Job 1:22 - DAWAN BÎLA AISKA

²² Baku bamna, baha sut tilara Job saura kumi sin yaras, ai bîla ni sin Gâd mapara saura aisaras kata.

Job 1:22 ပူးပေါင်းရင်းမြစ်များ

Job 2:1

Laih pura tasbaya uplika nani Dawan kaikaia lamara wih buaia yua aimakan ba ra, dahra kwakwahkra insal ba sin baha nani tilara wan.

Job 2:10

Job pana win: —¡Mairin, man diara tanis aisapara! Gâd wina diara yamni wanki ba yawan wilinkira brisa kaka, ¿dîa muni diara saura wanki ba sin yawan briras kabia? Baku bamna, baha sut tilara Job ai bîla aisinka ni wiria pan saura yaras kan.

Job 34:10

Bamna man nani, upla sinskira nani, yang ra wals, lukaia apia sa Gâd karnika sut bri ba, saura daukbia, kasak apia ba sin daukbia,

Smasmalkra 8:14

Bara baku natka ra naha tasba ra daukisa, tânka âpu sa upla yamni nani pât wahwi ba saura dauki kan baku; bara upla saura dadaukra ba ai liliaka brisa yamni kan baku. ¡Yang wisna naha sin tânka âpu sa!

Malaquía 3:15

Yawan nani kaikan aimayunra nani ba lilia sa, diara watawi nani ba wina, witin nani ra yamni baman takisa; witin nani mita Dawan traika kaikisa, sakuna klala kumi sin briras.’ ”

Roman 9:20

Bara man, upla, ¿man ba ya sma Gâd mapara unsabaisma ba? ¿Slaubla dakawa bui ai papaskra ra sip sa ki wiaia: “Dîa kan naku pali ai paskram?”

Jems 1:12

Ani uplika traika kaikanka trabilka mapara kasak luki bapi bûi ba, yamni pali sa; kan witin baha mapara kasak bapi bubia ningkara, raya kaia lâka ba kraun kum baku witin ra prisantka yaban kabia. Baha sika Gâd mita pramis munan, witin mita latwan kaiki uplika nani ra.

Jems 1:4

Trai kaiks baha bapi buram ba kat kauhras ban kaia, baku mika man nani upla aiska bara aitani kat kama, diara sut sin bri kama.

1 Pita 1:7

Kan man nani kasak lukankam lâka ba, gul baku sa; baku bamna pauta ni trai munan kaia sa, pain, apia kaka, saura sapa kaikaia dukiara. Ani kasak lukanka lâka baha traika kaikan ra bapi bubia kaka, gul purkara kau mana tara sa; bara gul ba lika âpu takisa. Bamna, kasak lukankam lâka baku trai munan kabia ba ra, Jisas Kraist param takbia ba ra, man nani lika brima mayunra lâka, prana bara pain kulkan lâka ba.