Job 11:19 - DAWAN BÎLA AISKA

¹⁹ Wingkam puhbi kama awarka ra diara kumi sin sirang mai ikbia apia, upla uya man hilpkam pliki kabia.

Job 11:19 ပူးပေါင်းရင်းမြစ်များ

2 Kronikas 20:30

Bamna baku Josafat kingka lâka ba ai kainara wan kata yamni lâka ra, kan Dawan bui kupia kumi lâka ra iwaia daukan ai lamara iwi uplika aikuki.

Job 11:18

Bîla kaikanka bri kasak luki iwi kama; Gâd mita aihwaki mai kaiki ba mita âmyapah yapma.

Lawana Nani 127:2

Wark karna pali taki kaia, sari lâka ra plun piaia dukiara, titan pali buaia bara tihmia let kat yapaia ba. Gâd yaura latwan kaiki ba, kan manas pata yabisa witin nani kau yapi ba ra.

Lawana Nani 4:8

Kupia kumi lâka ra yang aitnikuna, bara isti pali yapisna; bamna man, Dawan, yang ra daukisma kasak luki iwaia ba.

Lawana Nani 45:12

Tiro kwinka mairin, upla nani kau yuyakira nani pali ba, diara mana luha wal man kupiam alkaisa.

Sins Lâka 19:6

Upla ai kupia swapni bri, ai uplika hilpka ra ai mihta param bri ba, upla sut witin ra pliki baha uplika wal ai uplika takisa.

Sins Lâka 3:24

Man ris brima taim sibrin mai daukbia apia; man aitnikma ba ra, âmyapah pali yapma.

Aiseya 17:2

Tawanka tara ba lulki swin ban kabia, sîp nani prawaika takbia; witin nani bâra yapi kabia, ya witin nani ra sakaia, sirang ikaia sin âpu kabia.

Aiseya 45:14

Dawan bui Israel ra wisa: “Idsip insla dadaukra nani ba, Etiopía ra diara wauhi âiatkra nani ba, Sabá uplika nani yakura tara nani ba, man nani ra bawbia bara albikam nani takbia; sîn ra priskan man nani ninamra wabia, man nani mamwanra ai lula kriki bik takbia: ‘Kasak pali Gâd lika man nani tilamra sa, kan wala âpu, Gâd wala âpu.’ ”

Aiseya 60:14

Taibi mai muni kan luhpia nani ba, man mamwanra bawikira balbia, lamwaska kiki nani kata ba sut sin, bal minam ra ai lula kriki ai pura sunbia bara mai wibia: ‘Man ba Dawan Tawanka ba’, ‘Gâd Saionka, Israel ra Holikira ba.’

Isikiel 34:28

Nisan tringsar nani ba, kli witin nani purara kabia apia; daiwan wail nani sin pibia apia. Lamni iwbia, upla kum sin sirang ikbia apia.

Libait Lâka 26:6

Tasbayam ra yamni mai bri kamna, sibrin âpu pain yapi kama, tasbayam ba pri daukamna daiwan wail, daiwan praut bara war nani sut wina sin.

Miqueas 4:4

Upla nani sut ai wainka nasla nani ra, kwah damni dusa nani distika ra sin, ban ai kupia kumi iwi kabia, sibrin sin daukbia apia. ¡Dawan karnika nani sut bri ba ai bîla aisin ba kat kabia!

Sofonías 3:13

Israel luhpia nani pruras kan ba, witin nani diara saura daukbia apia, kunin sin aisabia apia; ai bîla kunin lâka ni banhki kabia apia. Upla kumi ra sin sibrin lukras ai pata pi ris bri kabia.”

Param Marikanka 3:9

Baku bamna, Sitan daknika wina nani ba, witinka nani kuninkira Ju wisa sakuna baku apia ba, yang munrika wih minam ra ai lula krikbia, bara kaikbia yang bui man ra latwan mai kaikisna.