Jirimaya 6:19 - DAWAN BÎLA AISKA

¹⁹ Tasba, wals: Naha uplika nani ra sauhkaia ba bri balaisna watawika nani daukaia luki daukan ba mana; yang bîli nani aisin ba witin nani baha walras, yang smalkanki nani ba witin kau saura ni kulkan.

Jirimaya 6:19 ပူးပေါင်းရင်းမြစ်များ

Sins Lâka 15:26

Upla saurakira luki paskan tânka nani ba, Dawan mita saura pali kaikisa, sakuna ai uplika sunukira bîla tâski âpu aisi ba lika, yamni kaikisa.

Sins Lâka 28:9

Ya Gâd ra lâ walaia apia wisi ai kiama laki ba, Gâd sin witin ai pura sunra ba saura pali kulkan sa.

Aiseya 1:2

Kasbrika pura bara tasba, man nani aman wali bas, Dawan aisi ba: “Luhpa nani pakri, witin nani sut tara sakri, bara witin nani ba yang maipara buan.

Aiseya 5:24

Baha ba mita, dipasta lâwan pauta mita angki ba baku, pauta klauhan mita wahia lâwan nani angki ba baku, man nani sin baku tanis tiwma, dus wakia nani sukwi ba baku tangnika yamhpus taki ba baku. Kan witin karnika sut bri Dawanka lâka ba lulkram bamna, Israel Gâdka holikira ba.

Aiseya 59:7

ai mina nani ba saura ra plapisa, aihni taukisa tala pâtkas ba laikaia dukiara. Ai lukanka ba upla ikaia baman lukisa, bara yabal ra lui auya ba, sauhki tikaia, bara kriki tikaia lâka nani man sa.

Aiseya 66:18

Kan yang kaikisna, witin nani ai warkka ba; bara ai kupia lukanka nani ba sin. “Bara baha piua ra, yang balamna upla nani sut, twisa sâtka nani aisi ba, nisan nani ba asla daukaia; witin nani balbia, bara yang praina ba witin nani kaikbia.

Jirimaya 11:11

Baha tâwan pât tara kum yang bui witin nani ra blikamna, baha wina sip swak takbia apia. Nahki kat witin nani bui yang ra hilp makabi ai winbia, sakuna yang lika witin nani ra walamna apia. Yang, Dawan, kasak aisisna.

Jirimaya 15:6

Man bui yang ra ai swiram, ninam ba yang ra lakram. Yang, Dawan, kasak aisisna. Baha mita yang, kupi alki takaski ban swapri, bara mihti bukri klala maikaia, bara mai sauhkri.

Jirimaya 17:10

Yang, Dawan, upla kupia tânka pliki kaikisna, bara lukanka nani ba tihuka ra kaikisna; witin nani dîa briaia aitani ba kat kumi bani ra mana yabisna.”

Jirimaya 19:15

“Karnika sut bri Dawanka, Israel Gâdka ba, aisisa: ‘Naha tawanka tara ra yang klala yabia aisari ba daukaia, tawan nani witin ai lamara nani ba sut blikaisna klala yabia, kan witin nani lal karna takan yang aisari ba wali daukras kan bamna.’ ”

Jirimaya 19:3

Wis: ‘Juda kingka nani Jerusalem ra iwi uplika nani, Dawan karnika sut bri ba, Israel Gâdka, smalkanka na man nani wals: Pât tara kum naha tasbaya ra blikaisna, baha sturka walbia uplika nani sut ba sinska lap tiwbia.

Jirimaya 21:14

Yang bui man nani ra klala maikamna dîa daukisma ba praiska kat; dus nani pâwan ba angkamni, bara baha tani ai lamara ba ra sut angkbia. Yang, Dawan, baha kasak aisisni.’ ”

Jirimaya 22:29

¡Tasba, tasba, tasba; Dawan aisi bîla ba wals!

Jirimaya 29:19

Baku takbia, kan witin nani ra kupia krauki smalkri yang warkki dadaukra nani dahra aisin ba witin nani walras kan bamna, witin nani ba blikri bara kli blikri, witin nani ra walras kan sakuna. Yang, Dawan, kasak aisisna.

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Jirimaya 4:16

“Nisan nani ra Jerusalem ra sin maisa paks laih tasba wala kum wina waihla nani ba aidrubi aula Juda tawanka nani mapara aiklabaia bara pura winanka nani winisa.

Jirimaya 4:4

Juda Jerusalem wal uplika nani, man nani Aisa sainka bris bara Dawankam ai kulks, wal lâ daukan lâka ba kupiam ra bris; baha apia kaka, man nani daukankam saura nani ba mita, kupi baiwanka ba pauta klauhi baku mai angkbia, aswi kabia, upla kumi sin sip daskbia apia.

Jirimaya 49:37

Yang daukaisna Elam uplika nani ba witin nani ra ikaia aula ba mapara tatatwi kaia, witin nani ra sauhki tikaia blikamna, witin nani ra war blikamna bara sauhki âpu daukamni. Yang, Dawan, kasak aisisna.

