Job 12:6 - DAWAN BÎLA AISKA

⁶ Tahplu nani ba ai watla ra ai âuyapah sa; Gâd mapara uplika nani ba ai âuyapah iwisa ai watla nani ra, kan witin nani lukisa, Gâd ba witin ai mihta bilara alki brisa.

Job 12:6 ပူးပေါင်းရင်းမြစ်များ

Job 12:5

Sakuna pât luha uplika ba, pât ra uplika ra yamni kaikras; ai kupia lukras kira kauhaia baman uplika ba ra platukbi batakaia ba witin lukras sa.

Job 12:7

Daiwan nani ra bara tnawira nani ra sin makabi wals, bara witin nani mita mai smalkbia.

Job 15:13

¿Dîa muni Gâd mapara buisma, bara twisam alki takaskras sturi aisisma?

Job 22:18

(Ban sakuna, witin mita sika wan watla bilara yamnika nani banhki wankan ba. ¡Yang wina laihura sa, watawikira nani baku lukaia ba!)

Job 24:23

Gâd mita ban swika raya iwi kabia pât sin âpu, sakuna ai mina lulkanka bani ba aihwaki kaiki kabia.

Job 9:24

Tasba na saurakira nani mihta ra swisa, lâ dadaukra nani ra nakra wilkisa. Bara baha ba Gâd wina apia kaka, ¿ya wina kabia ni?

Lawana Nani 17:14

man karnikam ni, Dawan, witin nani mihta wina swaki ai sâks, ¡baha nani ba naha tasba wina saki lulks, man dukiam kukanka naha rayaka ra bâra ba! Swis witin nani ba yuyakira takbia, luhpia nani ba baiwaia praiska kat plun pibia, bara diara kau swibia ai mula nani lahma.

Lawana Nani 37:1

Kupiam sauhkpara watawikira nani diara dauki ba kaiki, man sin saura dadaukra nani ra tumpara.

Lawana Nani 37:35

Yang bui upla watawikira ba kaikri praut lâka ni banhwan pali kan, dus tara kum pâwan bara tnawa wahia nani palwan ba baku kata;

Lawana Nani 73:3

Prautkira nani bara watawikira nani ra tumri, nahki ai tâura pâwi bamna.

Lawana Nani 92:7

Upla watawikira bara saura dadaukra nani ba, inta wahia baku pâwisa bara sin uya sahwi kaka, baha nani sut ba sauhki tikan kabia ban kaia ra.

Jirimaya 12:1

Dawan, yang na man wal aisi blahwamna kaka, man piu bani aisisma ba sut ba rait baman sa; ban sakuna, yang diara mamkabi walaia brin ai daukisa diara kum kum ra tânka bâra sa. ¿Dîa muni watawikira nani dauki ba sut yamni man taki ba? ¿Dîa muni upla âiatkra nani ai âuyapah iwi ba?

Jirimaya 5:27

Witin nani ai watla ba implikan dukia nani ni banhkisa, piawira nani ailal alki watla ra auhbi ba baku, witin nani baku dauki ai karnika manis brih yuyakira takan,

Jirimaya 5:28

witin nani plun pain pîsa ba mita batana sa. Ba mita watawika lâka nani dauki ba takaskras: rau nani ra raitka yaras, umpira nani ra sin raitka yaras.

Abakuk 1:11

Witin nani prari baku bal luisa; dawan wala nani ra sin kulkras, ai karnika ba baman ai dawanka kulkisa.”