Jirimaya 51:6 - DAWAN BÎLA AISKA

⁶ “¡Man nani Babilon wina taki plaps! ¡Ya ya swakwaia sip sma ba swakwi taks! ¡Witin saura daukan ba tâka man nani sin prupara! Nanara yang mita pana witin nani ra munaia yua aimakan bara aibapamni nahki praiska kat yabaia ba.

Jirimaya 51:6 ပူးပေါင်းရင်းမြစ်များ

Lawana Nani 94:1

¡Mariks Dawan, man ba Gâd pana mamunra sma ba!

Sins Lâka 13:20

Sinskira nani wal tauki bas, bara sinskira kama; taniskira nani wal tauki bas, bara mai sauhki mai tikbia.

Aiseya 48:20

Babilon wina man nani bal taks, Caldea uplika nani tila wina plaps, liliakira wal naha sturka nani wis upla sut ra, bara brih was tasba tâ wala pali kat. Wis: “Dawan ba pri sakan ai dukia dadaukra Jekob ra.”

Aiseya 63:4

Yang luki kaikri yua kum bâra kabia kasak lâka ba daukaia; yang upliki ba atki sakaia piua ba sin aimakan sa.

Jirimaya 25:14

Nisan tara nani bara king nani karnika tara bri ba, witin nani sin mina ra kauhbia. Bara baku witin nani dîa daukan ba mana briaia aitani ni mana aibapamna.’ ”

Jirimaya 25:16

Witin nani dibia bara mahka aikabi kabia bara grisi baku takbia war nani blikuna ba tâka mita.”

Jirimaya 27:7

Nisan nani sut ba witin ra bawi kabia, luhpia nani ra bara mulika nani ra sin bawbia, bara piua ba balbia bara nisan tara nani ba king karnika tara bri nani ba sin witin ra bawbia.

Jirimaya 46:10

Naha yua na Dawan karnika sut bri ba yua, witin ai waihla nani ra pana munaia yua. Sord nani biara banhbia ba kat, tala di bla takbia ba kat. Dawan karnika sut bri ba daukbia upla iki yakabaia yahbra tani tasbaya ra, Éufrates lamara.

Jirimaya 48:6

¡Man nani plaps! ¡Ya swakwaia sip sma ba swakwi taks! ¡Upla iwras tasbaya ra kiaya pâwi ba baku takbia!

Jirimaya 50:15

¡Man nani tnaya bani ra war aiklabaia winanka ba dauks! ¡Babilon ai waihla mihta ra pat aimakuya! Tawer nani ba kauhan, tawanka kutbanka nani ba sasakban. ¡Baha sika yang pana munaisna ba: man nani sin pana muns! ¡Witin ra pana muns witin nani mita munan ba baku!

Jirimaya 50:28

(Babilon wina plapi swak takan nani ba Saion ra wan bara sturi aisin, Dawan yawan wan Gâdka nahki Babilon nani ra daukan ba ai tempelka sauhkan ba tâwan, dîa pana munaia kan ba kat munan dahra ba.)

Jirimaya 50:31

Dawan karnika sut bri ba aisisa: “Maipara saura aisasara nisanka, yang mampara sna; yua ba balan, klala maikaia yua.

Jirimaya 50:8

“¡Babilon, Caldea uplika nani tawanka ba wina man nani plaps! ¡Dakni ba tâura man nani pas tâ bri plaps!

Jirimaya 51:11

Dawan Babilon slingbaia lukisa bara witin ai lukanka ba ni Media kingka nani ba tukbisa. Baha sika Dawan mita pana muni ba warkka ba, witin nani Dawan tempelka ra diara daukan ba tâwan. ¡Man nani trisbaikam ba pliki bris! ¡Kainam kahbaika nani ba dims!

Jirimaya 51:36

Dawan aisisa: “Kasakka lâka ba yang dauki maikamni, waihlam nani ba ra pana munamna. Babilon ra awala nani bara lî kârma nani ba sut pali lâkamna.

Jirimaya 51:45

Upliki nani, baha wina taki was, ¡kumi bani rayakam swaki sâks yang lawanki tara ba wina!

Jirimaya 51:50

Man nani upla iki kan tila wina swak takram ba, takaskras plapi bas, kan laihura sma sakuna Dawan ra luki bas; man nani Jerusalem kupiam krauki bas.

Jirimaya 51:56

Witin nani Babilon sauhki tikaia balan; aiklaklabra nani ba alki priskan, pantamangka nani bri ban ba kriki âpu tikan. Dawan sika Gâd upla bani dîa ai mana briaia ba kat yabisa.

Jirimaya 51:9

Yang nani Babilon ba pat sîka daukri, sakuna rawras. ¡Man nani swis! Kaisa yawan naha wina mahka wap kumi bani wan tasbaya ra, witin nani lâ sauhkan ba kasbrika pura kat ulan, kasbrika nani ba pura ba kat bukan.

Inanka Nani 3:64

Witin nani ra dîa aibapaia ba kat yas, Dawan, witin nani ai mihta ni dîa daukan ba praiska kat yas.

Kulki Kaikanka 16:26

Bara upla nani ra win: —Baha uplika saura nani tintka watla ba wina taki banhs, witin nani dukia kumi ra sin kangpara, man nani sin witin nani saurka tâwan pruma ra sîa.

Kli Smalkanka 32:25

Luhpiam nani yabal bîla nani ra sord ni aiklabi prui kabia, utla nani ra lika sirang ikaia lâka king aimaki kabia; wahma nani bara tiara nani prui kabia, almuk bara tuktan yapti tialka di nani ba sin.

Kli Smalkanka 32:41

yang sordki glas baku lipi ba mala daukamni bâra kasakka lâka daukaia ba tâ krikbia, waihli nani ra pana munamni. Misbara ai kaiki nani ra ai mana aibapi yabamni.

Kli Smalkanka 32:43

“¡Nisan nani, Gâd uplika aikuki lilia bas! ¡Witin pana muni ikbia ai albika nani tnata mana pana munaia lâka bal bribia ai waihla nani dukiara bara ai kuntrika uplika ra pâtka ban swih tikbia!”

1 Timoti 5:22

Dawan warkka ba daukaia dukiara, ban pat pali mihtam upla kumi purara sin kahpara. Upla wala nani saurka ba man aikuki asla bripara; wînam ba sunu bri bas.

Param Marikanka 16:19

Tawan tara ba baikanka yumhpa ra kriwan, bara tasba aiska tawanka nani ba sut kauhan. Babilon tawanka tara ba dukiara Gâd ai kupia kraukan, ai kupia baiwanka tara wainka laya blikan ba yaka lanhkaia dukiara.