Job 12:14 - DAWAN BÎLA AISKA

¹⁴ Gâd mita sauhki tikan ba upla âpu sa baha kli paskaia, ani uplika ra Gâd mita durka prakan ba upla wala âpu sa durka ba kwâkaia.

Job 12:14 ပူးပေါင်းရင်းမြစ်များ

Blasi Sturka 7:16

Bara daiwan sâtka bani balan ba, wainhka kum bara mairin, Noa ra Gâd adar yan ba kat daukan. Bara baha nani sut diman ningkara, Dawan mita ark watla durka ba prakan.

Job 11:10

Gâd bal upla ba silak ra mangki lâ ra paiwbia kaka, ¿ya bui sip kabia ki baha lâka krikaia?

Job 16:11

Gâd mita upla watawikira bara lâ sasauhkra nani mihta ra ai mangkan sa.

Job 19:10

Aiska pali sauhki tikan lâka ra ai sauhki swin sa, ¡bîli kaikanka lâka bri katna ba, wakia wina daiki sakan sa!

Job 37:7

Upla nani ra munisa ai watla nani ra takaski banhwi kabia, bara sut mita tânka bribia, witin sika baha warkka sut ba daukisa.

Smasmalkra 7:13

Kasak pali kaiks, Gâd diara daukan ba: ¿ya sip sa witin warha daukan ba wapni daukaia?

Aiseya 14:23

Yang mita swamp baman daukamna, istapla nani pliska daukamni, kaina kutbanka ba wih, sauhki tatikra brumka ba wal pahbamni.” Baha sika Dawan karnika sut bri ba aisisa.

Aiseya 22:22

Bara Debit watla kîka ba, witin ai pahpaya ra kahbamni; witin dur kwâkbia ba, upla kumi mita sin prakbia apia; witin dur prakbia ba, upla kumi mita sin kwâkbia apia.

Aiseya 25:2

Tawan tara nani ba walpa kiaubi paskan nani baku dauki swiram, tawan karnakira nani ba sauhki swiram; waihla nani watla tara nani ba sut slingbram, baha nani kli sin paskan kabia apia ban kaia ra.

Jirimaya 51:58

Yang, Dawan karnika sut brisna bara aisisna: Babilon kutbanka bîla tara ba aiska pali dringban kabia, getka tarka tara nani ba angkbia. Nisan nani wark takan ba sut bahki takbia, ai laptika saki wark takan ba ami lubia.”

Jirimaya 51:64

bara wis: ‘Babilon ba baku rungwaia sa, Dawan mita sauhki tikaia blikuya ba wina kli bubia apia.’ ” Naha kat Jirimaya aisin ba takaskisa.

Isikiel 26:14

Walpa lipni kum baku mai daukamni, plis kum ra tân lâwbia dukiara swin ba baku, bara man kli tawankam ba paskma apia. Yang, Dawan ba, aisari; yang, Dawan, kasak aisisna.

Malaquía 1:4

Bara Edom tasbaya uplika nani Isau masraka ba, witin nani naku aisabia kaka: “Wan tawanka nani sauhki tikan sa, ban sakuna yawan wan nisanka na kli bukaia sa”, karnika sut bri Dawanka ba pana aisabia: “Âu, witin nani kli bubia kaka, sakuna yang mita kli slingbamna. Witin nani ai tasbaya nina ba ‘Watawika lâka tasbaya’ mâkbia, bara ‘Dawan mita baha nisanka ra ban kaia ra ai kupia baiki ba.’ ”

Roman 11:32

Bamna Gâd mita upla sut ba bîla wali daukras lâka ba mununhtara swin, baku mika sut dukiara ai kupia swapnika bribia.

Param Marikanka 3:7

“Filadelfia sertska insalka ra sin ulbi wis: ‘Naku wisa witinka holi bara kasakkira ba, king Debit kî mihta bri ba; witin dur ba kwâkuya ba ra, upla kumi mita sin sip prakras; bara witin prakuya ba ra, upla kumi mita sin sip kwâkras ba:

1 Samuil 17:46

Nanara Dawan bui mihti ra mai mangkbia, naiwa yang mai ikamna, lamla sin klaki dakbamna, filisteo aiklaklabra nani wîna ba sin tnawira nani ra bara daiwan nani ra sin yarka pibia. Baku tasba aiska kaikbia Israel ra Gâd kum bâra ba;

1 Samuil 24:18

Naiwa man bui yang ra mairikisma, man ba yang ra yamni kaia plikisma, Dawan mita mihtam ra ai mangkan, sakuna man ai ikras kapram.

1 Samuil 26:8

Bara Abisai bui Debit ra win: —Waihlam na naiwa Dawan mihtam ra mangkan. Yang ra ai swis, aima kumi ba aitani, ai langsika ba ni tasba wal sabi swimna. Baha ba wal aitani kabia.