Jirimaya 6:18 - DAWAN BÎLA AISKA

¹⁸ Baha mita Dawan aisisa: “Nisan nani, man nani wals, kaiki tânka bris upliki nani ra dîa takbia ba.

Jirimaya 6:18 ပူးပေါင်းရင်းမြစ်များ

Aiseya 5:3

Jerusalem ra bara Juda ra iwi uplika nani, nanara man nani lâ dauks ya pât bri ba, wainki nasla ba pâtkira sa, apia kaka yang.

Jirimaya 31:10

“Nisan nani, Dawan bîla ba wals maisa paks laih kabu un ra iwi nani ra: ‘Dawan ba Israel ra yakabi aihka sakan, sakuna asla daukan kabia bara main kaikan kabia, sepad ai sîpka main kaiki baku.’

Jirimaya 4:10

Bara yang wîri: “¡Alai, Dawan, nahki man Jerusalem uplika nani ra baku kunin munram! Kupia kumi lâka man bui witin nani ra yabaia wiram, sakuna witin nani skiru kum lika ai nana ra mangkan sa.”

Jirimaya 4:16

“Nisan nani ra Jerusalem ra sin maisa paks laih tasba wala kum wina waihla nani ba aidrubi aula Juda tawanka nani mapara aiklabaia bara pura winanka nani winisa.

Jirimaya 6:17

Dawan mita tawan ra aihwawakra nani ba swin, bara upla nani ra win: “Winanka daukuya binka ba man nani wals.” Sakuna upla nani ba win: “Apia, yang nani baha daukamna apia.”

Jirimaya 6:19

Tasba, wals: Naha uplika nani ra sauhkaia ba bri balaisna watawika nani daukaia luki daukan ba mana; yang bîli nani aisin ba witin nani baha walras, yang smalkanki nani ba witin kau saura ni kulkan.

Miqueas 6:5

Nanara, upliki nani, naha na âmya ra bri bas: Moab kingka Balac, man nani ra daukaia luki kan ba, bara Beor luhpia Balaam sin pana aisin ba. Âmya ra sin luki bas, Sitim wina Guilgal kat impaki kapram yabalka ra diara nani takan ba tilara yang bui man nani dukiamra daukri ba kupiam krauki bas.”