21 Kli klala aikpara, bara sirang manis ai ikpara.
Rayaki ba kunhku sa bamna, kupia kumi lâka ra ban ai swis bara lilia wiria pan brimna,
Gâd tara ai tânka ba mita witin nani ba sibrin dingkbia bara sibrin tara iwbia.
Ay Gâd, diara wâl baman aik, bara yang lika man mamwan wina yukuwi kamna apia.
Baha mita yang dukira dîa mata sibrin lukaia ba âpu sa, bamna yang mita man puramra lâ mangkamna apia.
Bara Gâd klala aiki ba takaskaia kan, kau sibrin ai dingki ba sin tikaia.
Wîni aiska ba tatatwisa, man mamwanra; lâka aisi daukram adarka ba mamyunisni.
Man klalka ai wipisma ba, yang wina sâks, yang na âpu ai daukuma sa, man mihtam ai prukanka ba mita.
Kuna alki takaskri nini kulkanka tâka, saura takaskaia apia tâwan, baha nisanka nani kaiki kan, Idsip wina brih sakatna ba.
