Jirimaya 9:23 - DAWAN BÎLA AISKA

²³ Dawan aisisa: “Sinskira ba sinskira sa wisi aimayuni kabiara, karnakira ba ai karnika bri ba dukiara sin apia, yuyakira ba sin diara bri ba wisi aimayuni kabiara.

Jirimaya 9:23 ပူးပေါင်းရင်းမြစ်များ

Job 32:13

Bamna luki kaikma man nani ba ban sinskira apia sma, baha ba Gâd mita baman sip sa, sakuna upla mita lika sip apia sa aisaia.

Job 41:15

Ai nina dusa nani lama kat ba lika kaina kahbaika nani sa, asla prakan sa bara karna pali sa walpa karnika baku.

Lawana Nani 33:5

Witin kasakka lâka bara wapni lâka ba, witin latwan kaikisa; ¡ai latwanka lâka ba ni tasba na banhkisa!

Lawana Nani 34:3

Man nani, yang wal Dawan ra mayuns, bakahnu witin nina ba mayunbia, wan bîla baikra kumi baku.

Lawana Nani 44:9

Ban sakuna, man lika yang nani ra wan lulki wan swiram; swira lâka tara, yang nani purira bri balram. Yang nani upliki war aiklaklabra nani ba man brih waras kapram.

Lawana Nani 62:10

Praut lâka ra kasak lukpara; ¡implikaia ba yabrika man dawankam takbiara! Man nani yuyakira takma kaka bara man lalahkam ra kasakkam lukan ba mangkpara.

Sins Lâka 11:4

Wan yuyaka ailalka ba, wan hilpka kabia apia lâ tara yua ra, sakuna kasakka lâka mita prura wina wan dakbi wan sâkbia.

Sins Lâka 21:30

Dawan mapa ra, sins lâka nani ba bahki baman takisa, diara tânka alkaia lâka, lâ tânka smalkaia sin âpu sa.

Sins Lâka 3:5

Dawan ra kupiam aiska ni kasak luki bas, bara man sinskam lâka ba kat tniwi kapara.

Smasmalkra 2:19

Bara diara kum kasak ba lika: witin ba sinskira, apia taniskira kabia kra, yang naha tasba ra diara nani briri ba, sins lâka nani wal baku sin wark karna taki ni, baha sut ba dawanka takbia. ¡Bara naha sin bahki baman sa!

Smasmalkra 9:11

Naha tasba ra kau diara kaikri: plaplapra nani ba sika plapi pura luras ba, baku sin kupia karnira nani ba war ra pura luras ba, ban sin sinskira nani piu bani ra plun ba briras sa, bara sinskira nani sut yuyakira apia, bara diara tânka brabrira nani ra sin yamni briras; kumi bani ba ai piua sirpi kumi ra yamnika lâka brisa.

Aiseya 10:8

Aisisa: ‘King nani sut ba, yang adarki ra wihta aimakisa.

Aiseya 20:5

Bara witin nani ai kupia trabil munbia, ai swira sin lukbia Etiopía ra kan bahara bîla kaikanka bri kan ba, bara Idsip ra, ai mayunra kan ba.

Aiseya 47:10

Kan man watawikam lâka ra lukankam mangki briram bamna, man wiram: ‘Upla ai kaikras sa.’ Man sinskam lâka ba, man diara tânka kaikaia lâka brisma ba mita kunin mai munan. Bara kupiam ra wiram: ‘Yang baman, kau wala âpu sa yang wina.’

Aiseya 5:21

¡Man nani ra saura kabia, sinskira sma lukisma ba diara sut tânka brisma baku damra walisma ba!

Jirimaya 31:34

Bara upla ai walka ra, ai uplika nani ra, ai taya nani yang ai kakaira takaia smalkaia nit apia kabia, tara ba wina sirpi ba kat upla sut ai kakaira kabia. Saurka daukan pâtka nani swih tikamna bara kli kupi ra brimna apia. Yang, Dawan, kasak aisisna.”

Jirimaya 48:14

“Moab aisabiara: ‘Yang nani tahplu nani, aiklaklabra nani karna sna.’

Jirimaya 48:7

“Moab, man karnikam ra diara ailal brisma ba ra kasak luki kapram, sakuna man ra sin bal puram lubia. Man gâdkam Quemós tasba wala brih wabia, prîska nani, uplika tara nani kulkan ba sut.

Jirimaya 49:4

¿Dîa muni mamyunisma karnikam brisma wisi? Mapara babura nani, karnikam pat âpu takisma, diara nani kuki briram ba ra kasak lukisma bara aisisma: ‘¿Ya yang wal aiklabaia?’

Isikiel 29:9

Bara upla iwras tasbaya takbia bara upla nani ba ai dara walbia, yang sika Dawan sna ba. Man wiram: Nilo ba yang duki, yang daukri.

Isikiel 7:19

Ai silbarka nani ba, yabal nani ra batakbia, bara gul nani ba bahki kulkbia. Dawan lawanka ba wina ai gulka bara silbarka sin sip swaki sâkbia apia.

Daniel 3:15

¿Man nani ba wilin pali sma ki, baha miusik kangbaia dukia nani ba binka walma ba ra, yang mita wîri lilka dauki bapan ba ra bawi mayunaia? Man nani bawi mayunras sma kaka, nanara baha kubus pauta klauhan tara ba ra mai lulkan kabia; ¿ani gâdka swaki mai sakaia sip kabia?

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Miqueas 6:8

Dawan bui man ra pat mai win, dîa ba yamni daukaia tânka bara dîa man wina bîla kaiki ba. Bamna naha pali sika, man daukaia witin mamkabi yaba: kasakka lâka daukma, kupia pihni lâka ba, latwan kaikma, bara Gâdkam mawanra bawikira kaia sma.

Sofonías 1:18

Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!

Mark 10:24

Disaipil nani baha wali tâ iwan, sakuna Jisas kli win: —Luhpi nani, ¡karna pali sa Gâd King aimaki lâka tasbaya ra dimaia!

Roman 1:22

Witin nani bila sinskira nani sa, sakuna witin nani sika kau sinskas ba;

1 Korint 1:31

Baku bamna, Ulbanka ra wi ba baku: “Ani uplika aimayunan daukisa kaka, Dawan mita daukan ba dukiara aimayunaia sa.”

Kli Smalkanka 8:17

“Kupiam ra lukpara: ‘Naha kukanka sut na, yawan wan karnika ni sakan.’

Pilipai 3:10

Yang want sna ba lika Kraist ra kakaira kaia, bara yang wîni ra sin witin pruan wina buan karnika ba bri kaia, ai pâtka wahwan nani ba sin witin wal yang asla wahwaia, bara ban sin witin pruan baku pruaia,

Pilipai 3:8

Baha dukia nani baman apia; dîa dîa yang briaia sip kapri ba, bahki tiwan baku kulkisna, Jisas Kraist yang Dawanki ba, kakaira kaia yang maipara kau pain sa, diara wala nani sut ba wal. Kraist tâwan yang diara sut tikri; bara baha sut dipasta baku kulkisni, Kraist yang duki brimna ba tâwan,

1 Timoti 6:10

Kan lalah ra latwan kaikaia ba sika saurka sât sât plamaika ba. Upla tila nani ba baha brin pali dauki tâka mita, kasak lukan lâka wina tnaya ra tawi banhwan sa, bara witin ai rayaka nani ba, pât nani taki banhwan sa.

1 Samuil 17:42

Filisteo ba Debit ra pain kaikan, witin kau wahma pali, taya ba swapni, pranakira tangni prana baku, mawan painkira, witin ai sîa âpu pali,