Jirimaya 8:14 - DAWAN BÎLA AISKA

¹⁴ Bara upla nani ba aisabia: “¿Dîa dukiara yawan nâra kau takaskisa? ¡Kaisa yawan sut tawan tara nani karna paskan ba ra waia bara bahara sut wan ikbia! Dawan, wan Gâdka mita pruaia ra wan lakan sa bamna; puisin liura diaia wankbia, kan yawan bui witin ai mapara saura daukan ba tâka mita.

Jirimaya 8:14 ပူးပေါင်းရင်းမြစ်များ

2 Samuil 20:6

Bamna Debit bui Abisai ra win: —Absalón ba wal, Sebá kau sauhkanka tara bri balbia. Bara suldiarki nani ba man tâ bri, witin nina blîks, apia kaka walpa ni kutban tawanka nani ra dimi baha wina plapi swak takbiara.

Lawana Nani 39:2

Yang na bîlas baku takri, diara aisaras pali, ¡diara yamni dukiara sin aisaras kapri! Ban sakuna, sairka lâka ba kau tara taki kan;

Lawana Nani 69:21

Pati ra puisin mangkan, bara diran ai daukan binigar ni aikan diaia.

Aiseya 47:5

“Bîlam praki sâp iws, tihmia, ingni wal lilapas ra dims, Caldea tiarika mairin, man na ‘nisan nani kwinka’ kli mai wibia apia bamna.

Jirimaya 14:20

Dawan, yang nani daira wali banhwisna watawi daukri ba dukiara, baku sin yang nani damiki nani pâtkira takan ba sin; man mampara saura dauki banhri.

Jirimaya 14:7

¡Dawan, yang nani saura daukri saurka ba mita daihra sakisa, ninam ba pain kulkaia ba mita baku dauks! Aima ailal yang nani na man mampara yamni apia katni, yang nani lika man mampara saura daukri.

Jirimaya 23:15

Baha mita yang, Dawan karnika sut brisna, prapit nani ba mapara naha aisisna: Diara tahpla pali kum man nani piaia maikaisna; puisin laya maikrika dima, kan Jerusalem prapitka nani ba mita tasbaya na aiska ra saurka lâka ba yakaban.”

Jirimaya 3:25

Swira lâka ra bawi kap, swira lâka mita wan mawan prakan yawan tukta kan ba piua wina ban naiwa kat, yawan, wan damika nani sut sin Dawan wan Gâdka mapara saura daukan, yawan bui witin bîla wali daukras.”

Jirimaya 35:11

Sakuna Nabucodonosor, Babilon kingka ba naha kuntrika kutbi alkaia balan piua ra, yang nani Jerusalem ra bal iwaia lukri, Caldea uplika Siria uplika nani aiklabi aula ba kaina wina plapaia; baha mita yang nani Jerusalem ra iwisna.”

Jirimaya 9:14

Witin nani lal karna, dîa ai kupia ra lukan ba kat daukan, gâd apia nani ra mayunan, ai damika nani dîa witin nani ra smalkan ba baku daukan.

Jirimaya 9:15

Baha mita, yang Dawan, karnika sut brisna ba, Israel Gâdka ba, aisisna: Baha nani ra diara tahpla pali kum diaia yabaisna ba puisin laya.

Inanka Nani 3:19

Kupi krawisa latwanki nani wauhri ba, bara sairka tara ba sin, misbara lâka, tahpla pali ba sin;

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

Emus 6:10

Sibrin tara bâra kabia, pruan nani ba taika kum balbia, wîna tara ba bikaia alki bukbia ba ra, ai walka utla bilara tauki bâra wibia: “¿Kau wala kum bâra sa ki?” Bara witin pana wibia: “Apia.” Bara tâura bal aisi uplika ba wibia: “¡Sâp bas! ¡Dawan nina mâki sin aisapara!”

Abakuk 2:20

Sakuna Dawan pali ba ai tempelka watla sunukira ra iwisa. ¡Bamna tasba aiska ba, witin ai mawanra sâp kabia!

Sakaraya 2:13

¡Yarka upla nani sut Dawan mawanra sâp pali kabia, kan witin iwi yaba watla holikira ba wina yawan ra aula sa!

Matiu 27:34

Bahara witin nani mita Jisas ra wain sîka mâka tahpla wal yan diaia; sakuna Jisas ai bîla ra wiria dih muni, kau din daukras kan.

Kli Smalkanka 29:18

Man nani tilamra waitna, mairin, utla bîla uplika, masrakam kra, apia kaka kiamka kra, Dawan wan Gâdka ra lulki swibia apia, baha nisanka gâdka ra mayunaia dukiara. Man nani tilam wina kumi sin dus kum wakia tahplira ba, puisinkira ba baku takpara.

Kli Smalkanka 32:32

Witin nani ba wain nasla saura sa, Sodoma bara Gomora wal kiamka nani sa, wain tahpla puisinkira sakisa;