Jirimaya 9:4 - DAWAN BÎLA AISKA

⁴ Wan upliki nani ba sin kasak sa kulkaia apia; wan muihni pali ba ra sin kasak lukaia apia sa, kan ai muihnika nani ba sin pana pana kunin munisa, bara ai uplika nani ba sin ai uplika ninara saura aisisa.

Jirimaya 9:4 ပူးပေါင်းရင်းမြစ်များ

Blasi Sturka 32:28

—Ninam Jekob ba, ban baku mâki kabia apia. Nanara wina man ninam ba Israel mâkan kabia, kan Gâd wal bara upla wal sin aitwaki man ban pura luram bamna.

Lawana Nani 101:5

Baha nani ba bîla prakaia daukamni yukuwan ra ai lamara iwi uplika nani ninara aisi ba; witin nani ba tara sa luki ba, ai mawan snungki aisi ba, ¡baha nani mapara sip kupi alki takaskras sni!

Lawana Nani 15:3

witin lika upla ninara saura aisaras; ai uplika ra diara saura munras; upla ai lamara iwi ba mapara sin sturi saura bukras;

Sins Lâka 10:18

Misbara pura praki bri uplika ba kunin aisasara sa; nina sauhkan dahra kwahki ba, sins âpu nani warkka sa.

Sins Lâka 25:18

Amar tara kum, sord malira, trisba tatwa kum baku sa, ¡baku sa ai uplika mapara witnis kunin aisi ba!

Sins Lâka 4:16

Witin nani saura daukras kaka, sip kupia kumi lâka ba briras sa; upla kum pan batakras kaka, witin nani sip yapan daukras sa.

Sins Lâka 4:17

¡Witin ai pata bara ai diaika ba, saurka lâka bara tanis lâka ba!

Sins Lâka 6:16

Diara 6, apia kaka 7 bâra sa, Dawan mita aiska misbara kaiki ba:

Sins Lâka 6:19

Witnis kuninkira ai bîla wina kunin man aisi ba, bara ani uplika tuski unsaban daukisa ai muihni nani tilara.

Aiseya 59:13

Yawan mapara babura takma, Dawan wal sin kasak apia kan. Yawan wan Gâdka ninara waia brin wan daukras kan, yawan aisin lâ nani ba krikaia, upla nani pât ra dingkaia, yawan upla nani ra kunin munaia lâka daukan.

Aiseya 9:16

Kan naha tawanka wihtka tara nani ba, upla ra kunin mamunra nani sa, bara witin nani tâ brabrira kum pliki kan ba tiwan sa.

Jirimaya 12:6

Muihkam nani pali sin, tamya nani pali ba sin, witin nani mai atkan, man ninamra saura aisi wini banhwisa. Man lika witin nani ra kasak lukpara, bîla pain nani witin nani man ra aisabia sin.

Jirimaya 6:28

Dawan, witin nani sut ba wan mapara babura atia sa; upla dusa kakuhbra nani bara watawikira atia; bras baku, ayan baku sa.

Jirimaya 9:8

Twisa nani ba trisbaya baku upla ikaika twisa takan; witin nani kunin aisi ban taukisa. Ai uplika nani ra upla painkira nani baku lakula daukisa, sakuna witin nani pali dauki ba lika mina alkaika nani mangkisa.

Isikiel 22:9

Ai kuninka tâka, uplikam nani ba pâtkira kulkan sa, upla wala prawi ba ra; aidul ra kulkanka tara wal, plun pi ba tilara wisa; diara saura kaikaia lâka ba daukisa.

Libait Lâka 19:16

“Upla nina aisi taukpara. “Man uplikam ikaia lâka dauki ba tilara dimpara. Yang sika Dawan.

Malaquía 2:10

¿Yawan sut Aisa kumi baman brisa, ban apia? ¿Yawan sut Gâd kumi mita wan paskan, ban apia? ¿Bamna dîa kan yawan pana pana kunin muni wan damika nani, Gâd wal lâ daukan lâka ba krikisa?

Matiu 10:17

Aman kaiki bas, kan upla nani mita mai alki wihta nani mihta ra mai mangkbia, bara prias watla nani ra mai wipbia.

Matiu 10:21

“Upla nani ai muihnika nani ra kunin muni prura pâtka ra dingkbia, aisa nani mita sin ai luhpia nani ra baku munbia; luhpia nani ba ai aisika nani mapara bubia, bara prura mihta ra mangkbia.

Luk 21:16

Aisikam, yaptikam, muihkam nani, tamya nani, uplikam nani sin waihlam mihta ra mai mangkbia. Man nani tilam wina kum kum mai ikan kabia,

1 Tesalonaika 4:6

Upla kumi mita sin naha bisniska dukiara ai muihni ra kunin muni tâski lâka daukbiara. Naha dukia na kaina manis wina latan mai wi banhri: Ani uplika nahmuna swakwanka nani daukbia kaka, Dawan mita witin ra klala yabia.