Jirimaya 51:53 - DAWAN BÎLA AISKA

⁵³ Babilon ba purara wih kasbrika purkara ulbia sin ai kan kahbaika pliska purara pali mangkaia dukiara, waihla nani ba blikamna witin nani ba sauhki tikaia. Yang, Dawan, kasak aisisna.”

Jirimaya 51:53 ပူးပေါင်းရင်းမြစ်များ

Blasi Sturka 11:4

Bara witin nani win ai walka nani ra: “Man nani bal, kaisa yawan tawan tara kum paskaia, bara utla karnakira purara pali sin kum mâkaia, watla bahna ba kasbrika alkaia praiska kat, bara baku natka ra yawan wan nina ba tara kulkan kabia, bara tasba mawanra sin yawan nani ba yakabrira baman tauki kabia apia.”

Job 20:6

Witinka ba kasbrika pura kat uli wabia kra, bara ai lal ba sin ban klaut kat wih alkbia kra,

Aiseya 13:17

Kaiks yang Media uplika nani ba tatukbamna witin nani mapara waia, witin nani silbar nani ba wina yus munbia apia; gul ra sin tawi kaikbia apia wahma bara tiara.

Aiseya 41:25

“Yang daukri waitna kum lalma ra takaia; witin nina kat mâki winri, bara yahbra tanik aula. Tawan wihtka nani ba slaubla ra baku ai mina ra taibisa; sumi papaskra baku ai mina ni slaubla ba akbisa.

Aiseya 47:5

“Bîlam praki sâp iws, tihmia, ingni wal lilapas ra dims, Caldea tiarika mairin, man na ‘nisan nani kwinka’ kli mai wibia apia bamna.

Aiseya 47:7

Man wiram: ‘Yang na kwin ba ban kamna’; sauhki tikras kapram baha dukiara, bara sin lukras kapram nahki tnata alkaia kan ba.

Jirimaya 49:16

Kupiam prautka mita kunin mai munan, upla ra sirang tara ikaia daukisma. Walpa tara nani untika ra dimisma, il nani bahna ra sin bâra sma. Yakal tara baku wamtla bahara mâki kama sin, baha wina mâyara mai batakamna. Yang, Dawan, kasak aisisna.

Jirimaya 50:21

“¡Man nani Merataim uplika nani mapara aiklas bara Pecod uplika nani mapara sin! ¡Nina blîks, iki âpu dauks! ¡Dîa daukaia mai wisna ba kat sut dauks! Yang, Dawan, baku daukaia adar maikisna.”

Jirimaya 50:25

Dawan bui witin war aiklabaia dukia nani bri kan durka ba sakan, ai kupia baiwan ra aiklabaia dukia ba sakan, kan Dawan, karnika sut bri ba, wark kum aiska daukaia brisa Caldea uplika nani nisanka ba wal.

Jirimaya 50:45

Man nani wals, yang Dawan, Babilon mapara dîa daukaia ridi takri ba; dîa Caldea uplika nani mapara daukaia luki kaikri ba: Sîp kau sirpi nani ba sin brih wabia, twi langnika nani ba sin sauhkan kabia.

Jirimaya 51:11

Dawan Babilon slingbaia lukisa bara witin ai lukanka ba ni Media kingka nani ba tukbisa. Baha sika Dawan mita pana muni ba warkka ba, witin nani Dawan tempelka ra diara daukan ba tâwan. ¡Man nani trisbaikam ba pliki bris! ¡Kainam kahbaika nani ba dims!

Jirimaya 51:25

Man sauhki tatikra ilka takram, yang lika man mampara sna, tasba aiska sauhkisma ba. Yang, Dawan, kasak aisisna. Klala maikaia mihti bukamna, walpa tara nani pura wina karwi bal iwma, il tara kum pauta mita aman ba baku mai daukamna.

Jirimaya 51:48

Kasbrika purara tasba ra diara nani bâra ba sut lilia banhwi kabia Babilon kauhbia ba ra, sasauhkra nani ba yahbra wina witin ra balbia ba ra. Yang, Dawan, kasak aisisna.

Jirimaya 51:56

Witin nani Babilon sauhki tikaia balan; aiklaklabra nani ba alki priskan, pantamangka nani bri ban ba kriki âpu tikan. Dawan sika Gâd upla bani dîa ai mana briaia ba kat yabisa.

Jirimaya 51:58

Yang, Dawan karnika sut brisna bara aisisna: Babilon kutbanka bîla tara ba aiska pali dringban kabia, getka tarka tara nani ba angkbia. Nisan nani wark takan ba sut bahki takbia, ai laptika saki wark takan ba ami lubia.”

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Emus 9:2

Witin nani tasba mununhtara salhki dimbia sin, yang baha wina alki sakamna, kasbrika purara uli wabia sin, baha wina batakamna.

Emus 9:4

Ai waihla nani mita alki priski upla iwras tasbaya ra brih wabia kaka, bahara sin, yang sord blikamna bara witin nani ba ikbia. ¡Yang bui witin nani ra kaiki ban kamna, yamni munaia dukiara apia, sakuna saura munaia dukiara!”

Abakuk 2:9

¡Man nani sarkam pali ai daukisa, wamtla ra implikan dukia nani wal banhki dauki brisma ba, baha dukia nani ba ni yukuwaikam brih pât nani aula ba wina swak takaia lukisma!