Job 14:3 - DAWAN BÎLA AISKA

³ Dawan, man naha uplika kat namkra mangki brisma, ¿bara witin mapara lâ kumi daukaia lukisma ki?

Job 14:3 ပူးပေါင်းရင်းမြစ်များ

Job 13:25

Yang na dus wahia kum pâsa mita wauhi ba baku sna; ¿dîa muni âpu ai daukaisma? Yang na twi lâwan kum baku sna, ¿dîa muni nini bliki rau ai sauhkaisma ki?

Job 13:27

Sîn ni mini nani ba wilkisma, mini lulkanka nani bani ba aihwaki kaikisma, mini taibanka nani ba sin kulki kaikisma.

Job 22:4

Witin mita wapnikam dauki bara lâ ra mai paiwisa, baha ba lika man mita kasakka lâka kat ai dukia daukma tânka lika apia sa.

Job 9:32

Waitna wala kumi wal baku, yang mita sip Gâd wal maiwan kat aisaras, bara sip wimna apia, kaisa yawan wal lâ mawanra waia.

Lawana Nani 143:2

Man nampakan ra diara walaia paiwpara, kan man mamwanra upla kumi sin pâtkas ba âpu sa.

Lawana Nani 144:3

Dawan, ¿upla ba dîa sa, man bui witin dukiara luki kaia? ¿Dîa kan man upla ra latwan sma, upla ba dîa?

Lawana Nani 8:4

luki kaikisna: ¿Waitna ba dîa sa? ¿Upla paskram ba dîa sa? ¿Dîa muni witin dukiara kupiam kraukisma bara sin lukisma?

Roman 3:19

Nanara yawan kaikisa, diara sut lâ wauhkataya ra aisi ba, baha lika baha lâka mununhtara banhwi ba nani dukiara aisisa, baku mika upla sut ai bîla prakan kabia, bara upla sut Gâd lâ dauki ba mununhtara kauhi banhwan kabia;