Jirimaya 52:7 - DAWAN BÎLA AISKA

⁷ Caldea uplika nani tawan ba kutbi bri kan, sakuna witin nani tawan kutbanka walpaya bâk unta kum daukan, bara king, suldiar nani ba aikuki tihmia ra bahak taki wan. Bara king giadinka yabalka bâk wan tawan kutbanka wâl ba lilak get bâk lui, Jordan ra waia ilka bîla yabalka ba ra aimakan.

Jirimaya 52:7 ပူးပေါင်းရင်းမြစ်များ

2 King Nani 25:4

Bara kutbanka ba ra unta kumi klauhbi war aiklaklabra nani ba sut taki plapan. Yabal dimaika kutbanka wâl bâk witin nani taki plapan tihmia ra, naha ba king watla latka lama kat kan. Caldea uplika nani ba lika tawan ba ban kutbi bri kan, bara aiklaklabra nani ba Jordan ilka bîla tani ra impakan.

Jirimaya 34:22

Witin nani ba blikaisna naha tawanka na mapara bal aiklabaia, tawanka na bribia bara pauta ni angkbia. Juda tawanka wala nani ba sin upla iwras tasbaya daukamna. Yang, Dawan, baha kasak aisisna.”

Jirimaya 39:2

Baha wina mani wâl luan, 11 mani aimakan ra baha manka ra kati walhwal, yua 9 ra Sedequías waihla nani ba tawan ra diman,

Jirimaya 49:26

Baha yua wahma nani ba yabal ra prawi kabia, aiklaklabra nani bri ba sut pruan kabia. Yang, Dawan ba karnika sut brisna, kasak aisisni.

Jirimaya 51:32

Awalak plapi luaia yabalka nani ba waihla nani brin, bahara dimi aiklabaia watla nani ba angkan, suldiar nani ba sibrin tara daukisa.

Jirimaya 6:5

¡Bamna kaisa yawan tihmia ra aiklabaia bara tawerka nani ba slingbia!”

Isikiel 12:12

Wihta witin nani bri ba ai dukia nani ba ai pahpaya ra suni, tihmia tilara ai uplika nani aikuki, tawan kutbanka ra unta kum witin nani mita dauki bahak ai mawan praki taki wabia, upla kumi sin kaikbia apia, witin sin kaikbia apia ani kuntrika ra auya sapa.

Isikiel 12:4

Baku upla sut mai kaiki kaka kakna dukiam nani ba sâkma bara mai kangban tasba wala ra auma baku; bara tutni piua ra sin upla mai kaiki kaka taki was tasba wala ra auma baku.

Isikiel 33:21

Yang nani tasba wala ra ai brih wan ba wina mani 12 alkan, baha manka ra kati matawalsip bara yua matsip aimakan ba ra, Jerusalem wina waitna kum plapan kan ba balan bara ai win tawan ba waihla mihta ra kauhan.

Libait Lâka 26:17

Yang lika man nani mampara takamna, bara waihlam nani ba mita puram lubia, misbara mai kaiki nani ba mita mai taibi kabia, upla ninam blikras man yakan plapi kama.

Libait Lâka 26:36

“Man nani an kra waihlam nani tasbaya ra kau raya bâra kama ba, siarangkira mai daukamni bara dus wahia kauhi ba wali plapi kama. Man nani lukma waihlam ninam blikisa, kuna upla ninam blikras kabia;

Emus 4:3

Man nani tawan tnaya kutbanka ra unta daukan nani bâk, lainkam ra taki wama, bara Hermón ilka ra mai bri si dingkan kabia.” Dawan baku kasak aisisa.

Kli Smalkanka 28:25

bara waihlam nani bui mai taibia. Witin nani mapara asla taki dimi wama, sakuna aslika ba slingwi witin nani sîa yakabrira baman plapma, bara man tamka mita tasba kingka nani sut mai kaiki kabia ba sirang iwi kabia.

Kli Smalkanka 32:30

¿Nahki muni kumi ba mita 1,000 ba munan plapan? ¿Nahki muni wâl ba mita 10,000 ba yaban plapan? Kan Dawan baman witin nani kaina kakahbra ba, witin luki kaikan baha nani ba waihla mihta ra mangkaia.