Job 11:14 - DAWAN BÎLA AISKA

¹⁴ Saurka karbanka brisma kaka, man baha wina dakwi taks; saurka ba yarka wamtla ra dimbiara.

Job 11:14 ပူးပေါင်းရင်းမြစ်များ

Blasi Sturka 4:7

Yamni daukram kaka, man purara mai bukan kaia kan. Sakuna man yamni daukras kapram bamna, saurka ba durkam kat bâra sa. Saura lâka ba puram luaia munisa, ban sakuna man mita baha ba sip muni pura luaia sma.”

2 King Nani 17:13

Pat Dawan mita prapit nani bara baku sin diara kakaira nani bâk, Israel uplika ra kupia kraukan witin nani ai yabalka saura ba wina tawi bal witin lâka bîla yaban ba alki daukbia, bara ai adarka nani witin nani damika nani ra smalki yaban ba ai dukia dadaukra prapit nani bâk.

Job 22:23

Man mâyara bawma kaka, Gâd karnika sut bri ba ra kli tawi balma kaka, man wamtla wina watawi lâka nani ba sâkma;

Job 22:5

Ban sakuna, man watawikam lâka ba lika uba pali sa, bara saurkam ba lika tnata âpu sa.

Job 34:32

Ai mairiks anira sa swakwanki ba, yang mita sip kaikras sna ba, yang saura daukri sa kaka, kli baku daukamna apia?

Job 4:7

Wiria luki kaiks, sip kama sapa diara kum pan kupiam kraukaia, kupiam krawisa ki, upla pâtkas kum ba ban pali sauhki tikan kaia.

Job 8:6

Man ba sunu wapni aihwaki kama kaka, witin mita aihwaki mai kaiki kabia, kasakka lâka kat wamtla, luhpiam, dukiam nani ba kli maikbia.

Lawana Nani 101:2

wapni wapi nani aikuki iwaia brin ai daukisa. ¿Ahkia yang ra balma? Yang wapanki ba tâski âpu kabia king iwaika watla pali ba ra sin;

Aiseya 1:15

Man nani puram sunaia mihtam bukisma ba ra, mai kaiki kamna apia; man nani puram sunra ailal aisama sin, yang mai walamna apia. Man nani mihtam nani ba tala baman alkan sa.

Jems 4:8

Gâd lamara man nani was, bara witin lika man nani lamamra wabia. ¡Saura dadaukra nani, mihtam nani ba siks! ¡Bara man nani bui Gâd ra latwan kaikisma, bara sim piua ra tasba ra latwan kaikaia lukisma nani ba, kupiam nani sunu dauks!

1 Samuil 7:3

Bahamna, Samuil Israel luhpia nani sut ra win: “Man nani kupiam aiska kira kli Dawan ra tawma kaka, tringsar nani gâdka Astarté ba kli tilam wina saki lulkma, rayakam nani Dawan ra yama bara Dawan ra baman mayuni kama kaka, baku lika filisteo nani karnika wina dakbi mai sâkbia.”