Jirimaya 6:10

Bara yang pana wîri: “¿Ya yang ra ai walbia, bara witin nani ra aisamna kaka, mai sauhkanka na witin nani ra wimna kaka? Witin nani ai kiama ba prakan sa, Dawan, witin nani sip walras sa; witin nani man aisisma ba lamwaska kikisa, aisisma ba witin nani yamni kulkras.

Jirimaya 6:18

Baha mita Dawan aisisa: “Nisan nani, man nani wals, kaiki tânka bris upliki nani ra dîa takbia ba.

Jirimaya 8:5

Ban kaka, Israel, ¿man nani dîa muni ai atkram? Jerusalem, ¿dîa muni ai swih waram ban kaia ra? ¿Dîa muni maipara bûi ban sma? ¿Bara kli tawi balaia brin mai daukras ki?

Jirimaya 8:9

Sakuna baha nani sinskira puli ba swira daukan kabia, daiwan nani alkaika ra alkan sinska lap tiwi ba baku. ¿Witin sins lâka brisa aisi ba anira sa, yang bîli nani lulki swin na?

Daniel 9:11

Israel luhpia nani sut man bîlam kulkras atia takan, bara dîa lâ mangkram ba sin wali daukaia apia win; baha mita naha lahtubanka na wan purara kauhan, aikuki swer daukan ba nampakan Moses lâ wauhkataya ra ulban ba kat, ban yang nani lika man mampara saura dauki banhri.

Oseas 10:13

Sakuna man nani lika, watawika lâka mâ nani mangkram bara watawika lâka mâ nani dakbram bara man nani kunin aisaia mâ nani piram. “War waginka nani brisma bara karnikam brisma lukram ba mita war aiklaklabra ailal brisma ba ra sin,

Oseas 4:6

Yang upliki nani sip lâ tânka kaikras, baha mita baku sauhkan sa. Bara prîs man, tânka briaia lâka ba lulki swiram bamna, prîski kaia mai mangkri lâka ba wina, yang sin mai lulkisna. Gâdkam lâka smalkanka nani âmya tikisma bamna, yang sin man kiamkam nani ba âiya tikamna.

Emus 2:4

Dawan naku aisisa: “Juda uplika nani saura ailal pali daukan, bamna yang bui witin nani ba sip klala yabras ban swimna apia; kan witin nani Dawan lâka ba bahki kulkan, Dawan ai lâka daukaia yan ba witin nani brih, daukras swin, kau ni aidul nani ra mayunan, witin nani ai aisika mayunan kata aidulka nani ra.

Miqueas 1:2

Upla nani sut, naha bîla na man nani aman pali wals: Dawan ai tempelka watla sunukira ba wina, man nani mampara witnis aisabia.

Miqueas 6:2

Il tara nani, tasba playka karnika bapanka nani sin, Dawan lâ aisi dauki ba man nani wals; Dawan lika ai uplika nani mapara lâ aisi daukaia brisa, Israel mapara karna blahwaia sin brisa.

Jan 12:48

Ani uplika bahki ai kulki bara bîli nani sin wali daukras ba, ya mita pât ra lulkaia ba pat bâra sa. Bîla nani yang aisari ba mita sika tnata piua ra pât ra lulkan kabia.

Apastil Nani Sturka 8:22

Naha saurka na swi si Dawan ra puram suns, bara ban kra witin baha kupiam ra lukram ba swih tikbia.

Kli Smalkanka 30:19

Naiwa yua ra, kasbrika pura ba bara tasba ba wal man nani mamwanra witniskam bris. Raya kaia bara prura ba wal, mamwanra swisatna ani ba brima dukiara, yamnika bara lahtubanka sin. Bamna bris rayaka ba man nani raya kaia dukiara bara kiamkam nani sin.

Kli Smalkanka 32:1

“Kasbrika purara, wals yang aisuna na; tasba, yang aisinki na wals.

Kli Smalkanka 4:26

Yang naiwa kasbrika purara bara tasba ra sin witniski brisni, Jordan baila wala kuntrika ra dimma ba ra man nani pat pali pruma. Baha tasbaya ra piua wihka raya kama apia, sakuna âpu pali mai daukbia.

1 Samuil 15:23

Witin mapara bûi uplika nani ba saura daukisa, sim sukia yapi kakaira nani saurka ba wal kumi sa; diara lilka daukan nani ra ai pura suni ba saurka wal sin kumi sa, baha uplika witin ra ai bîla wali daukras saurka ba. Man bui witin ai lâka bîla nani lulki swiram ba mita, nanara witin sin man king kaia ba wina mai sakisa.”

1 Samuil 15:26

Samuil pana win: —Yang lika man wal kli tawi wamna apia, kan man Dawan adarka bîla nani ba bahki kulkram, bamna nanara witin mita sin Israel king lâka wina bahki mai kulkisa.