Jirimaya 7:23 - DAWAN BÎLA AISKA

²³ Yang bui witin nani ra wîri ba lika yang bîli wali kaia bara yang lika witin nani ai Gâdka kamna, baku witin nani sin yang upliki nani kabia. Bamna yang dîa aisari ba witin nani dîa daukaia wîri ba baku dauki kaia, diara yamni witin nani takaia mata.

Jirimaya 7:23 ပူးပေါင်းရင်းမြစ်များ

Job 36:11

Bîla wali baha kat sin dauki banhbia kaka, lilia bara ai âuyapah kabia, ai yua nani kau tâka ba piua ra.

Lawana Nani 119:3

baha nani saura daukras ba; witin nani Dawan yabalka ra wapisa.

Lawana Nani 40:6

Sakripais nani brih bal maikaia ba brin mai daukras; plun nani prisantka ba sin apia; daiwan wîna aiska angki maiki ba sin brin mai daukras, upla saurka ban swih tikaia prisantka angki maiki, pura sunra ba sin apia. Baku daukaia ba swi si, man, yang kiaima sturi walaika ba ilingkram.

Lawana Nani 81:13

¡Upliki ba bîli wali daukan kan kaka! ¡Israel ba yabalki nani ba nina blikan kan kaka,

Impakan Sturka 15:26

Witin nani ra win: ‘‘Man nani ra mai wisni, aisisna na man nani aman wali brima kaka, yang, man nani Dawan Gâdkam, man nani ra mai wisni, yang yamni kaikaia brin ai dauki ba man nani daukma kaka, lâika bîla nani ba wali daukma kaka, Idsip uplika nani purara klala blikri ba klalka nani ba, man nani puramra blikamna apia. Yang sika Dawan, man nani ra sikniskam nani wina mai rakisna ba.”

Impakan Sturka 16:32

Bamna Moses win: —Naha sika Dawan adarka witin win man nani naku daukma: ‘Man nani manâ ba batil wâl banhki dauks, bara baha suni swis masrakam nani ra marikaia dukiara. Witin nani kaikbia, Idsip wina mai saki mai bri balri ba ra, twi ra plun mai dakaki kapri ba.’

Aiseya 3:10

Kasakkira nani ba, witin nani lilia pali kabia, ai mihta warkka mâ nani pibia bamna.

Jirimaya 11:4

Naha lâka ba sika yang damikam nani wal daukri, witin nani Idsip wina sakri ba piua ra, Idsip kuntrika ba lapta pali kan ayan angki slilki kubuska baku. Yang bui witin nani ra wîri: Man nani lika yang bîli wali daukma bara upliki nani kama, yang sin man nani Gâdkam kamna.

Jirimaya 11:7

Man nani damikam nani yang bui Idsip wina sakri ba ra, witin nani ra kupia krauki wîri yang ra baman bîli wali kabia, baha piua wina yang kupia krauki ban sna naha piua kat.

Jirimaya 13:11

Upla ai maisa wila ai maisa ra aubi wilki ba baku, Israel bara Juda upliki nani ba baku laima pali kat bri katna, yang upliki nani kaia, bara witin nani bui upla wala nani ra yang nini ba wiaia, yang ra pain ai kulki praina dauki uplika nani kaia. Sakuna witin nani bîli wali daukras. Yang, Dawan, kasak aisisna.

Jirimaya 22:21

Yang bui man ra aisari, man piua yamni bri kapram ba ra, sakuna man walaia apia wiram. Man wahma kapram ba yua wina baku daukisma: ¡yang bîli baikra ba lan mai daukras sa!

Jirimaya 22:3

‘Kasak lâka bara wapni lâka ba man nani naha tasbaya ra dauks, man nani tataibra nani ba mihta wina taiban uplika nani ba pri sâks, tringsar nani ba mâyara kulkpara bara sin rausauhkpara, rau nani ba bara piarka mairin nani ba sin. Upla pâtkas nani ba sin ikpara.

Jirimaya 24:7

Yang bui witin nani ra diara tânka kaikaia yabamna, bara witin nani ai kaikbia yang sika Dawan sna ba, bara witin nani upliki nani kabia, yang sin witin nani ai Gâdka kamna, kan witin nani ai kupia aiska yang ra kli tawi balbia bamna.

Jirimaya 31:33

Naha lâka sika yang daukamna ba Israel wal baha yua ra: Yang lâika witin nani kupia ra mangkamni, bara sinska ra ulbri kabia. Yang ai Gâdka kamna bara witin nani ba yang upliki kabia. Yang, Dawan, kasak aisisna.

Jirimaya 32:23

Sakuna witin nani baha kuntrika ra dimi tasbaya ba brin ba ra, man bîlam walras takan, lâ nani smalkram ba daukras, wark nani daukaia wiram ba sin daukras. Baha mita man bui witin nani ba rausauhkaia blikram.

Jirimaya 38:20

Jirimaya pana witin ra win: —Sakuna king ba baha nani mihta ra kauhbia apia. King, pliskam, Dawan aisi bîla ba, man wali dauks, yang bui man ra mai wîri ba, man ra baku yamni takbia man pruras raya kama.

Jirimaya 42:6

Dawan pana aisabia ba yang nani kupi lâka kabia, apia kra kabia sin, yang nani Dawan Gâdki bîla walamni, witin ra puram sunaia yang nani makabisna, baku yang nani ra diara sut yamni kaia dukiara.

