Jirimaya 6:10 - DAWAN BÎLA AISKA

¹⁰ Bara yang pana wîri: “¿Ya yang ra ai walbia, bara witin nani ra aisamna kaka, mai sauhkanka na witin nani ra wimna kaka? Witin nani ai kiama ba prakan sa, Dawan, witin nani sip walras sa; witin nani man aisisma ba lamwaska kikisa, aisisma ba witin nani yamni kulkras.

Jirimaya 6:10 ပူးပေါင်းရင်းမြစ်များ

Lawana Nani 1:2

Sakuna witin Dawan lâka ra ai latwanka lâka ba brisa; bara baha lâka dukiara kakna ra bara tihmia ra sin ai kupia wal aisisa.

Lawana Nani 119:16

Man lâmka nani ba wal lilia takamna, bara man bîlam ba âiya lap tiwbia apia.

Lawana Nani 119:174

Dawan, ¡swaki ai sâkma brinki sa, yang yamni lilia daira walisna!

Lawana Nani 119:24

Yang lika man lâmka bîla nani wal lilia sna; baha nani sika yang ra lâ mairiki ba.

Lawana Nani 119:35

Man lâmka nani yabalka bâk ai brih was kan baha yang liliaki sa bamna.

Lawana Nani 119:70

Witin nani ai sinska ba sriman, sakuna yang lika lâmka smalkanka ba wal lilia takisna.

Lawana Nani 119:77

Man lamtwanka ba ai mariks bara tasba ra iwi kaia, yang lilia daira walisna man smalkankam nani ba wal.

Lawana Nani 40:8

Yang Dawanki, man kupiam lâka daukaia ba yang liliaki sa, ¡lâmka bîla smalkanka nani ba, yang lukanki ra mangki brih taukisni!

Impakan Sturka 6:12

Ban sakuna, Moses pana Dawan ra win: —Israel luhpia nani pali sin yang bîli walras sa; ¿bara nahki king fero lika yang bîli walbia, yang aisaia kat sin sip pain aisaras sna na?

Aiseya 42:20

Witin diara manis kaikisa, sakuna tânka nani ba kat sip alkras; binka nani ba walisa, sakuna tânka ba sip briras.

Aiseya 53:1

¿Ya kasak lukbia yawan dîa wali ba? ¿Bara ya purara Dawan ba ai karnika ba param sakan sa ki?

Jirimaya 35:13

“Yang, Dawan karnika sut brisna, Israel Gâdka, yang bui man mai blikisna Juda uplika nani ra, Jerusalem uplika nani ra was bara wis: ‘Yang mai smalkisna ba man nani lan taks, adarki nani maikisna ba man nani bîli wali dauks. Yang, Dawan, mai wisni.

Jirimaya 4:4

Juda Jerusalem wal uplika nani, man nani Aisa sainka bris bara Dawankam ai kulks, wal lâ daukan lâka ba kupiam ra bris; baha apia kaka, man nani daukankam saura nani ba mita, kupi baiwanka ba pauta klauhi baku mai angkbia, aswi kabia, upla kumi sin sip daskbia apia.

Jirimaya 5:21

‘Tanis lamla karna takan uplika, man nani naha wals, namkra brisma sakuna kaikras, kiamam brisma sakuna walras sma ba.

Jirimaya 7:13

Bara ban kra yang bui man nani ra kli kli pat kupiam krauki daukankam ba dukiara, sakuna man nani bîli wali daukaia apia wiram, uni kahbaia pan sakuna man nani baha sin daukras. Yang Dawan, baha kasak aisisna.

Jirimaya 7:26

Sakuna man nani bui yang bîli wali daukaia apia wiram, uni sin kahbras, almukkam nani ba wal man nani kau kiamam karna takan.

Jirimaya 9:26

Idsip uplika nani, Juda, Edom, Amón, Moab uplika nani sin, bara upla iwras tasbaya nani ra iwi ba sin, witin nani ai tâwa irbisa. Sakuna baha uplika nani sut Israel luhpia nani ba sin, kupia lukanka nani ba lika idan baman sa.”

