Job 1:16 - DAWAN BÎLA AISKA

¹⁶ Waitna ba dahra kau aisi danh takras kan, waitna wala kum wan bara Job ra naku win: —Imyula kum pura wina kauhan ba ra, sîp main kaiki nani ra bara sîp nani ba sin sut ikan. Yang baman baha tila wina swak taki aulna, sturka ba maisam pakaia.

Job 1:16 ပူးပေါင်းရင်းမြစ်များ

Blasi Sturka 19:24

Bara Dawan mita Sodoma bara Gomora wal purara kasbrika pura wina sulpa pauta klauhan wal yakaban;

1 King Nani 18:38

Bara Dawan Gâd wina pauta klauhan bal iwan, bara aiska angkaia wînka ba aman, pauta ba, walpa nani ba, bara tasba yamhpuska nani, bara lî plapaika ra lî kan ba sut âpu lâwan.

2 King Nani 1:10

Bara Ilayas pana win: —Yang na prapit sna kaka, kasbrika purara wina pauta klauhan kauhi âpu mai daukbia man ra bara suldiarkam 50 ba sut ra. Baha aisin ba wal laih pura wina pauta klauhan bal iwan, baha nani sut angki âpu daukan.

2 King Nani 1:12

Bara Ilayas pana aisi, win: —Yang na prapit sna kaka, kasbrika purara pali ba wina pauta klauhan bal kauhbia, bara aiklaklabrikam 50 nani ba aikuki ami âpu tiwma. Bara pauta klauhan ba kasbrika pura pali wina balan, bara witin ai aiklaklabrika 50 sut aikuki angki âpu daukan.

2 King Nani 1:14

Kaiks kasbrika pura pali ba wina pat pauta klauhan bal iwan, bara baha nani angki âpu daukan kiaptinka wâl kata ba bara ai suldiar nani 50 bri balan kan nani ba sut sin. Bamna mamkabisna man bui yang nani ra wirâ luks.

Lawana Nani 45:3

¡Kupiam karna brih, sordkam maisam ra wilks! Kan witin sika man pramna sakahkan ba.

Impakan Sturka 9:28

Alwani, imyula, ais nani yakawi ba, yang nani aitani briri sa, bamna yang kau ban mai alki takaski kamna apia. Sakuna man nani mita yang nani tâiwan Dawan ra makas, bara mai swirka wama.

Libait Lâka 10:2

Bara pauta klauhan Gâd wina blikan, witin nani aiska aman. Bara baku witin nani prui banhwan, Gâd kaiki ba ra.

Libait Lâka 9:24

Dawan mawan wina pauta blikan tasba ra, altar purara daiwan angkaia bâra kata ba aman. Baha kaikan ba ra, Israel luhpia nani sut ba ai lilia wini kira ai mawan tasba kat makupan.

Emus 7:4

Bara Dawan ba kli diara wala naku mairikan: Yang kaikri witin buan ba ra, pauta klauhan ba ni mahka lâ daukan. Bara kabu tihuka tara laya ba klang lawi âpu takan, bara tasba prumhni nani ba sin mahka angki tikuya kan.

Param Marikanka 13:13

Sain tara nani sin dauki kan. Witin lika upla nani sut mawanra kasbrika purara ba wina tasba ra pauta klauhan yan kauhisa.

1 Samuil 14:15

Filisteo nani sut bâra kan ba kasak sirang iwan, aiklaklabra daknika tara nani bara sirpi nani sin ai takaskaika ra bâra kan ba, sut sirang iwan. Witin nani aiklabi kan bara tasba ba sin nikbi kan ba ra, prura sibrinka upla ra diman.