Jirimaya 9:8 - DAWAN BÎLA AISKA

⁸ Twisa nani ba trisbaya baku upla ikaika twisa takan; witin nani kunin aisi ban taukisa. Ai uplika nani ra upla painkira nani baku lakula daukisa, sakuna witin nani pali dauki ba lika mina alkaika nani mangkisa.

Jirimaya 9:8 ပူးပေါင်းရင်းမြစ်များ

2 Samuil 3:27

Abner ba Hebrón ra wan ba ra, Joab bui tawan getka ba wina tnaya ra brih wan, witin wal baman sturi aisaia, bamna bahara ai plauya kat sord ni sabi ikan, ai muihni Asael ra ikan ba tâwan pana ikan.

Lawana Nani 12:2

Witin nani bani ai uplika ra kunin bîla aisisa; ai mawan wâl, ai bîla wâl bri aisisa.

Lawana Nani 12:3

Dawan, wakia wina, baha nani ba daiks; ai mawan wâl bri nani ba, twisa karna aisi ba,

Lawana Nani 120:3

¿Man dîa kau briaia sip sma, twisa saura kunin aisasara?

Lawana Nani 28:3

Upla watawikira nani aikuki ai raski ai brih wapara, saura dadaukra nani ai mana briaia ba wal sin apia, lata wina kaiki ba wan uplika baku wan marikisa, sakuna ai kupia bîla watawi lâka ni banhwan sa.

Lawana Nani 35:20

Witin nani kupia kumi lâka ba plikras sa. Witin nani ai warkka dauki, kuntri uplika ra waihla mihta ra mangkaia baman plikisa.

Lawana Nani 55:21

Ai aisinka nani ba butar lalalnika baku aisisa, sakuna ai lukanka nani ba lika war bukisa. Ai bîla aisinka ba batana baku swapni sa, sakuna baku apia sa, sim sord malika baku brisa.

Lawana Nani 57:4

Tasba ra kauhi prawisna, layan nani upla pi ba tilara ai napa nani ba lika langsa bara trisba tatwika baku sa, ai twisa ba lika sord malika kum baku sa.

Lawana Nani 62:5

Yang lika Gâd ra baman kupia kumi lâka sakisni, kan yang bîli kaikanka ba sika witin wina aula.

Lawana Nani 64:8

bara witin nani ai aisinka ba mita kauhbia bara ya ya kabia, witin nani ra kaiki ai lawaska kikbia.

Sins Lâka 25:18

Amar tara kum, sord malira, trisba tatwa kum baku sa, ¡baku sa ai uplika mapara witnis kunin aisi ba!

Jirimaya 5:26

Kan upla saura nani yang upliki nani tilara bâra sa tnawira âialkra nani kahbi tauki ba baku sa, mina alkaika nani mangkisa, wala nani ba alkaia dukiara.

Jirimaya 5:9

¿Witin nani baha daukan ba yang klala yabaia apia sna ki? Tawan kum uplika nani witin nani dîa daukan ba, ¿yang bui witin nani ra baha praiska kat mana yabaia apia sna ki?

Jirimaya 9:3

Piu bani ra kunin aisaia ridi ban sa trisbaya nani pantamangka wina lulki ba baku. Witin nani ai kuntrika ra kunin lâka ba king aimakisa, kasakka lâka ba lika apia; saura dauki ba wina kau saura pali daukisa, bara Dawan ba sin kasak aisisa: “Witin nani ai kaikaia takan daukras.”

Jirimaya 9:4

Wan upliki nani ba sin kasak sa kulkaia apia; wan muihni pali ba ra sin kasak lukaia apia sa, kan ai muihnika nani ba sin pana pana kunin munisa, bara ai uplika nani ba sin ai uplika ninara saura aisisa.

Jirimaya 9:5

Upla kumi bani ai walka lawaska kikisa, upla kumi sin ai walka ra sturi kasak ba aisaras. Kunin aisaia ba witin nani natka takan; saura dadaukra, sip natka wala ra tawras. Dawan kasak aisisa: “¡Taibi luan ba pura kli taibi luan, kunin aisin purak kli kunin aisin! Upliki nani ai kakaira takaia brin daukras sa.

Miqueas 6:12

Yuyakira nani naha tawanka ra iwi ba upla umpira nani ra tataibra pali man sa; kuninkira nani bara upla ra kunin mamunra baman nahara iwisa.