba man mihtam nani ra sa; ¡waihli nani rau ai sauhkaia nini bliki ba wina dakbi ai sâks!

Lawana Nani 39:4

“Dawan, rayaki yua tnata ba mairiks kau yu an raya kaia ba sin; brin ai daukisa rayaki yua nahki prahni lupia baman brisna ba kaikaia.

Smasmalkra 3:2

Aisubaia piua bâra sa, pruaia piua sin. Mangkaia piua bâra sa, mangkan ba dâkaia piua sin.

Smasmalkra 8:8

Upla kumi sin âpu sa, rayaka purara karnika briaia, bara sin alki takaskaia ba, bara sin upla kumi âpu sa, prura mapara karnika briaia, upla âpu sa naha aiklabanka wina swak takaia, watawikira nani ra sip ai watawika lâka ba mita swaki sakan kabia apia.

Daniel 11:36

‘Yahbra tani kingka diara sut ba daukbia, witin ai brinka ba kat. Baha ba aimayunanka saura witin lukisa ba gâd nani sut purkara sa, Gâd kasakkira ba mapara saura pali ba aisabia, bara diara sut ba ai mapara yamni takbia, Gâd mita klala blîkbia ba kat; kan Gâd lika dîa daukaia luki ba kat daukbia sa.

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Daniel 5:26

bara baha tânka nani ba naku sa: MENÉ: Gâd bui man kingkam lâka yua nani ba kulki kaikan, tnata ba alkan sa;

Daniel 5:30

Baha sim tihmika ra, Caldea uplika nani kingka bui Belsasar ba ikan

Daniel 9:24

‘Wik nani 70 ba, man uplikam nani bara tawankam holikira ba purak luaia sa, watawika lâka bara saurka lâka wal ba tnata alkan kabia dukiara, saurka ban swin tikaia lâka ba alkaia, bara kasakka lâka ba ban kaia ra bapan kaia, baku mika diara aihka kaikan lâka bara dahra aisinka ba sut tnata alkan kabia dukiara.

Luk 12:20

Sakuna Gâd mita win: ‘Waitna sinskas, naha sim tihmika pruma; ¿bara diara suni swiram ba ya dukia kabia ki?’

Apastil Nani Sturka 17:26

‘‘Waitna kumi wina baman witin bui nisan nani sut paskan, baha nani ba tasba aiska ra iwbia dukiara; bamna piua ba bara anira witin nani iwaia ba sin marikan sa,

Hibru Nani 9:27

Upla bani ba aima kumi baman pruaia sa, bara baha ningkara Gâd mita lâka daukbia.

Param Marikanka 1:18

Yang sika raya sna. Âu, yang pruri kata, sakuna nanara lika ban kaia ra raya sna. Prura king aimaki tasbaya kîka ba brisna.

Param Marikanka 3:7

“Filadelfia sertska insalka ra sin ulbi wis: ‘Naku wisa witinka holi bara kasakkira ba, king Debit kî mihta bri ba; witin dur ba kwâkuya ba ra, upla kumi mita sin sip prakras; bara witin prakuya ba ra, upla kumi mita sin sip kwâkras ba:

1 Samuil 26:10

Dawan nina ra yang swer aisisni, witin bui rayaka ba sâkbia, ai piua balbia bara prubia, apia kaka war aiklabi prubia.