Job 14:12 - DAWAN BÎLA AISKA

¹² ban sakuna, kasbrika pura ba kau bâra ba piua ra, upla ba ai raitika wina kli bubia apia, ai yapanka wina sin kli rawbia apia.

Job 14:12 ပူးပေါင်းရင်းမြစ်များ

Job 3:13

Yang ba pruri kata kaka, nanara yang âiyapah pali yapi kaia kapri, kupi kumi lâka ra sâp prawi kaia kapri,

Job 30:23

Yang pat tânka brisna prura ra ai brih waisma, baha tasbaya kum mâyara saki swiram ba upla bani dukia ba.

Job 7:21

¿Saurki ba ban sip swih tikras sma ki? ¿Watawi daukri ba sip pâtki swih tikras sma ki? Pat pali tasba yamhpuska tilara prawi kamna; ai plikma ba ra, âpu kamna.

Job 7:9

Kasbrika pihni lui wi lap tiwi ba, baku sa sika upla kumi raiti bilara aimaki ba: baha wina kli sin tawi balras sa, ai taya nani bui ai mawan ba kli sin kaikbia apia.

Lawana Nani 102:26

Baha nani sut ba yu kum âpu takbia, sakuna man lika bâra ban kama. Baha nani sut ba kwala aisawi lui baku lubia; ¡man bui lakma, bara lakan kabia, prâk kum daiki wala dimi ba baku!

Lawana Nani 90:5

Man upla nani ra saura pali, lisamra baku raski brih auma, sim yaprisauhkan kum baku;

Smasmalkra 11:8

Sakuna upla nani ba mani ailal raya iwi kra baha liliaka sut bribia, ai kupia kraukbia tihmia yua nani ba ailal kabia, bara diara nani sut aula ba bahki baman sa.

Smasmalkra 12:5

Purara ba mita sibrin daukbia, bara yabal ra ba pât nani bâra kabia. Amans dusa ba mahka tangnika baiwbia, tristrisia ba pât bribia, karnikam ba tiwbia, sip diara daukras kama. Bara upla ba lika ai watla ban kaia ra auya, bara yabal ra ini yahwi kabia pruan ba dukiara.

Aiseya 26:19

Man pruankam nani ba kli raya takbia; pruan nani ba kli raiti wina bubia. Tasba ra yapi nani ba rawi bubia bara aiwani banhbia. Kan man ingnikam blikisma, diara mangkan wahia purara diwas laya buski ba baku, bara tasba ra pruan nani ba kli rawi bubia.

Aiseya 51:6

“Man nani namkra ba kasbrika purara kaiks, bara man nani tasba mâyara sin kaiks; kasbrika pura ba lap tiwan kabia, kiasma baku, bara tasba ba almuk takbia dimaia kwalka almuk taki ba baku, bara baku natka ra upla nani ba sin tanis tiwbia, kukas baku prui tiwbia. Sakuna yang swaki mai sakri lâka ba, bâra ban kabia lui waras, kasakki lâka bara pura luanka ba wal tiwbia apia.

Aiseya 65:17

“Man nani kaiks, yang kasbrika raya nani bara tasba sin raya paskamni, bara almuk kata ba dukiara kli wan kupia kraukbia apia, ba dukiara wan lukanka ra sin kli bal dimbia apia.

Aiseya 66:22

Baku sin Dawan kasak aisin: Kasbrika purara raya bara tasba raya ba baku yang paskaisna baha nani bâra ban kabia, baku sin man nani kiamkam nani ba bâra ban kabia, bara ninam ba sin.

Daniel 12:2

Raiti ra yapi banhwi ba ailal pali kli buan kabia: manis raya ban kaia lâka ba bribia, bara wala nani ra lika swira lâka bara pât ban kaia ra takbia.

Matiu 24:35

Kasbrika tasba wal lui wabia, sakuna bîli nani lika aimakan kabia.

Apastil Nani Sturka 3:21

Ban kra nanara Jisas Kraist ba kasbrika purara takaskaia sa, diara nani sut Gâd mita raya daukbia kat, witin ai prapitka nani bâk piua luan nani ra aisin ba baku.

Roman 8:20

Kan paskanka aiska ba diara bahki takan sa, bara baha ba witin nani yan baku takras, kuna Gâd mita baku kaia mangkan ba mita. Sakuna ai kainara bîla kaikaia lâka ba lika ban bâra kata,

Epesus 5:14

Bahamna naku wisa: “Man yapisma ba, mahka rawi bus; pruan nani tila wina sin mahka raya taki bus, bara Kraist man puramra ingbia.”

2 Pita 3:7

Sakuna nanara kasbrika pura bara tasba bâra ba lika, ban swin sa pauta klauhan ba dukiara, Gâd ai bîla aisin sa, baha pata klauhan ba ni tnata yua ra angkan kabia, bara saurakira nani sut âpu daukan kabia.

Param Marikanka 20:11

Bara yang lika king iwaika pihni kum kaikri, baha purara iwi kan ba sin. Ai mawan wina tasba bara kasbrika pura ba aiska lap tiwan, bara baha nani pliska kumi sin sip kaikras kan.

Param Marikanka 21:1

Baha ningkara, yang kasbrika pura raya kum bara tasba raya kum sin kaikri. Kasbrika pura pas kata ba, bara tasba pas kata ba sin lap tiwan, bara kabu sin kli âpu kan.