Jirimaya 51:16 - DAWAN BÎLA AISKA

¹⁶ Alwani bîla baikra ni lî auhaia binka ba kasbrika purara daukisa, tasba paski tawan ba wina kasbrika nani sunisa, lî auhi ba tilara yan imyula lipisa, pâsa watla wina sakan pâsa ba krawisa.

Jirimaya 51:16 ပူးပေါင်းရင်းမြစ်များ

Blasi Sturka 8:1

Bara Gâd kupia krawan, Noa bara daiwan wail nani, tim nani sut kira, ark watla ra bâra kan ba. Bara witin yan pâsa krawan tasba purara, bara baku lî nani ba mahka rahwi iwan.

Job 37:13

Baha nani sut ba wal sip sa Gâd mita tasba ra klala yabaia, apia kaka ai latwanka lâka tânka ba marikaia.

Job 38:22

¿Auhbaia pliska ba pat wih kaikatma ki, sno bara lî klaswan mâ nani auhbi swin ba,

Job 40:9

¿Dîa man ba yang baku karnakira sma ki? ¿Man bîlam baikra ba, yang bîli baikra alwani ba baku sa ki?

Lawana Nani 104:7

Sakuna man lawi daukram, bara mahka wan; aihni muni plapan man bîlam baikra, alwani ba walan ba ra.

Lawana Nani 135:7

Witin mukus nani yan uluya, wan tasba paskanka lâs ba wina; witin lî auhi ba dukiara, imyula nani yan maisa pakisa, witin ai dukia kukan nani bri ba wina, pâsa sakisa.

Lawana Nani 18:13

Dawan Laih Purara iwi ba witin sin yan kasbrika purara alwani ringban; ais bara masku aswan ba sin auhan.

Lawana Nani 46:6

Nisan nani bin tara daukisa, king tasbaya nani ba tatatwisa, tasba ba slilwisa ai bîla baikra saki ba waluya ba ra.

Lawana Nani 68:33

Kasbrika pura nani ra uli tauki ba, ban kaia ra kasbrika purara ba, Man nani wals ai bîla binka nahki taki ba, ai bîla baikra karnika tara bri ba.

Lawana Nani 78:26

Lalma payaska bara waupasa payaska yaban krawan; kasbrika pura pali ba wina; Gâd ai karnika tara ba wal brih balan.

Impakan Sturka 10:13

Moses Idsip tasbaya purara ai kînka ba bukan, bara Dawan mita daukan lalma pâsa karna krawan baha yua aiska, tihmia aiska sin Idsip tasbaya purara. Bara yu wala titan ra baha lalma payaska ba mita, kruhkru nani banhki takan. Pura luan baha sât kruhkru ailal kau kaikras kan, baha yua kat, kli sin ban baku baman kabia apia.

Impakan Sturka 10:19

Bamna Dawan mita pâsa krawi yabalka ba, muna tani ra lakan; bara pâsa karna pali muna tani wina yan krawan, kruhkru nani kata ba pâli Kabu Pauni ra baman bri si yakaban. Idsip tasbaya aiska ra kruhkru kumi sin takaskras kan.

Impakan Sturka 14:21

Bamna Moses ai klahkla ba kabu purara sakban; bara Dawan mita lalma wina pâsa karna pali yaban krawan, tihmia aiska. Baku kabu ba lilak baiki tnaya wâl awala bîla baku sakan, bara lilapas bâk tasba lâwan takan.

Isikiel 10:5

Baha rayaka bri nani tnawa binka ba, baha kutbanka lila ba kat wali kata, Gâd, karnika sut bri ba aisi ba binka baku kan.

Emus 9:7

Dawan bui Israel luhpia nani ra aisisa: “Etiopía uplika nani ba, man nani wal, yang maipara upla sâtka kumi banhwisma. Israel luhpia nani, Idsip tasbaya ba wina yang saki bri balri ba baku, filisteo uplika nani sin, Creta wina yang saki bri balri, baku sin Siria uplika nani ba, Quir wina yang saki bri balri.”

Jona 1:4

Sakuna Dawan pâsa karna pali kum blikan, kabu ra pâsa saura pali buan duri ba kriki tikaia praiska kat.

Jona 4:8

Yu ulan ba ra, Gâd daukan lalma payaska lapta krawaia, bara yu laptika ba Jona lal kat angkan; bara mahka sinska tiwi kan, bara witin pruaia kat lukan. Witin naku aisin: —Yang pruaia kanra yamni, raya kamna ba wal.