Sofonías 3:2

Witin ba Dawan bîla baikra ba walan daukras sa, ai saurka nani wina wapni takaia sin brin daukras sa, witin ra kasak lukras kan, ai Dawanka ra plikras kan.

Sakaraya 6:15

Upla nani laih wina balbia, Dawan tempelka kli paski ba bakahnu mâkaia; bâra mika man nani kaikma Dawan, karnika sut alki bri ba, ai blikan ba. Naha ban takbia, man nani bui Dawan Gâdkam bîla baikra wali ai bîla wali daukma ba ra.

Sakaraya 7:7

¿Naha pali bîla nani na apia, patitara prapitka nani kan ba mita, aisi kan ba, Jerusalem ra upla ailal ai âuyapah iwi kan ba piua ra, tawan nani ai tnaya kir ba sin, Négueb tawanka nani ra, tawan lupia nani ra upla ailal iwi kan ba piua ra?

Roman 16:26

sakuna nanara baha tânka ba param marikan sa prapit nani bâk Ulbanka mita, Gâd ban rayakira adarka ba kat. Naha dahra yukukan kan tânka na nisan sut ra param marikan sa, kasak lukbia bara bîla kat wali daukbia.

2 Korint 10:5

Baku bamna, dahra kwakwahkra nani, wan mapara babura nani bara ai prautka lâka ra Gâd tânka kaikaia wina wan takaski nani ba sut, yang nani mita bataki banhwisna. Wan wîna sinska lâka ba sut Kraist mihta ra mangkisna, witinka ba bîla wali daukbia dukiara,

Kli Smalkanka 11:27

Yamni ba brima, Dawan Gâd bîla wali ai lâka nani naiwa maikri ba kat daukma kaka.

Kli Smalkanka 13:4

Dawan Gâdkam ra baman mayuni asla witin ra iwi, ai nina bliki bas.

Kli Smalkanka 13:5

Bara baha prapitka, apia kaka yapi kakairika ba pât ra lakan kabia, Dawan mapara buaia mai smalkan bamna, witin bui Idsip ra alba ra mai dingkan kan wina pri mai sakan ba, bara Dawan Gâd mita yabal nani mamriki adar maikan, baha nani wina tnaya ra tawaia. Baku lika saura lâka man nani tilamra ba, âpu daukan kabia.

Kli Smalkanka 30:2

Bara Dawan ra kli tawi balma kupiam wina, sulkam wina. Ai kupia lâka nani ba daukma, man nani bara man nani luhpiam nani sin, naiwa yang adar maikisna baku.

Kli Smalkanka 30:20

Dawan Gâdkam ra man nani latwan kaiki bas, bîla wali dauki kasak bas, kan man nani rayakam ba witin wina sa bamna. Bara mani ailal baha kuntrika ra iwma, damikam nani ra Dawan Ebraham ra, Aisak ra bara Jekob ra yabaia win ba.”

Kli Smalkanka 30:8

Bara man nani lika Dawan ra kli tawi bal ai bîla walma, bara ai lâka bîla nani naiwa yang maikisna na trai kaikma.

Kli Smalkanka 4:10

“Man nani Horeb ilka ra, Dawan Gâd lamara kapram ba piua ra, Dawan bui ai win: ‘Upla nani ba asla dauks bara yang bîli aisari ba wali, yang ra maiyuni kaia lan takbia, ai yua nani sut ra; ai luhpia nani ra sin smalkbia baha dauki kaia ba.’

Kli Smalkanka 4:40

Ai lâka bîla nani naiwa maikisna na, man nani dauks, bara yamni kama, kiamkam nani ra sin. Dawan Gâd bui kuntrikam ban kaia ra maikuya ba ra pruras mani ailal raya banhwi kama.”

Kli Smalkanka 5:16

‘Man aisikam bara man yaptikam sin pain kulki bas, Dawan Gâdkam adarka mai win ba baku. Baku man piuam yari bri kama, bara diara sut man ra yamni takbia Dawan Gâdkam wina maikuya ba tasbaya ra.

Kli Smalkanka 5:29

Aitani kabia baku natka ra ban luki kaia, bara ai kulki lâika bîla nani sin yu bani ra ban bri kaia. Witin nani ai rayaka, ai luhpia nani rayaka sin yamni bribia.

Kli Smalkanka 5:33

Dawan Gâdkam yabal mamrikan ba baha nina blîks, yamni wama dukiara, mani ailal sin raya kama tasba man dukiam maikaia win ba ra.

Kli Smalkanka 6:3

Baku bamna, Israel luhpia nani, trai kaiks bara baku lika yamni wama bara upla ailal takma, baha tasbaya nasma bara tialka laya lî baku aubi ba, almukkam nani ra Dawan Gâdkam pramis munan ba.

Hibru Nani 5:9

Witinka ra aiska aihwa daukan kan ba ra, witin ba ban kaia ra swaki sakan lâka kârma laya takan, ai bîla wali dauki nani sut dukiara;

1 Samuil 15:22

Bara Samuil bila win: “Dawan kau kanra yamni kaiki ba sika, witin ai bîla wali daukaia ba, daiwan wîna aiska angki sakripais nani dauki yaia ba lika apia; kanra yamni, witin ai bîla wali daukaia bara witin ra aman walaia, sîp wîna batanka nani bara sakripaiska nani dauki, prisantka nani yaia ba wal.