Jirimaya 9:19 - DAWAN BÎLA AISKA

¹⁹ Laih Jerusalem latwan saura bri ini ba walisa: ¡Alai, nahki muni yawan naku wan slingbi wan sauhkanka na ra diman! ¡Saura wan kulkan pâtka yawan wahwisa! Yawan wan kuntrika swih waia sa, wan watla nani sut slingwan sa.

Jirimaya 9:19 ပူးပေါင်းရင်းမြစ်များ

Aiseya 32:9

Bara mairin nani, man nani trabil taki lukras sma ba, yang bui man nani ra aisisna ba wals. Mairin nani briaia baman bîla kaikisma ba, man nani bui yang bîli nani na wals.

Jirimaya 15:1

Dawan bui ai win: “Moses, Samuil wal nâra maiwanra bubia kra sin sakuna, yang naha uplika nani ra luki kupi kriwan takbia apia. Witin nani maiwan wina taki, mahka wabia wis.

Jirimaya 2:14

“Israel ba alba kum apia sa; witin alba lâka ra aisubi takras. ¿Bamna dîa muni dukia nani ba mihta dakbisa?

Jirimaya 4:13

Man nani kaiks, waihla ba kasbrika awi baku aula, aiklabaia waginka nani ba prari aula baku sa, araska nani ba yakal pali ba wal kau karna plapisa. ¡Yawan ra saura pali kabia, yawan lika pat tiwan sa!

Jirimaya 4:20

Diara sauhki tiki ban auya sturka ba walaisna; kuntri aiska ba sauhki tikan sa. Yang kiamki nani ba sin pat pali sauhki tikan kabia, yang waitla papakni nani kata ba sin slingban kabia.

Jirimaya 7:15

Man nani ra sin yang maiwan wina mai kangbi mai sakamna, muihkam nani Efraín kiamka nani ra pat kangbi sakri ba baku.’

Jirimaya 7:19

Sakuna witin nani bui yang ra kau mini prukaia watlika ra, witin nani kau ai mina prukisa bara klauna kau ai swira daukisa. Yang, Dawan, kasak aisisna.

Jirimaya 7:29

¡Jerusalem uplika nani, tâmwa ba klaki lulks! ¡Kiuhsi nani diara pâwras ba ra wih sari taki lawana aiwans! Kan Dawan uplikam nani ra ai kupia baikan sa, witin nani ba tnaya ra laki lulki swisa.

Inanka Nani 4:15

“¡Tnaya ra taws, tnaya ra taws —witin nani ra wini wisa—; baha uplika nani ba tâski sa, kangbi banhpara!” “Witin nani ba tanis plapi taukisa —idan nani wisa—, kau sip nâra iwi kapras.”

Inanka Nani 5:2

Duki nani sut upla sât wala nani mihta ra tawan sa, waitla nani sut ba tasba wala uplika nani baman bal brin sa.

Isikiel 27:2

“Man, upla luhpia, naha pruan lawana na aiwans

Libait Lâka 18:25

Tawanka nani ba sut tâski sa, baha mita yang bui witin lâka daukri bara tawan bîla wina upla nani ba sait ra saki lulkan.

Libait Lâka 18:28

Man nani sin daukankam ba mita naha tasbaya wina mai saki mai lulkbia, kainamra iwi kan nani saki lulkan ba baku.

Libait Lâka 20:22

“Bamna lâika nani ba man nani sut dauki bas, baku baha kuntrika tawanka ba wina mai saki mai lulkbia apia.

Miqueas 2:10

¡Man nani naha wina bus, bara impaki bas! Kan naha lika ris briaia pliska apia sa; saurka witin ra uba pali ai pura luan sa, baha mita witin ba danh pali saura takan sa.

Miqueas 2:4

Baha piua ra, upla nani bui man nani ra lawana ulbi aiwanan kabia, yahwi inanka baku. Mai wi banhbia: ‘Yawan na aiska pali wan sauhki tikan sa; Dawan bui wan tasbaya wankan kan ba, witin ai prapatika, wan mihta wina dakbi brin, upla kum sin bûi tâwan aisaras kan; bara alba wan bri uplika nani tilara wan tasbaya nani ba yui yan.’ ”

Kli Smalkanka 28:29

lapta dinar kat ba blain tihmia ra tauki baku kama. Diara sut dauki kama ba yamni takbia apia; kaikma piua sut ra taiban lâka ra bara rausauhkan ra sin iwi kama, upla kumi sin hilpkam ra aisabia apia.