Job 13:12 - DAWAN BÎLA AISKA

¹² Man nani blahwankam almuk nani ba, karnika âpu tasba lâwan puknika baku sa; slaubla ni tawan kutbanka paskan ba, kutbanka ra yukuwaia pliki ba baku sma.

Job 13:12 ပူးပေါင်းရင်းမြစ်များ

Blasi Sturka 18:27

Sakuna Ebraham bila kli witin ra aisin: —Pâtki ban swin tiks, yang aisaia apia kapri dukia ba kuna ban aisuna na. Man ba Gâd sma, yang lika upla bahki sna;

Blasi Sturka 2:7

Bamna Dawan Gâd bui upla ba tasba yuya pali wina paskan, bara raya kaia payaska ba kakma unta nani ra puhbi dingkan. Baku sika upla ba ai rayaka mahka brin.

Job 13:11

Gâd tara ai tânka ba mita witin nani ba sibrin dingkbia bara sibrin tara iwbia.

Job 13:13

Bamna nanara, ¡bîlam praki banhs, yang aisaisna, bara dîa maipara takaia kaka sin takbia si!

Job 18:17

Kupia kraukaia lukra nani sut lika tasba wina diki sakan kabia, bara ai nina ba sin kli mâkan kabia apia.

Job 21:34

¡Baha lika tanis lâka sa, man nani mita maisi nihkaia ba! ¡Dîa aisi ba sut lika kunin baman sa!

Job 27:1

Bamna Job aisi kli naku win:

Job 29:1

Job kli aisinka ba kwâki naku aisin:

Job 4:19

¡bara upla lika kau swapnikira sa, utla kum slaubla ni, auhya ra paskan ba baku sa; tuyukbaia sip sa, itikmuk kum ra tuyukbi baku!

Lawana Nani 102:12

Sakuna man, Dawan, ban kaia ra king aimakisma, ¡man ninam ba ban kaia ra luki bri kabia!

Lawana Nani 109:15

piua sut Dawan bui witin nani ra luki kabia, bara witin tasba na wina diki sakan kabia, kli ai kupia kraukbia apia.

Lawana Nani 34:16

Dawan ba saura dadaukra nani mapara sa, witin nani nina ba tasba wina sin tikbia sa.

Impakan Sturka 17:14

Bara Dawan bila Moses ra win: —Naha mai wisna na wauhkamtaya ra ulbi bris, kli kupia kraukaia ba dukiara; bara Jasua ra wis yang bui Amalec uplika nani ba sut pali tasba wina diki sakaisna.

Sins Lâka 10:7

Upla kasakkira ba yamni lâka wal kupia kraukisa, rugkira ba, isti pali âuya tiwisa.

Aiseya 26:14

Witin nani ba pruan sa, kli sin rawbia apia; witin nani ba rayaka âpu, kli raiti wina bubia apia; man bui witin nani ra klala yaram, witin nani ra lukaia lukra nani ba sin sut man mita sauhkram;

2 Korint 5:1

Bamna yawan kaikisa, wan wîna tara na utla kum baku sip ban apia ba mita, sauhki tikan kabia; kuna Gâd mita wan watla ban kaia kasbrika purara ridi daukan sa, bara baha lika upla mita ai mihta ni daukras sa.