Job 1:18 - DAWAN BÎLA AISKA

¹⁸ Waitna ba baha dahra kau aisi danh takras ba ra, wala kum balan bara naku win: —Man luhpiam waitna nani ba luhpiam mairin nani aikuki luhpiam almuk watla ra pata tara kum dauki pi kan ba ra,

Job 1:18 ပူးပေါင်းရင်းမြစ်များ

2 Samuil 13:28

bara ai albika nani ra adar yan kan: “Amnón ba aman pali kaiki bas, wain ba di lilia pali takbia ba ra yang bui man nani ra mai wimna, bara man nani bui witin ba iks. Man nani baha daukaia si bripara, baha yang adarki nani sa, bahamna man nani kupiam wilinkira bara karna bris.”

Job 1:13

Yu kumi, Job luhpia waitna nani bara luhpia mairin nani sut, asla taki pata tara dauki pi kan ai muihni almuk watla ra.

Job 1:17

Waitna ba kau ban baha dahra aisi danh takras kan, waitna wala yumhpika ba bal diman bara naku win: —Caldea uplika nani daknika yumhpa wan mapara taki aiklaban bara kiamil nani kata ba sut implikan, baku sin skiru ni baman waitna nani kan ba sut ikan. Yang baman baha tila wina swak taki aulna, sturka ba maisam pakaia.

Job 1:19

pat pali upla iwras tasbaya tani wina pâsa saura kumi krawan, bara utla ba tnaya walhwal ra pruki bara utla tara ba luhpiam nani purara batakan, bara sut kat ikan. Yang baman baha tila wina swak taki aulna, sturka ba maisam pakaia.

Job 1:4

Job luhpia waitna nani ba, kumi bani ai watla ra pata tara dauki kan ai piua kat piaia dukiara, bara baha piua ra ai lakra yumhpa ba sin paiwi kan.

Job 16:14

Wîni insauhkanka nani ba purara kli kli sabisa, war aiklaklabra baku trisba ai lulkisa.

Job 23:2

Kau aima kum aisinki tahpla nani ba aisamna, kan Gâd ai mihta yang purira kahban.

Job 27:14

Ai luhpia nani ban ailal pali kabia sin, war ra prui banhwan kabia, apia kaka plun bla prubia.

Job 8:4

Kasak pali man luhpiam nani Gâd mapara saura daukan kaia sa, bara witin dîa klala witin nani ra yabaia kan ba yaban sa.

Lawana Nani 34:19

Upla yamni baman dauki ba, pât uya wahwisa, sakuna Dawan mita baha pâtka nani sut ba wina pri sakisa.

Smasmalkra 9:2

Tnata piua ra, sut ra sim baku bîla kaikisa, kasakkira bara kasak apia ra, upla yamni ra bara upla saura ra, sunu ra bara sunu apia ra, sakripais dauki nani ra, daukras nani ra, baku sin upla pain nani ra, upla saurakira ra, pramis dauki nani ra bara daukras nani ra sin.

Aiseya 28:19

Aima an taim balbia sut witin nani ra raski brih wabia, titan bani bal lubia, kakna ra bara tihmia ra sin. Aula ba sturka baman wali bara pat tatatwi kabia.

Jirimaya 51:31

Upla kum kli upla wala witin nani plapi bal Babilon kingka ra win, tawanka tara ba pat pura luan sa.

Inanka Nani 1:12

¡Man nani, yabalku auma ba, wiria takaski luki kaiks, sari lâka wala yang sairka na baku bâra sa sapa, ai munan pât wahwisna na! ¡Dawan bui naha pât wahwanka ai blikan, ai kupia baiwanka lapta pali taki piua ra!