Isikiel 3:7

Sakuna Israel luhpia nani mai walan daukras kabia, kan Israel luhpia nani yang aisisna ba walan daukras kan. Witin nani sut ba brabrukra sa bara lal sin karna.

Isikiel 33:3

Bara aihwawakra ba, suldiar ai waihla nani ba tawan lamara aula ba ra, trumpit ba puhbisa upla ra kaina manis maisa pakaia dukiara.

Isikiel 33:9

Sakuna man natka wala ra, saurakira ra maisa pakma kaka ai rayaka ba natka wala ra lakaia, bara witin daukras sa kaka, witin prubia ai saurka mita prubia, kuna man swaki sâkma rayakam ba.

Emus 7:10

Amasías, Betel ra prîs aimaki kan ba, Israel kingka Jeroboam ra maisa paki wisa: “Israel tasbaya aiska ra, Emus king tara ba mampara warbanka nani daukisa; upla nani lukanka ba sut saura takisa, bara ban ai kainara aisi auya.

Matiu 3:7

Sakuna Jan kaikan parisi nani, sadiusi nani sin ailal tahbi daukbia wisi balan, bara witin bila: “¡Piuta kiamka nani! ¿Ya mita man nani ra maisam pakan pât tara wan lamara aula ba wina plapi swakwaia?

Luk 11:45

Lâ Smasmalkra kum pana win: —Smasmalkra, man naha aisisma na wal yang nani ra sin swiri daukisma.

Luk 20:19

Baha sim piua ra, prîs wihtka nani bara Lâ Smasmalkra nani mita Jisas ra alkaia luki kan, witin nani kaikan baha maprika lilka aisin ba lika witin nani ai mapara kata, sakuna upla nani ra sibrin luki banhwi kan.

Jan 7:7

Tasba uplika nani man nani ra sip misbara mai kaikras sa, sakuna yang ra lika misbara ai kaikisa, kan yang lika witin nani diara saura nani dauki ba witniska sna.

Jan 9:40

Bara parisi kum kum witin wal banhwi kan ba naha walan ba ra, makabi wali banhwan: —¿Dîa yang nani na sin naikra aisawan sa ki?

Apastil Nani Sturka 7:51

“Sakuna —Stiben lika ban aisi wi kan— man nani lika piua bani kupiam karna brisma. Man nani kiamam nani bara kupiam sin brisma, sim baha nani Gâd kakaira apia uplika nani ba baku, piua bani Spirit Holikira mapara. Man nani lika damikam nani wal baku pali sma.

Apastil Nani Sturka 7:60

Baha ningkara, witin ai lula kriki ai bîla baikra karna wini aisin: “¡Dawan, naha saurka na witin nani ra kulkpara!” Bara naha aisin ningkara, pruan.

Roman 7:22

Kupi munhtara lika, Gâd lâka ba yamni kaikisna,

Kli Smalkanka 29:4

Sakuna nanara kat sin, Dawan mita maikras sa kupiam ra, bara sinskam ra baha tânka nani ba luki pliki kaikaia.

Kolosi 1:28

Yang nani Kraist dukiara smalkisna, upla nani sut ra kupia krauki smalki banhwisna sins tânka manis ra baku dauki Kraist ra kasak wapni brih waia dukiara.

2 Timoti 4:3

Kan piu kum balbia ba ra upla nani ba smalkanka yamni ba kau lika walan daukbia apia, sakuna ai brinka karna nani nina blîkbia, bara smasmalkra ailal pliki bribia, witin nani dîa walaia want ba baman baha nani mita smalkbia dukiara.

Hibru Nani 11:7

Kasak lukan lâka mita, Noa ba diara nani naika takaia kan ba kaikras kan sakuna, Gâd mita smalki win ba ra, witin lika Gâd bîla kat wali, ark watla ba paskan ai watla uplika nani swaki sakaia dukiara. Kasak lukan lâka bri kan ba mita, tasba uplika nani ba Noa bui pât ra dingkan, bara kasakka lâka kasak lukan lâka wina taki ba, witin ba Gâd wina brin.