Jirimaya 52:13 - DAWAN BÎLA AISKA

¹³ tempel ba angkan, king watla ba bara tawan ra utla nani ba, baku sin upla tara nani watla sin angkan,

Jirimaya 52:13 ပူးပေါင်းရင်းမြစ်များ

1 King Nani 9:8

Bara naha tempelka na sauhki tikanka tara kabia, bara upla nani bui wih kaiki tâ iwi bara lawaska kiki wibia, dîa muni Dawan naku pali naha tasbaya ra daukan bara naha watla ra sin.

2 King Nani 25:9

Dawan tempelka ba, king watla ba, Jerusalem uplika nani watla aiska ba, baha sut purkara wihta tara nani watla ba aiska pali angkan luan.

2 Kronikas 36:19

Baha purkara Gâd tempelka ba angkan, Jerusalem kutbanka nani kan ba slingban, king watla nani ra sin pauta angkan, bara diara manakira nani kan ba sut sauhki tikan.

Lawana Nani 79:1

¡Man Gâd, diara nani bri katma sut idan nani dakbi brin! Tempelkam holi ba tâski dauki banhwan bara Jerusalem sut sauhki tikan.

Jirimaya 19:13

Jerusalem watla nani ba, king watla nani ba Juda ra, utla purara iwaia pliska nani ba, baha watla nani sut ra witin nani kîa pain nani angki kan slilma nani ra, ai gâdka nani ra yaia wain laiki kan, witin nani tânka ba luki kaikbia ba ra, Tófet wal baku tâski takan sa.’ ”

Jirimaya 21:10

Yang pat luki kaikri naha tawanka na purara saura ba briaia. Babilon kingka ba mihta ra mangkaia, bara witin mita pauta ba mukbia. Yang, Dawan, kasak aisisna.

Jirimaya 21:14

Yang bui man nani ra klala maikamna dîa daukisma ba praiska kat; dus nani pâwan ba angkamni, bara baha tani ai lamara ba ra sut angkbia. Yang, Dawan, baha kasak aisisni.’ ”

Jirimaya 22:14

Man aisisma: ‘Yang waitla tara pali aihwa kum mâkaisna, rum bîla tarka tara nani paskamna pura rumka ra.’ Windar nani sin paskisma, tnaya ba yalam tatka sabisma, prâka pauni dingkisma.

Jirimaya 32:29

Baha Caldea uplika nani latara bâra ba tawan ra dimbia bara pauta ni tawan ba angkbia; utla nani utla bahna ra mâkan nani ba sin angkbia yang ra kupi baikbia, witin nani Baal ra, kakaira apia gâdka nani ra sakripais kîa pain nani angki, wain yabi dauki kan.

Jirimaya 34:22

Witin nani ba blikaisna naha tawanka na mapara bal aiklabaia, tawanka na bribia bara pauta ni angkbia. Juda tawanka wala nani ba sin upla iwras tasbaya daukamna. Yang, Dawan, baha kasak aisisna.”

Jirimaya 38:23

Jirimaya kau ban king ra aisi kan: —Mairin nani ba sut, king luhpia waitna nani ba sut Caldea uplika nani mihta ra aimakbia, king baha nani mihta wina swak takbia apia, Babilon kingka mihta ra mangkan kabia, bara tawan ba angkan kabia.

Jirimaya 6:5

¡Bamna kaisa yawan tihmia ra aiklabaia bara tawerka nani ba slingbia!”

Jirimaya 7:14

Baha mita, yang pliski holikira Siló ra dîa munatna ba baku, naha tempelka mâki aikan na ra sin daukamna, naha tempelka man nani ra maikri na baha damikam nani ra yabri ba, man nani bahara kasak lukisma ba.

Inanka Nani 2:5

Dawan ba waihla kum baku takan sa: witin bui Israel aiska ba sauhki tikan; ai wihtka tara watla nani sut sauhki âpu tikan, ai kan kahbaika pliska nani sut batakan, bara sarka lâka, inaia lâka ba kau ailal daukan sa Juda luhpia mairin tilara.

Inanka Nani 2:6

Witin âimplikra baku, Dawan wal prawaia watla ra diman, bara asla takaia pliska kata ba sut sauhki tikan sa; lilia dauki yua tara nani, bara ris yua nani sin sut Dawan mita yaban âuya tiwan, bara ai kupia baiwanka laptika ba mita prîs ba bara king ba wal ra lulki swin.

Inanka Nani 2:7

Dawan mita ai altarka ba bahki kulkan bara Dawan wal prawaia watla ba sut tikan; bara kutbanka tara kata ba sut, witin bui waihla nani mihta ra mangkan. ¡Ini yahwi binka tara kum sin takisa Dawan tempelka ra, liliaka yua tara kum ra baku!

Inanka Nani 2:8

Dawan ai kupia wal daukan Saion kutbanka painkira ba sauhki tikaia. Nahki sauhkaia ba laki kaikan ningkara, baha ba daukan tnata alkan ba kat. Tawan tnaya nani bara kutbanka nani ba, witin mita sari lâka tara ra lakan, baha nani sut ba asla kumi baku batakan.

Isikiel 16:41

Wamtla nani ba pauta ni angkbia bara mairin ailal mawanra lâmka daukan kabia. Urkam lâka ba tnata mangkamna, bara kau lilam nani mana aibapma apia.

Isikiel 24:21

‘Israel luhpia nani ra wis: Dawan ba naku wisa: Tempelki ba tâski daukamni man nani kaikaia lihkisma bara latwan sma ba; man nani kulkanka tara brisma bara karnikam ba; luhpa mairin bara waitna nani, Jerusalem ra swiram ba iki yakabia.

Emus 2:5

Witin nani baku daukan bamna, yang bui Juda tawanka purara pauta klauhan blikamna, bara baha pauta kauhan ba mita, Jerusalem tawanka ra wihta tara nani watla sut angkbia.”

Emus 6:11

Kan Dawan lâ daukbia utla tara bara sirpi nani ba sin sut slingbi tikaia.

Miqueas 3:12

Baku bamna, man nani saurkam tâka mita, Jerusalem tawanka Saion ilka ra ba, insla daukaia tasbaya takbia, tawan slingwan bara aisawan tara kum kabia. Dawan ra pura sunaia watla ilka ra, inma kiaya pali man pâwi kabia.

Sakaraya 11:1

¡Líbano, durkam nani ba kwâks, bara pauta klauhan mita yalamkam dusa nani ba angki âpu daukbia!

Matiu 24:2

Sakuna Jisas witin nani ra win: —¿Man nani naha sut kaikisma? Kasak pali mai wisna, walpa kum walpa wala purara sin swin kabia apia. Sut kat slingbi sauhkan kabia.