Jirimaya 51:44 - DAWAN BÎLA AISKA

⁴⁴ “Bel, Babilon gâdka ba, klala yabamna, langkan yaba munrika aikabia, nisan nani witin ra kli plapbia apia. ¡Babilon kutbanka nani ba pat kauhan!

Jirimaya 51:44 ပူးပေါင်းရင်းမြစ်များ

2 Kronikas 36:7

Nabucodonosor tempel dukia holi kan ba wina bakriki prais brih wan, bara Babilon tempelka ra mangkan.

Job 20:15

Yuyaka nani langkan ba sut aikabi sakan kabia, Gâd mita sika klungka ba wina saki ba.

Aiseya 2:2

Mani nani kau lui wabia ba ningkara, Dawan ra pura sunaia watla ilka ba lika, tara pali kabia. Il wala nani sut wal kau purara kabia, bara upla sâtka nani sut bahara aidrubi banhwi kabia;

Aiseya 21:9

Bara nanara kaikisna aras wâl wagin kumi raski aula.” Bara upla kum aisi, win: “¡Kauhan, Babilon ba kauhan! Ai aidulka gâdka nani sut tasba ra kauhi kriwi yuya baman takan.”

Aiseya 60:5

Man baha kaikma piua ra, bara mamwan ingbia lilia mita, man kupiam ba lilia ni banhwan kabia; man ra dukia kukan ba kabu un tawanka wina kli tawi man ra aula ba kaiki. Nisan nani yuyaka kukanka nani ba sin kli tawi man ra aula bamna.

Jirimaya 50:15

¡Man nani tnaya bani ra war aiklabaia winanka ba dauks! ¡Babilon ai waihla mihta ra pat aimakuya! Tawer nani ba kauhan, tawanka kutbanka nani ba sasakban. ¡Baha sika yang pana munaisna ba: man nani sin pana muns! ¡Witin ra pana muns witin nani mita munan ba baku!

Jirimaya 50:2

“Nisan nani ra maisa paks, naha tânka witin nani briaia. Maisa pakanka tukinka ba purara buks; diara kumi sin yukukpara. Man nani wis: ‘¡Babilon kata pat brin! ¡Bara gâdka Bel kata ba lawaska kikaia ra lakan, Marduc gâdka kata ba, sibrin tara ra sa! Aidulka nani, gâdka bahki nani ba, lawaska kikaia ra tawan bara sibrin tara ra sa.’

Jirimaya 51:18

baha dukia nani ba diara bahki, lawaska kikaia dukia, Dawan lâ dauki kabia bara sauhki tikbia.

Jirimaya 51:34

Jerusalem, Saion tawanka ba, aisisa: “Nabucodonosor, Babilon kingka ba, yuya sirpi ai dauki ai langkan; plit kum bîla man ba baku ai dauki swin. Kabu daiwra saura tarka tara kum baku taki, ai langkan; dîa want ba kat ai âuyapah ai pin; bara tâka ba swin lulkan. ¡Babilon bui saura ai munan mana ba aibapbia! ¡Caldea uplika nani bui aibapbia, upliki nani ikan ba mana!”

Jirimaya 51:47

Baku bamna, yua ba balbia ba ra Babilon aidulka nani ba klala yabamna. Kuntrika aiska ba mâyara batakamna, upla pruan nani baman ni praki swin kabia.

Jirimaya 51:53

Babilon ba purara wih kasbrika purkara ulbia sin ai kan kahbaika pliska purara pali mangkaia dukiara, waihla nani ba blikamna witin nani ba sauhki tikaia. Yang, Dawan, kasak aisisna.”

Jirimaya 51:58

Yang, Dawan karnika sut brisna bara aisisna: Babilon kutbanka bîla tara ba aiska pali dringban kabia, getka tarka tara nani ba angkbia. Nisan nani wark takan ba sut bahki takbia, ai laptika saki wark takan ba ami lubia.”

Daniel 1:2

Dawan bui ban swin Nabucodonosor Juda kingka Jerusalem ra ba alkaia, bara sin Dawan watla ra diara nani bâra kan ba ailal pali saki briaia. Bara Nabucodonosor lika silak uplika nani ba sut Babilon ra kwahki brih wan, bara Gâd watla ra dukia nani kan ba bri si ai gâdka nani watla ra auhbi swin.

Daniel 3:29

Bamna nanara adar maikisna ya naha wahma nani Gâdka mapara saura aisabia ba, klaki pîs ra baman daukamni, ai watla nani ba lika slingbi yakaban kabia, ani tawanka uplika kabia, bîla ani nisanka kra kabia, twisa sât wala aisi ba kabia kra, gâd wala âpu sa baku swaki sakaia.”

Daniel 4:1

“Yang, king Nabucodonosor, brinki sa upla sut ba kupia kumi lâka bri pâwi kabia, nisan nani, upla nani bara bîla sât sât aisi ba naha tasbaya ra iwi nani ba.

Daniel 4:22

Baha dusa ba sika man king, pâwi ban karnakira pali takram ba. Wan Kingka sma ba lâka lika ban pâwi kasbrika purara ba kat ulan sa, man kingkam lâka karnika ba tasba aiska kat wan sa.

Daniel 5:19

Baha karnika yan ba mita, upla nani sut, nisan wala nani bara bîla sât wala aisi nani sut ba bui tara kulkan, bara sîa sin yabi kan. Bara witin yaura ikaia lukan ba ikan, purara bukaia kan ba bukan, bara wala nani ra batakaia kan ba sin batakan.

Daniel 5:26

bara baha tânka nani ba naku sa: MENÉ: Gâd bui man kingkam lâka yua nani ba kulki kaikan, tnata ba alkan sa;

Daniel 5:31

bara Darío Media wina ba ai king tasbaya ba alki brin. Baha piua ra Darío ba 62 mani bri kan.