Jirimaya 7:32 - DAWAN BÎLA AISKA

³² Bahamna yang, Dawan, baha kasak aisisni yua kum balbia bara baha pliska nina ba ban Tófet mâki kabia apia, Ben-hinom langnika ra sin apia, sakuna aisi kabia, Upla Iki Tikan langnika. Upla pruan nani ba Tófet ra bri si bikbia, plis wala âpu kabia bamna.

Jirimaya 7:32 ပူးပေါင်းရင်းမြစ်များ

2 King Nani 23:10

Josías sin Ben-hinom ilka biara langnika ra angkaia dukia kum bâra kan ba tâski daukan, upla kumi ra wiras kan ai luhpia waitna, apia kaka ai luhpia mairin Moloc ra sakripais angki daukaia.

Jirimaya 19:11

bara witin nani ra wis: ‘Karnika sut bri Dawan ba, aisisa: Uplika nani na kriki yuya baman daukamna naha tawanka ra, upla kum sumi kriki yuya man dauki sip kli paskras ba baku. Plis wala âpu kabia, upla pruan nani sut ba Tófet ra baman bikbia.

Jirimaya 19:13

Jerusalem watla nani ba, king watla nani ba Juda ra, utla purara iwaia pliska nani ba, baha watla nani sut ra witin nani kîa pain nani angki kan slilma nani ra, ai gâdka nani ra yaia wain laiki kan, witin nani tânka ba luki kaikbia ba ra, Tófet wal baku tâski takan sa.’ ”

Jirimaya 19:2

Baha ningkara Ben-hinom ilka langnika ra was Dipasta Yakabaika ra, getka ba mawanra bahara naha smalkanka mai wisna na upla nani ra smalks.

Jirimaya 19:6

Baha mita yua nani balbia naha nina Tófet, Ben-hinom ilka bîla mâki ba, ban baku mâki kabia apia, sakuna wibia Upla Iki Tikan ilka bîla. Yang, Dawan, kasak aisisna.

Jirimaya 31:40

Tasba langni sut upla pruan biki ba bara yamhpuska bahara lulki ba, baku sin Cedrón langnika sut ba, baha wina Aras Lui ba durka kat, lalma tani holikira lâka ba ban bâra kabia; bara baha sut ba kli bataki sauhki sin tikan kabia apia.”

Jirimaya 7:31

Witin nani ba Ben-hinom ilka bîla ra altar kum paskan nina ba Tófet, bahara ai luhpia waitna nani ai luhpia mairin nani angkaia, witin nani ra wiras kapri baha daukaia, yang lukanki ra sin baha daukaia lukanka âpu sa.

Isikiel 6:4

Altarkam nani ba pîs ra baman daukamni man nani sakripais daukisma pliska ba, bahara kîa yamni angkisma ba. Daukamni uplikam nani ba prui banhbia aidulkam nani mawanra.

Libait Lâka 26:30

Lukras nani tempelka ba sauhki tikamni, lilka nani ba slingbamni, altarka nani wâl ba sin baiki pura paski swimna; upla pruan nani ba paski swimna, bahki ai kulkaia lâka bri ba yang tâinka marikamni;