Job 14:10 - DAWAN BÎLA AISKA

¹⁰ Ban sakuna, upla ba lika prura saika âpu ban pruisa, pruya ba ra, ¿anira auya?

Job 14:10 ပူးပေါင်းရင်းမြစ်များ

Blasi Sturka 49:33

Bara Jekob naha lâka nani ba sut ai luhpia nani ra aisi yaban ba ningkara, witin kli aitnikan bara pruan.

1 Kronikas 29:15

Yang nani na man mamwanra upla tringsar bara mai kakaira sin apia, wan aisika nani wal baku; naha tasba purara yang nani rayaki ba dista kum baku sa, bîla kaikanka âpu pali.

Job 10:18

¿Dîa muni ai swiram aisubi takri? ¡Aitani kan kau upla ai kaikras kan ba piua ra pruri kata!

Job 11:20

Sakuna watawikira nani ba lika baku kabia apia; bahki lâka ra hilp plikbia, yukuwaia pliska kumi sin sâkbia apia, prura ba lika ai bîla kaikanka tnata kumi baman kabia.

Job 13:9

Ban sakuna, Gâd mita tânkam pliki kaikbia kaka, ¿dîa man nani ra takbia ni? ¿Sip kama ki upla ra kunin muni baku man nani bui Gâd ra kunin munaia?

Job 14:12

ban sakuna, kasbrika pura ba kau bâra ba piua ra, upla ba ai raitika wina kli bubia apia, ai yapanka wina sin kli rawbia apia.

Job 14:9

Lî kauhla ba buswi ba ra kli urhwi pâwbia, ai tnawa nani sin sâkbia dus kura lupia kum baku.

Job 19:26

Taiya na pîs pîs ra kauhbia kra, yang pali silp Gâd ra kaikamni,

Job 20:7

daiwan nani tâskika baku kabia, ai pânika nani mita sin anira ba tânka briras kabia.

Job 3:11

¿Dîa muni yaptiki biara ra pruras kapri? Apia kaka, ¿dîa muni nan ai baikan ba ra pruras kapri?

Job 3:13

Yang ba pruri kata kaka, nanara yang âiyapah pali yapi kaia kapri, kupi kumi lâka ra sâp prawi kaia kapri,

Job 7:21

¿Saurki ba ban sip swih tikras sma ki? ¿Watawi daukri ba sip pâtki swih tikras sma ki? Pat pali tasba yamhpuska tilara prawi kamna; ai plikma ba ra, âpu kamna.

Sins Lâka 14:32

Upla watawikira ba, witin ai saurka pali ba mita sauhki tikisa, upla lukanka wapni ba, ai wapnika lâka mita kan kahbisa.

Smasmalkra 3:20

Sut plis kumi ra buisa; sut ba tasba yuya ni wan paskan, bara kli tasba yuya ra tawbia.

Smasmalkra 3:21

¿Ya sip sa kaikaia upla spiritka ba kasbrika purara ulisa, bara daiwan piritka ba tasba mununhtara auya?

Matiu 27:50

Jisas kli ai bîla baikra tara wini si, pruan.

Apastil Nani Sturka 5:10

Baha sim piua ra Safira lika Pita mina kat kauhi pruan. Wahma nani lata wina dimi balan ba ra, kaikan pat pruan kan, bara saki bri si ai maya lamara bikan.