Jirimaya 51:22 - DAWAN BÎLA AISKA

²² Man ni waitna nani, mairin nani, almuk nani, wahma bara tiara nani ba krikamni, wahma sirpi, tiara sirpi nani ba krikamni.

Jirimaya 51:22 ပူးပေါင်းရင်းမြစ်များ

2 Kronikas 36:17

Bara Dawan ba witin nani mapara Caldea kingka ba blikan, bara wahma nani sut skiru wal ikan tempel bîla kat. Wahma nani ra umpira kaikras, mairin nani ra sin, almuk nani, skahwa nani ra sin kulkras kan, baha nani sut ba Dawan bui ai mihta ra mangkan kan.

Aiseya 13:15

Upla sut swirka prawbia kaka, skiru ni saban kabia, upla sut swirka alkbia kaka, ikan kabia.

Aiseya 13:16

Ai luhpia sirpi nani ba, witin nani ai mawan kat lulki saban kabia; ai watla nani ba bîla man swibia, bara witin nani ai maya ra saura munan kabia.

Aiseya 13:18

Wahma, tiara nani ra pantamangka ni sabia, tuktan sirpi nani ra umpira kaikras, baku sin tuktan tara nani ra.

Aiseya 20:4

Asiria mita, Idsip uplika nani ba priski brih wabia, baku sin Etiopía wina kangbi sakan nani ba; wahma nani, almuk nani, kwala luha, ai mina man, tnata pura bikras, Idsip uplika nani ba swira daukaia dukiara.

Jirimaya 44:7

‘Baku bamna, Yang, Dawan karnika sut brisna, Israel Gâdka, aisisna: ¿Dîa muni man nani klauna baha mai sauhki tikaia pâtka tara ba puramra bri balaia daukisma? ¿Dîa muni man nani mita Juda uplika nani, waitna, mairin, tuktan nani, bisi baikan lupia nani ba sut pruaia daukisma, upla sut âpu takaia?

Jirimaya 50:37

¡War ba suldiar nani purara sa: sibrin mita tatatwaia! ¡War ba araska nani purara sa, waginka nani purara sin! ¡War ba mana aibapan suldiar nani purara sa: witin nani mairin baku swapni lakaia! ¡War ba diara nani bri ba purara sa: wala nani bal implikaia!

Jirimaya 51:23

Man ni sepad nani, sîp nani ba, insla dadaukra nani, bîp wainhka nani ba, king nani, wihta tara nani ba krikamna.

Jirimaya 6:11

Dawan, yang na man lawankam ni ai banhkram ba mita puri luan sa, kau alki takaskaia sip apia sni.” Dawan bui ai win: “Wahma nani yabal ra tauki ba purara laiks, tiara daknika nani ba purara laiks. Maya waitna nani bara maya mairin nani ba silak ra brih wabia, dama pali nani ba sin brih wabia.

Inanka Nani 2:11

Inan mita naikra nani ba swapni takisa, bara laima dusa bîla sut baiwaisa; kupi ba sari mita pura lui laiwisa, yang upliki nani tawanka tara sauhki tikan ba kaikisna ba ra, tuktan nani sirpi tiala di nani sin, tawan yabalka nani ra plun bla kauhi pruisa.

Inanka Nani 2:21

Wahma nani bara almuk nani sin, tawan bîla yabalka nani ra pruan prawi nani ba kaikisa; wahmiki nani bara tiariki nani sut, aiklabaia sordka malika wal ikan sa. Man mita witin nani ba ikram kupiam baiwanka yua ra, ¡ikram, umpira kaikras kira!

Isikiel 9:6

almuk nani, wahma nani, tiara nani, mairin kau waitna kaikras nani, tuktan nani, mairin nani ba iks, umpira kaikpara. Sakuna ani uplika sain bri kabia ba lika kangpara.” Bara witin nani tâ krikan tempel lamara almuk nani bâra kan wal.

Kli Smalkanka 32:25

Luhpiam nani yabal bîla nani ra sord ni aiklabi prui kabia, utla nani ra lika sirang ikaia lâka king aimaki kabia; wahma nani bara tiara nani prui kabia, almuk bara tuktan yapti tialka di nani ba sin.

1 Samuil 15:3

Bahamna nanara, was bara witin nani ba sut âpu dauks, waitna nani ba, mairin nani ba, tuktan nani bara swap lupia nani ba sin, bîp wainhka nani, sîp nani sut sin, kiamilka bara biriku nani sut iki âpu dauks.’