Jirimaya 52:26 - DAWAN BÎLA AISKA

^26-27 Nebuzaradán naha uplika nani sut ba Babilon kingka ra brih wan Riblá ra, baha lika Hamat tasbaya ra. Bara Riblá kat Babilon kingka lâ ba dauki uplika nani ba bâra ikan. Baku dauki, Juda uplika nani ba priski tasba wala ra brih wan.

Jirimaya 52:26 ပူးပေါင်းရင်းမြစ်များ

2 King Nani 23:33

Bara king fero Idsip kingka Necao mita, Riblá Hamat tasbaika ba kat alki, silak ra mangkan, ban kra Jerusalem ra king aimakbia kra sîa, bara ai tasbaya ba ra taibi munan lal mana silbar mâ 7,500 paun bara gul 75 paun aibapan.

2 King Nani 25:20

Naha nani sika Nebuzaradán mita alki Babilon kingka Riblá ra brih wan, Hamat tasbaya ra. Bahara Babilon king mita adar yaban sut ikbia. Baku sika Juda uplika nani ra alba lâka ra bri kan, ai tasbaya ba wina saki muni.

2 King Nani 25:8

Nabucodonosor Babilon kingka ba ai kingka lâka ra iwan pat 19 mani, kati matsip bara lapta 7 alkan ba ra, Nebuzaradán king watla wihtka ba, aiklaklabra kamandantika kan ba, Jerusalem ra wan, bara

Jirimaya 39:5

Sakuna Caldea uplika suldiarka nani ba witin nani nina bliki, Jeriko tasbaya langnika ba kat Sedequías alkan, Riblá ra brih wan Nabucodonosor ra yaia, baha sika Hamat tasbaya ra. Bara bahara Nabucodonosor lâ daukan: Sedequías kaiki kan luhpia waitna nani ba nana dakbi ikan, Juda wihta tara nani ba sin baku ikan.

Jirimaya 39:9

Baha ningkara, Nebuzaradán king watla ra aihwawakra nani kamandantika ba mita, tawan uplika nani ba, wala nani sin Caldea uplika nani tilara kan ba, bara baku sin upla sut ba tasbaya wina saki Babilon ra brih wan.

Kulki Kaikanka 34:11

bara Sefam wina Riblá kat, Ain lalmika tani ra; baha wina piarkika ban lui auya Quinéret lakunka lalmika kat,