Job 1:10 - DAWAN BÎLA AISKA

¹⁰ Man mita swiram upla kumi sin witin wîna ra kangbras sa, ai watla uplika nani ra bara diara sut bri ba ra sin apia, diara witin dauki ba sut yamni baman munisma, bara witin sika daiwan kau ailal brisa, lalma tasbaya uplika sut bri ba wal.

Job 1:10 ပူးပေါင်းရင်းမြစ်များ

Blasi Sturka 15:1

Naha diara nani sut ba ningkara Dawan bîla ba Ebram ra balan, bara diara aihka kaikan ra witin ra win: —Ebram, man si bripara, kan yang sika pât tara nani wina man kainam kakahbra sna ba. Man mamna ba sin tara pali kabia.

Blasi Sturka 26:12

Bara baha manka ba, Aisak baha tasbaya ra insla dauki mâ mangkan, plun pain sakan. Dawan ai yamnika witin ra yan bamna,

Blasi Sturka 30:30

Yang kau balras kapri ba ra man daiwram nani ba maura lupia baman bri kapram, sakuna nanara yang balri ba wina daiwan ailal sauhram sa. Bamna yang balri ba piua wina, Dawan bui man ra yamni mai munan; sakuna, ¿nanara yang ahkia mayi bara luhpi nani dukiara sin baku wark takamna?

Blasi Sturka 30:43

Bara Jekob baku dauki natka ra yuyakira pali takan. Witin sîp ailal bri kan, alba waitna nani ailal, alba mairin nani sin ailal, kiamil nani bara biriku nani sin ailal bri kan.

Blasi Sturka 39:5

Potifar bui Josep mihta ra ai dukia nani sut mangki swin yua ba wina, Dawan bui Potifar ra yamni munan, ai watla bilara bara ai nasla nani ra sin.

Blasi Sturka 49:25

¡Tingki man aisikam Gâdka ra, witin bui man ra hilp mai munbia bamna! ¡Karnika sut bri ba Gâdka ra, witin yamni mai munbia! ¡Laih purara yamnika bâra ba, yamnika ba wal, yamni mai munbia! ¡Kabu ra yamnika nani bâra ba yamnika ba wal sin! ¡Tialka laya manis bâra ba, tukta yapti biara sahwaia yamnika ba wal sin!

Job 1:3

Bara witin sîp 7,000, kiamil 3,000, wark bîpka nani 500, biriku mairin 500 bri kan, alba nani sin ailal pali bri kan. Lalma tasbaya ra witin baman kau upla yuyakira kan.

Job 29:2

¡Sip katna kaka yang baha yua nani ra kli tawaia, Gâd mita kaini kahbi kan ba yua ra!

Job 29:6

Tialka laya ba tasba kat laiwi kan, bara batana laya ba walpa wina iswi kan.

Job 31:25

Aima kumi sin yang aisinki ba yuyaka manis kuki briaia baku kulkras katna, apia kaka lalah manis saki briaia sin lukras kapri.

Job 42:12

Gâd bui Job ra ai yamnika ailal yaban kan kau siknis takras kan ba kainara, sakuna nanara kau ai yamnika tara yan: Sîp nani 14,000 brin, kiamil 6,000, tasba baikaia bîp ba 1,000 bara biriku mairin 1,000.

Lawana Nani 107:38

Dawan sin witin nani ra yamni munisa, bara witin nani manis sahwisa bara ai daiwra nani ailal pâwisa.

Lawana Nani 34:7

Dawan ra yamni kulki uplika nani ba, Dawan insalka ba mita kan kahbi, swaki sakisa.

Lawana Nani 5:12

kan, Dawan, man bui baha uplika yamni ba ra, man bui yamnikam yabisma, man kupiam yamni lâka ni, kan kahbaika baku bri kama.

Lawana Nani 71:21

tara ai kulki ban kama bara kli tawi maisi nihkma.

Lawana Nani 80:12

¿Dîa kan kaupin ba slingbram bara swiram yabal bâk auya nani ba, wainka mâ nani ba dakbisa?

Lawana Nani 90:17

Dawan, yawan wan Gâdka, kupiam yamnika ba yang nani purira kabia. ¡Dawan, wan warkka nani ba aitani wisa! ¡Âu Dawan, wan warkka nani ba aitani wisa!

Sins Lâka 10:22

Dawan yamni wan muni ba yuyakira wan sakisa; witin wal aikuki, sari lâka prakras sa.

Aiseya 5:2

Nasla tasbaya ba baikan, walpa nani ba sin sait ra sakan bara wain saumukka yamni ba ni wahbi saki mangkan. Nasla bilara sin, tawer kum purara mâkan; bara wain taibaia watla sin kum paskan, bara wain nasla tara ba wina bîla kaiki kan wain damni nani, sakuna wain mâ swahni baman alkan kata.

Aiseya 5:5

Man nani ra mamrikamni, nanara yang wainki nasla ra daukamna ba: kutbanka ba sakamni, bara bal sauhki tikan kabia; kutbanka ba krikamni, upla ai mina ra taibi sauhki daukbia.

Sakaraya 2:5

Ban sakuna, Dawan naku wisa: Yang, Jerusalem kir pauta klauhi kutbanka kum baku kamna, bara tawanka bilara praina tara ba latan marikamna.’ ”

Sakaraya 2:8

Karnika sut alki bri Dawanka ba, baha uplika nani mai alki mai brih wan ba mapara, naha bîla aisaia ai blikan: “Ya ya yang upliki nani ra pruki ba, yang naikra yula ra pruki baku sa. Baha tâwan, yang uplika nani ba mapara aiklabamna, bara ai albika nani ba bui witin nani ra kli tawi alki brih wabia.” Baku dauki ba natka ra, karnika sut alki bri ba Dawanka ai prana tara ba marikbia, baku sin man nani tânka brima, Dawan bui ai blikan ba.

Kli Smalkanka 33:11

Dawan ai warkka ai karnika ra yamni muns, bara warkka ba, pain kaiki brima. Waihlam nani nina baikanka ba kalks, man misbara kaiki nani kli tawi balbia apia.”

Kli Smalkanka 33:27

Gâd ban kaia ba man yukuwaikam sa, ai karnika ban kaia ba man tâm baikbia, ai waihla nani ai mawan wina yan plapan bara man ra karnika maikan sauhki tikaia.

Kli Smalkanka 7:13

Man nani ra latwan mai kaikbia, yamni mai munbia bara man nani ailal sahwi kama; luhpiam nani ra, plawarkam mâ ra, wainkam ra, namsla ra mâ krikaia ra, plawarkam mâ, wainkam bara batankam laya, bîpkam bara sîpkam luhpia nani ra yamni munbia, kuntrikam almukka nani ra yabaia win ba ra sin yamni munbia.

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.

1 Samuil 25:16

Kakna ra bara tihmia ra witin nani bui ni kau wan kaina kahbi kan, wan daiwra nani sin.