Jirimaya 6:12 - DAWAN BÎLA AISKA

¹² Watla nani ba, nasla nani ba, maya mairin nani ba upla wala nani bribia. Kan yang mihti bukamna baha kuntri ra iwi nani ba klala yabaia. Yang, Dawan, kasak aisisna.

Jirimaya 6:12 ပူးပေါင်းရင်းမြစ်များ

1 Kronikas 21:16

Debit ai nakra purara bukan ba ra, kaikan Gâd insalka ba kasbrika purara tasba ra wâl lila kat bûi kan, ai sordka ba ai mihta ra buki, Jerusalem pura kat mangki bri kan. Bamna Debit almuk nani aikuki, ai prâka almuk nani dimi ai lal tasba kat makupan.

Aiseya 10:4

Witin nani bahki mai kulkbia bara silak ra mai mangkaia mai brih wabia, pruan ba nani tilara ikan kabia. Baha sut daukan kabia, ban sakuna, Dawan ai kupia baiwanka ba takaskbia apia; ai mihta bukan ba ban sa.

Aiseya 5:25

Baha ba tâwan, Dawan kupia baiwanka ba ai uplika nani mapara sakan bara witin nani mapara ai mihta sakban bara klala yan. Il nani ba tatatban, ai pruanka nani ba dipasta baku yabal lila kat lulki swin. Sakuna baha sut ba mita, ai kupia baiwanka kau takaskras kan; ai mihta ba kau ban sakbi brisa.

Aiseya 9:12

Lalma wina Siria uplika nani, muna wina filisteo nani balbia Israel luhpia nani ba ai bîla banhki langki pibia. Baha sut daukan kabia ba wal sin Dawan ai kupia baiwanka ba kau takaskras; witin kau ban baha nani tayahki kabia.

Aiseya 9:17

Baha ba mita sika, Dawan ba wahma, tiara, rau bara sin piarka nani ra umpira kaikras kan ba. Witin nani sut ba, kuninkira, saura dadaukra, bîla tanis nani baman aisi uplika kan. Baha sut daukan, sakuna Dawan kupia baiwanka ba dasras kan; ai mihta bukan ba ban sa.

Aiseya 9:21

Manasés mita Efraín ra sauhki tikisa, Efraín mita Manasés ra, bara wâlsut Juda mapara buisa. Ban sakuna baha sut ba mita Dawan kupia baiwanka ba takaskbia apia, ai mihta bukan ba ban sa.

Jirimaya 15:6

Man bui yang ra ai swiram, ninam ba yang ra lakram. Yang, Dawan, kasak aisisna. Baha mita yang, kupi alki takaski ban swapri, bara mihti bukri klala maikaia, bara mai sauhkri.

Jirimaya 21:5

Bara yang bui man nani mampara aiklabamna, karniki ba kupi baiwan laptika tara ba param sakamna.

Jirimaya 38:22

mairin nani sut Juda kingka watla ra kan ba Babilon wina aiklaklabra wihtka nani ba bal saki brih wan kabia, bara mairka nani ba naku aisi kabia: ‘King ai uplika nani kau pain bri kan ba mita tawi kunin muni pura luan; mina ba drapapa kat dingkaia dauki si ai nina tawi mahka wan.’

Jirimaya 38:23

Jirimaya kau ban king ra aisi kan: —Mairin nani ba sut, king luhpia waitna nani ba sut Caldea uplika nani mihta ra aimakbia, king baha nani mihta wina swak takbia apia, Babilon kingka mihta ra mangkan kabia, bara tawan ba angkan kabia.

Jirimaya 7:20

Bahamna, yang Dawan ba kasak mai wisni yang lawanki ba naha tawanka nani purara, uplika nani ba purara, daiwan nani ba purara, dus nani pâwi ba purara bara insla mâ nani dâki ba baha nani sut purara blikamna. Impiara ami ba baku ami ban dasras kabia.”

Jirimaya 8:10

Baha tâwan mairkam nani ba waitna wala nani ra yabaisna, tasbayam nani ba sin upla wala nani baha dawanka aimakbia. Kan upla almuk nani ba, tuktan nani bara upla sut, saura dauki wina baman lalah briaia lukisa; prapit nani ba, prîs nani ba sin sut upla ra taibi lalahka dakbaia warkka daukisa.

Inanka Nani 2:8

Dawan ai kupia wal daukan Saion kutbanka painkira ba sauhki tikaia. Nahki sauhkaia ba laki kaikan ningkara, baha ba daukan tnata alkan ba kat. Tawan tnaya nani bara kutbanka nani ba, witin mita sari lâka tara ra lakan, baha nani sut ba asla kumi baku batakan.

Inanka Nani 3:3

kasak pali witin ba yang maipara tawan sa, bara kli kli sin ai mihta ba, yang maipara lakisa yu aiska ra.

Inanka Nani 5:11

Saion bara Juda tawanka nani ra mairin bara tuktan mairin nani ba, bahki kulkan kan.

Inanka Nani 5:2

Duki nani sut upla sât wala nani mihta ra tawan sa, waitla nani sut ba tasba wala uplika nani baman bal brin sa.

Inanka Nani 5:3

Yang nani rau takri, aisikas; yaptiki nani sut piarka nani baman takan sa.

Isikiel 35:3

Bara wis: ‘Naku wisa Dawan ba: Yang waihlam takisni, Seír ilka, bara klala maikisna upla iwras tasbaya ra sauhki tikan ba baku.

Isikiel 7:24

Yang mita yabrika upla tahplu nani balbia bara tawan watla nani dawanka takbia. Karnira prautka lâka nani ba danh daukamni; yabrika pliskam holikira nani ba tâski daukan kabia.

Miqueas 2:4

Baha piua ra, upla nani bui man nani ra lawana ulbi aiwanan kabia, yahwi inanka baku. Mai wi banhbia: ‘Yawan na aiska pali wan sauhki tikan sa; Dawan bui wan tasbaya wankan kan ba, witin ai prapatika, wan mihta wina dakbi brin, upla kum sin bûi tâwan aisaras kan; bara alba wan bri uplika nani tilara wan tasbaya nani ba yui yan.’ ”

Sofonías 1:13

Baha mita sika, ai dukia kukanka nani ba wal brih wabia, ai watla nani ba sin slingban kabia. Ai watla nani lika mâkbia, sakuna bahara iwbia apia; wain nasla nani sin daukbia apia, bara sin dibia apia.”

Sofonías 1:4

“Juda uplika nani mapara yang mihti sakbamni, Jerusalem ra iwi nani ba mapara sin. Baal gâdka kuninkira ba naha tasbaya wina diki sakamni, bara ai prîska nani nina ba sin.