Jirimaya 9:1 - DAWAN BÎLA AISKA

¹ ¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Jirimaya 9:1 ပူးပေါင်းရင်းမြစ်များ

Lawana Nani 119:136

Naikra laya ba, tingni laya nani baku plapisa, upla nani man lâmka ban brin daukras bamna.

Lawana Nani 42:3

Kakna ra, tihmia ra, yang naikra laya ba pati pisna, upla nani sin pat pat maikabi walisa: “¿Man Dawankam ba anira sa?”

Lawana Nani 55:7

Pâli ban laihura waia kapri, bara upla iwras tasbaya ra wih takaskaina.

Aiseya 16:9

Baha mita inisna Sebná wainka nasla nani ra luki, Jazer ra sin luki, Hesbón, Elalé dukiara naikra laya laikisna, mâ tilwan nani dâkaia bri kata ba purara war aiklaban bamna.

Aiseya 22:4

Baha mita yang wîri: Man nani ai swis, inanka tahplira ba inamni, maisi nihkaia wisi ai aisapara, tawanki luhpia mairin nani sauhki tikanka saura ba wina.

Jirimaya 13:17

Man nani naha walras kama kaka, yukuwan ra ini kamna praut lâka brisma ba tâwan; naikra nani wina laya ba plapi kabia, kan silak ra bri auya sa Dawan sîpka daknika ba.

Jirimaya 14:17

Bamna man upla nani ra naha bîla na wis: ‘Tihmia ra bara kakna ra naikra laya takaskras ban kauhisa, yang upliki nani pât tara saura ra diman ba luki, saura pali insauhkan ba sarka.

Jirimaya 3:10

Baha diara nani sut takan ba ningkara, Juda rugkira ai kupia aiska laki yang ra balras, sakuna kunin ai munan. Yang, Dawan, kasak aisisna.”

Jirimaya 4:19

¡Yang tirirwi taukisni latwan ba mita! ¡Kupi ba karna pali lakwisa! ¡Yang sip sâp kapras sni, aisaras kaia sip apia sni! Trumpit puhban ba walri, war aiklabaia winanka nani.

Jirimaya 5:7

Dawan naku aisisa: “¿Naha pâtka nani sut na nahki ban swih tikamna? Man luhpiam nani ba lulki ai swin, bara gâd apia nani ba mayunisa. Yang bui witin nani ra plun ailal pali yabri, sakuna witin nani lika yang wal wapni apia kan, witin nani sut aiska ba ur tatakra takan.

Jirimaya 6:26

¡Yang upliki nani, krukus prâka dimi sari tukinka ba; yamhpus ra aikarwi bas, kwala siksa dimi sari pali bri ini bas, luhpiam waitna kumi baman bri kapram pruan baku; kan wan sauhki tikaia uplika ba pat pali yawan ra balbia bamna!

Jirimaya 8:18

Sairka na tikaia saika âpu sa, kupi lukanka na daswuya sa.

Jirimaya 9:18

¡Âu, wis witin nani pat pali balaia bara yawan wan pura mata inbia; wan nakra nani laya man banhbia, inan man wan nakra taya nani sut buswan pali takbia!

Inanka Nani 2:11

Inan mita naikra nani ba swapni takisa, bara laima dusa bîla sut baiwaisa; kupi ba sari mita pura lui laiwisa, yang upliki nani tawanka tara sauhki tikan ba kaikisna ba ra, tuktan nani sirpi tiala di nani sin, tawan yabalka nani ra plun bla kauhi pruisa.

Isikiel 22:12

Uplikam nani kum kum ai wîna atkisa ai walka ra ikaia dukiara. Upla ra lalah yabisa implikbia dukiara, taiban lâka bara saura munaia lâka daukisa ai uplika ra, bara ai âuya ai tikisa. Yang, Dawan, kasak aisisna.

Oseas 7:4

Witin nani sut ba ai maya lâka krakrikra atia: brit angkaika kubuska baku sa, pauta muki swin ba ra, pauta mamukra ba, krauhni puskaia bîla kaiki ba baku sa.