Jirimaya 51:58 - DAWAN BÎLA AISKA

⁵⁸ Yang, Dawan karnika sut brisna bara aisisna: Babilon kutbanka bîla tara ba aiska pali dringban kabia, getka tarka tara nani ba angkbia. Nisan nani wark takan ba sut bahki takbia, ai laptika saki wark takan ba ami lubia.”

Jirimaya 51:58 ပူးပေါင်းရင်းမြစ်များ

Lawana Nani 127:1

Tempel ba, Dawan mâkras kaka, baha nani, bara wark taki ba bahki takisa; tawan ba Dawan bui kan kahbras kaka, baha nani aihwaki kaiki ba bahki aihwakisa.

Aiseya 13:2

“¡Man nani diara purara pâwras ilka kum purara aiklabaia plakinka purara buks! ¡Suldiar nani ra aiklabaia sainka mariks! Mihtam nani purara buks, baku witin nani lamamra itwi wabia upla tara nani getka bâk dimi.

Aiseya 47:13

Lâ smalki, kupiam krauki nani ailal bri katma tilara, ban swapni takram. ¡Witin nani nanara bal bubia bara tâmwan aisabia, kasbrika pura tânka plaplikra nani ba mawanra, diara nani puramra aula ba kaikan dahra mai wiaia dukiara!

Aiseya 65:23

Witin nani bahki ra wark takan kabia apia, ai luhpia nani sin piua kau aimakras prubia apia, kan witin nani ba, Dawan wina ai yamnika yan kiamka nani bamna, bara witin nani ai kiamka ba sut baku kabia.

Jirimaya 50:15

¡Man nani tnaya bani ra war aiklabaia winanka ba dauks! ¡Babilon ai waihla mihta ra pat aimakuya! Tawer nani ba kauhan, tawanka kutbanka nani ba sasakban. ¡Baha sika yang pana munaisna ba: man nani sin pana muns! ¡Witin ra pana muns witin nani mita munan ba baku!

Jirimaya 51:30

Babilon aiklaklabra nani ba aiklabras takaskan, ai kan kahbaika pliska nani ra diman; aiklabaia karnika âpu takan, mairin nani baku takan. Tawanka nani ba bal brin watla nani ba pauta ni angkan.

Jirimaya 51:44

“Bel, Babilon gâdka ba, klala yabamna, langkan yaba munrika aikabia, nisan nani witin ra kli plapbia apia. ¡Babilon kutbanka nani ba pat kauhan!

Jirimaya 51:64

bara wis: ‘Babilon ba baku rungwaia sa, Dawan mita sauhki tikaia blikuya ba wina kli bubia apia.’ ” Naha kat Jirimaya aisin ba takaskisa.

Jirimaya 51:9

Yang nani Babilon ba pat sîka daukri, sakuna rawras. ¡Man nani swis! Kaisa yawan naha wina mahka wap kumi bani wan tasbaya ra, witin nani lâ sauhkan ba kasbrika pura kat ulan, kasbrika nani ba pura ba kat bukan.

Jirimaya 9:5

Upla kumi bani ai walka lawaska kikisa, upla kumi sin ai walka ra sturi kasak ba aisaras. Kunin aisaia ba witin nani natka takan; saura dadaukra, sip natka wala ra tawras. Dawan kasak aisisa: “¡Taibi luan ba pura kli taibi luan, kunin aisin purak kli kunin aisin! Upliki nani ai kakaira takaia brin daukras sa.

Inanka Nani 5:5

Wark bîpka dusa ba, yang nani naina ra mangkan sa; yang nani swapisna, sakuna ris briaia piua aikras sa.

Abakuk 2:13

Dawan ai karnika sut bri ba mita, wark karna takram nani ba sut bahki ra lakan kabia, warkkam nani daukram ba, pauta ami ba mita angki sauhki tikan kabia.