Job 12:15 - DAWAN BÎLA AISKA

¹⁵ Witin mita lî ba alki takaskisa kaka, diara sut ba lâwisa; kuna witin lî auhaia ba ban swin auhisa ba ra, tasba ra lisamra dingkisa.

Job 12:15 ပူးပေါင်းရင်းမြစ်များ

Blasi Sturka 6:13

Bahamna Gâd Noa ra win: “Yang pat lukri sa, upla nani ba âpu daukaia; kan tasba ba lâ krikanka lâka ba ni banhwan sa, witin nani ai tâka ba mita. Bara nanara kaiks yang bui witin nani ba, tasba aiska aikuki sauhki tikamna.

Blasi Sturka 6:17

Bara kaiks yang lisamrika tara kum tasba purara brih aulna, tasba aiska ra lî sunaia blikuna diara rayaka bri bani ba sut sauhki tikaia dukiara, bara tasba ra iwi banhwi ba sut prubia.

Blasi Sturka 7:11

Baha sika kati wâl aimakan yua ba, lapta yua 17 aimakan ra. Baha piua ra Noa 600 mani bri kan. Baha yua ra tihuka tara nani sut bâra ba, lî kârma nani sut sin baiwan. Kasbrika purara lî watla nani ba sut kwawan,

Blasi Sturka 8:1

Bara Gâd kupia krawan, Noa bara daiwan wail nani, tim nani sut kira, ark watla ra bâra kan ba. Bara witin yan pâsa krawan tasba purara, bara baku lî nani ba mahka rahwi iwan.

1 King Nani 17:1

Prapit Ilayas Tisbé tawanka wina, Galaad tasbaya pîska ba wina kan ba, Ahab ra win: “¡Israel Dawan Gâdka raya iwi ba nina ra swer takisna, witinka dukia daukisna ba, lî auhbia apia, diwas laya sin âpu kabia naha manka nani ra, yang bui wimna ba kat!”

1 King Nani 17:7

Sakuna yu nani luan ba ra, tingni ba lâwan, lî auhras kan ba mita.

Job 12:10

Rayaka bri bani bara rayaka ba sut, ai mihta ra brisa.

Job 28:25

Gâd mita pâsa karnika mangkaia lukan ba ra, lî ba sin aitani kat mangkan.

Jirimaya 14:22

¿Idan nani aidulka nani ba tila wina bâra sa ki yaka lî auhaia? ¿Kasbrika yakan ban bâra ba wina bara krawi lî auhaia sip sa ki? ¡Apia, Dawan wan Gâdka! Man mita sika baha nani ba blikisma ba, man sika baha warkka sut daukisma; ¡baha mita yang nani lika man bîlam kaikisna!

Emus 5:8

Slilma nani daknika: Pupu, Kiswa paskan Dawanka ba, witin mita sika tihmia ba ingni ra laki ba, bara kakna ba tihmia tara dauki ba sin; witin mita sika, kabu laya nani ba paiwisa bara tasba purara laikisa. Diara karna nani purara sauhki tikanka nani blikisa, bara yan wisa kan kahbaika pliska ba purara. Dawan, baha sika witin ai nina ba.

Nahum 1:4

Kabu ra lawi dauki aisi ba ra, laya ba mahka lâwisa, awala nani ba sut sin yan lâwisa. Basán tasbaya tnaya nani ba bara Carmelo ilka ba srawisa; bara Líbano ra dus tangnika nani sin sut srawisa.

Luk 4:25

Prapit Ilayas piua ra Israel ra piarka mairin manis bâra kan; mani yumhpa pura bakriki lî auhras kan, bamna plun sin tiwan pali kata baha kuntrika sut ra.

Kli Smalkanka 11:17

Kan Dawan bui man nani ra ai kupia sauhki lî blîkbia apia, bara tasba ba plun mâ nani takras kaka, man nani baha tasbaya disang Dawan maikaia ba ra prui tiwma.

Param Marikanka 11:6

Baha witniska nani mita kasbrika pura ba prakaia karnika brisa, bara Gâd dahra aisabia yua nani ra sin, yaka lî auhaia apia. Witin nani lî ba tala ra lakaia karnika brisa, bara pât saura sât sât ni tasba ra rausauhkaia sin, aima an witin nani want kabia ba kat.